|
خاطرة تفصيل حسب الطلب
أي واحد أو وحدة يريد أو تريد خاطرة يكتب أو تكتب هنا طلب أننا نكتب ونحن بإذن الله نحقق طلبه بأسرع وقت ممكن بس الي يبي يطلب لازم يكون اسمه حلو ويدل على شيء عام :) علشان نستطيع نعبر له تعبير حلو زي وجه :)
[COLOR="Red"]ننتظر طلباتكم ولا تستحون وتقولون أخاف انفهم غلط ,,,,, الفهم الغلط مرفوع بيننا :)[/COLOR] [COLOR="Navy"]ذيب السنافي[/COLOR] |
زين ياذيب ياوكيل الخواطر
ممكن تكتب خاطره على فم رجل يشكر زوجته على صبرها عليه سواء خاطره نثريه او شعر ومشكور مقدما |
لا يا حبيبي ياالخواطر انا اتكلم عن اسم واحد من الاعضاء وبمناسبة ردك انا اطلب منك انك تكون متخصص في خواطر المواقف وانا بكون ارد واكتب عن اسماء الاعضاء وش رايك :)
|
فكره حلوووااا مره يا ذيب
مشكوور وتسللم ويعطيك الف عاافيه |
اخوي ذيب ما فهمت وضح اكثر <<< مخها مقفل شوي
يعني وشلون تكتب بأسم الأعضاء ولازم يكون اسمه حلو ..؟؟ اخوي الخواطر [COLOR="Indigo"]زين ياذيب ياوكيل الخواطر ممكن تكتب خاطره على فم رجل يشكر زوجته على صبرها عليه سواء خاطره نثريه او شعر [/COLOR] فيه موضوع في قسم الألعاب بين الشعراء والأعضاء تحط ردك والشعراء يكتبون لك 3 ابيات عن اللي انت تبيه ياليت تروح تشارك هناك :) وشكرا لك تحياتي للجميع |
[COLOR="DarkOrange"]ذيب ابيك تكتب على لساني خاطرة
وانت عارف الموضوع:)[/COLOR] |
أهلا ً وسهلاً يالريم مشكورة على إطراءك ولو ماعندك طلب نخدمك فيه :)
================================================ أم فيصل يعني أكتب لك خاطرة تكون على اسمك على لسانك كأنه أنتي الي تتكلمين يعني تقريباُ تقدرين تقولين مثل موضوع الشعراء الي يقولون عطنا الي عندك من مشاعر نصيغها لك في أبيات أنا أقول عطني الي عندك أصوغها لك في كلام حلو :) فهمتي ولا أشرح :) ========================================================== غريب ماطلبت شيء ياعيوني من عيوني أكتب لك خاطرة :) وأنتظرها وأنت أول زبون عندي :) |
احم احم
وحنا بعد نبي خخخخخ وش دعوى مالنا رب |
--------------------------------------------------------------------------------
لا يا حبيبي ياالخواطر انا اتكلم عن اسم واحد من الاعضاء وبمناسبة ردك انا اطلب منك انك تكون متخصص في خواطر المواقف وانا بكون ارد واكتب عن اسماء الاعضاء وش رايك ******************************************************************* متخصص فى خواطر المواقف؟ مافهمت وش تقصد , ممكن توضح اكثر وانا مستعد |
أقصد ياالخواطر مثل الي أنت وضعت موضوع بعيد وغير منحصر في أعضاء المنتدى ولكنه موجود في الحياة وهو موقف من المواقف أنا أقول أنت تمسك الي زي كذا يعني فيها موقف أو شيء وبين من أسمك أنك راح تبدع فيها :)
======================================================== نجود عطيني أي شيء أقدر أبدأ منه علشان أكتب ومن عيوني راح أكتب لك :) كل الي تبينه ولو:) ماننساك مهما حصل وأنتي من المجنن الي في المنتدى وأنا رئيس المجانين معقوله أنسى فرقتي :) |
هذي خاطرة لغريب الآه عساه يجي يستلمها ويعلمنا رأيه :)
=========================================== آآآآآآآه هي آهات وليست آه كلما تذكرت الماضي,, كلما تمثلت أحزاني أمامي ورأيت نزف جراحي ,, كلما تذكرت كيف انتحرت براءة طفولتي على أعتاب قسوة الحياة ,, آآآآآآآآآآآآآآآه مع كل صباح أتأوه بها تخرج من بين أضلاعي قد شابها حرقة الظلم والمأسآة,, كلما تذكرت موت أبي حين أقتنصه الموت في غفلة طفولية لم أكن أعلم مامعنى الموت ,, وآآآه أخرى للحوق أمي به وهو لم يكمل السنه منذ وفاته ,,, عرفت الموت وتوثقت علاقتي به من الصغر ,, من قبل النطق وصحيح النظر ,, ============ كبرت قليلا ً وبكيت أكثر,, ولكن مع قسوة الزمان إلا أن الله بعث لي من يرفع الأحمال ,, ويخفف المعاناة ,, حملني في ضعفي وسندني في قوتي ولم يكتفي بل ........ وزوجني ابنته فأصبح الصباح علي واكتشفت أني قد تزوجت ,,, بسرعة وبلا مقدمات ,, =========== في وحدتي وفي غمرة الوحشة والحزن انبلج نور الصباح ,, وتلألأت الأنوار وتهادت بين عيني وقلبي بمقدم غاليتي ,,, أقبلت وأقبل الأنس والسعادة بقدومها ,, أشرقت كشمس تنير أرجاء صدري وتنير الكون بلون وردي جميل ,,, في أقبالها خيل إلي أن محيسن الهزاني قد قال ذلك البيت من أجلها ومن أجل جمال إشراقها حينما قال : [poem=font="Simplified Arabic,5,,normal,normal" bkcolor="transparent" bkimage="" border="outset,4," type=0 line=0 align=center use=ex num="0,black"] برق(ن)تلالا قلت عز الجلالا=واثره جبين صويحبي وانا احسبه برق[/poem] دخلت بيتي فانقلب البيت في عيني إلى حديقة غناء قد فاح بها روائح الزهر والريحان ,, دخلت بيتي كسراج أناره ولكنه أنار قلبي قبل أن ينير بيتي ,,, قدمت وكان مقدمها مقدم الخير والحب الحلال ,, آآآآآآآآه كم أذكر تلك الأيام ,,, كم أذكر مولد ابني كم أذكر البشرى من فم المبشر تنطلق لقلبي قبل أذناي,,, كم أذكر أختلاط مشاعري بين خوفٍ عليكِ كاد أن يودي بي وبين فرحة بمولد ابني هذا الإختلاط في المشاعر جعلني ساعةً أبكي وساعة أضحك ,, دخلت إليها ومسحت على جبينها تلك المسحة الحانية أزيل بها آثار تعرقها وأقبل جبينها ,, نظرة لها نظرة تجلى بها الخوف عليها ,, قبضت على كفي بقوة ونظرت لي نظرة تكلمت فيها روحينا,, قالت عيني لها أني أخاف عليك وقالت هي لاتخف وقبلت يدي فزال خوفي ,,, لكم أحبك يا زوجتي الغالية ولكم أحب أرضاً داست عليها أقدامك ولكم أحب عشرتك لي فأنت أم أبنائي وبناتي ,,, ================== آآآآآآآآآه لكم أتذكر يا ولدي يوم مولدك ,, لكم أتذكر خطواتك الأولى ,, لكم أتذكر عثراتك الأولى والتي يبكي قلبي قبل بكاءك ,, لكم تقطع فؤادي بين أضلاعي لدموعك ,, لكم حملت همومك ,, لكم أنتظرت أن تكبر لأخبرك بكل ماجرى معي ,,, بكل ماعانيته ,,, لعلك تتعلم مايقيك غدر الليالي ,, ثم هأنذا يابني أراك كبيراً ,, أراك تخطو أولى خطواتك في الجامعة ,, فتذكرني هذه الخطوات بخطواتك الأولى تلك ,, بني ... أنت في عيني أفضل الرجال ,, وأنت في عيني جمال لا يعلوه جمال,, فكن كاوالدك لم يكسر شرفه يوماً ولم يطأ الردى ,,, كان ثوبه دائماً أبيضاً لايعلوه الدنس ,,, بني خذ كل ماتريد وعاشر من تريد ولكن ستجدني دائماً بانتظارك ,,, فأنت في نظري مازلت ذلك الطفل الصغير الذي كان يخطو خطواته الأولى بين حنان أمه وعطف أبيه ,, آآآآآآآآآه ياولدي كم أحبك وكم أحس بالفخر لرؤيتك ,, كن كما عودتني يابني رجلاً شجاعاً ,,, رجلاً محترماً ,, رجلاً باراً بأبيه وأمه ,,, رجلاً يحلو لي أن أسميه (نور قلبي) ,,, ================================================= أستاذي غريب أتمنى أكون شملت حياتك كلها من دون خطأ ولكن هذا حسب روايتك طال عمرك :) =============================================== ذيب السنافي |
نجود عطينا قصة شيء معلومات عنك تكون عامة
============= وننتظر باقي الطلبات :) ============= <<<<<<<<<<<<يبيع خبز :) |
ماننساك مهما حصل وأنتي من المجنن الي في المنتدى وأنا رئيس المجانين معقوله أنسى فرقتي
ماادري هي مدحه والا سبه بس يالله بالحالتين مقبوله <<<<<<<<<<<<يبيع خبز اهم شي يكون معه جبن سايل خخخخخخخخخخ ابيك تكتب عن وحده غصبوها اهلها على قسم هي ماتبيه على قولتهم عشان مصلحتها وهي مغرزه بالقسم وبعد نفس هذي الوحده تتذكر طفولتها اللي ماكان فيها لا باربي ولا سندريلا تتذكرها لما تشوف البزارين وحده اقبلت على الدنيا واختها اللي قبلها اخذت كل الدلع يعني وحده تقدر تقول عنها ماعاشت طفولتها مثل غيرها ايه وبعد هذي الوحده طفشت من كل شيء لا وكل ماشافوني الناس وش فيك ضايق خلقك يعني باختصار وحده طفشت من حياتها عادي اذا ماقدرت ترى مو لازم |
ما شاء الله عليك يا ذيب
والله اللي كتبته لغريب اعجبني مرررره اسلوبك رااائع الحين فهمت الفكره يعطيك العافيه ولي عوده للموضوع :) شكرا لك:) |
[quote]ماادري هي مدحه والا سبه
بس يالله بالحالتين مقبوله[/quote] لا ماهي مدحه ولا سبه ولكن ضرب على الوتر الحساس تقدرين تقولين تلاعب بعلم النفس :) يعني في علم النفس من الحاجات النفسيه للإنسان وهي حاجه ضروريه حاجة (الإنتماء) أنا أحاول أزرع بعقلك أنتماء لفرقة ذيب السنافي المجنونه تدرين ليش علشان ترتاحين نفسياً بتحقيق وحده من الحاجات :) وأن كان إنتماء ناقص :) [quote]<<<<<<<<<<<<يبيع خبز اهم شي يكون معه جبن سايل خخخخخخخخخخ[/quote] ضحكت لين بغيت أموت ودمعت عيوني حسيتك وحده من خواتي خخخخخخخخخخخخخ:) جبن سايل سيل الله أيامك بكل جميل خخخخخخخخخخخخ:) [quote]وبعد نفس هذي الوحده تتذكر طفولتها اللي ماكان فيها لا باربي ولا سندريلا تتذكرها لما تشوف البزارين وحده اقبلت على الدنيا واختها اللي قبلها اخذت كل الدلع يعني وحده تقدر تقول عنها ماعاشت طفولتها مثل غيرها ايه وبعد هذي الوحده طفشت من كل شيء لا وكل ماشافوني الناس وش فيك ضايق خلقك يعني باختصار وحده طفشت من حياتها[/quote] هذي سهله لأني أنا متعايش مع حياة حرمان في صغري أقصد ليس حرمان من العطف والحب لكن من الأهتمام والألعاب لعلمك من صغرتي إلى سني هذا ماقد دخلت ملاهي ألا مرتين مودي أخواني الصغار وخواتي علشان مايمرون بالي مريت به أقول حاجة علشان تعرفين أني عايش طفولة ثانيه أو غير وتدرين أنك بنعمة :) أنا عشت من سن 10 سنوات إلى الآن في المكتبه إلا سن 19 دخولي الجامعه بعدها بديت أدور العلم في كل مكان كل شيء تعلمته حتى العزف على الآلات الموسيقية بس طبعاً <<<هذي زلتي الوحيدة كان الشباب الي في الأسواق يغازل والي يسافر ويروح ويجي ألا أنا كانت حياتي مافيها ألا ساعة وحده للترفيه كانت غالباً عند التلفزيون وباقي حياتي دراسة وتعلم لهذا تشوفين أني في كل شيء مبحر بس في النهاية مافي حياتي طعم طفولة حقيقي لهذا منفجر عليكم بطفولة ماتتوقعينها حتى أبوي يشوف كلامي يقول يا أبوي كن الي يكتب واحد طفل صغير(وهذي طفولتي الحبيسة داخلي)طبعاً هو قرأ كلامي في منتديات أخرى رأى شيخ يكتب مفكر كبير متعلم جهبذ لكن المنتدى هذا فجر الي بداخلي كله والبركة في أبو عبدالله ومازال داخلي أشياء كثيرة لو فجرتها تفجرت :) الله يستر :) لهذا لا تندمين ترى أكثر شيء يخرج المبدعين في الدنيا هو الفقر والألم خصوصاً لدى الناس الي عندهم عزيمة والإنسان الصاحي هو الي يقلب ألمه وحزنه إلا دافع ليبدع ويتعلم هنا يتحول حزنه وألمه وهزيمته إلى سعادة وفخر ونصر :) [quote]عادي اذا ماقدرت ترى مو لازم[/quote] مبدأي في الحياة >>>>>>>>>>>>مافيه شيء مستحيل ورددي وراي مافيه شيء بالدنيا مستحيل إذا زرعتي هذا المبدأ براسك راح تبدعين وتنجحين وتزدهر حياتك :) نجود رددي وراي مافيه شيء بهالدنيا مستحيل مافيه شيء بالدنيا مستحيل :) ====================================================== وأبشري يالغلا خاطرتك تحت التنفيذ :) وعلى فكرة كل هالخواطر الي شفتيها ترى ألفتها خلال قطعي للمسافة الفاصلة بين البيت والمكتب وهي مشوار حوالي خمس دقايق ولين وصلت المكتب على طول مسكت الكي بورد وكتبتها ,, حتى القصة الي نزلتها بالمنتدى حق القصص روحي وأقريها والله ما أفكر في أحداثها ولا شيء بس لين جيت على الكي بورد تنطلق أصابعي على الكي بورد وأكتبها بدون توقف لين أخلصها والأحداث تتسلسل خلال نصف أو ساعة ألا ربع ألا أنا كاتبها وأنزلها على طول ,, تدرين ليه لأني مؤمن أنه مافي شيء بالدنيا مستحيل وأنه التحدي للنفس هو أكبر عائق للإنسان يقف بينه وبين الإبداع ,,, شدي حيلك :) |
ضحكت لين بغيت أموت ودمعت عيوني حسيتك وحده من خواتي خخخخخخخخخخخخخ جبن سايل سيل الله أيامك بكل جميل خخخخخخخخخخخخ
اضحك الله سنك على قولتكم سيل الله أيامك بكل جميل خخخخخخخخخخخخ سيل الله هاه مافيه شيء بهالدنيا مستحيل مافيه شيء بالدنيا مستحيل ولا تزعل الا مالا نهايه مافيه مستحيل بالدنيا وعلى فكرة كل هالخواطر الي شفتيها ترى ألفتها خلال قطعي للمسافة الفاصلة بين البيت والمكتب الله لايضرك ذيب انا عندي افكار خلاص وودي اكتبها بس المشكله اني اول مره اكتبها احس بفخر احس اني وين نجود كتبت هذا وبعدين والله العظيم لما اقراها مره ثانيه احس اني بايخه انا ابنزل منها هنا بالمنتدى بناءا على طلب عهو والعنود وانت تبي تشوفها وابيك تنقد تبي تشوف اني كل اللي اكتبه خرابيط يعني وانت تقراه بتضحك بس بتكون مثل غيرك من اللي قروها بتجامل يالله انا بانتظار خاطرتي ========================================================= [COLOR="Red"]شوفي يانجود من الحماس لخاطرتك طبيت في موضوعك مباشرة أنتي بس أكتبي وبكون معك صريح صراحة ماتجرح وش تبين بعد أكثر من كذا بس أنطلقي ذيب السنافي خبرة في إطلاق الإبداع :) يله شدي حيلك وبنتظر إبداعك :)[/COLOR] |
ذيب هل سمعت بالمراهقه المتاخره
الله اعلم انك تعيشها بهالمنتدى وخاطرتك لغريب الآه مبدعه سدد الله خطاك وسلم بنانك |
[quote]ذيب هل سمعت بالمراهقه المتاخره
الله اعلم انك تعيشها بهالمنتدى[/quote] حياتي قابلني وبتعرف وش مراهقة متأخرة خخخخخخخخخخ:) لأنك إذا قابلتني بتعرفني زين وإذا عرفتني زين بتتوهق بتصير رسمي معي بالمرة :) [quote]وخاطرتك لغريب الآه مبدعه سدد الله خطاك وسلم بنانك[/quote] يخليك ربي |
ذيب تراها مزوح تجى وتروح
لا تاخذ بخاطرك وليه ما نتقابل وش رايك فى كاباتشينو فى مقهى بارنيز بشارع ابليس قل تم يالله |
[quote]وليه ما نتقابل وش رايك فى كاباتشينو فى مقهى بارنيز بشارع ابليس[/quote]
شكل ذا الكابتشينو في ضاحية جهنم ياشيخ وش ذا الأسماء :)خخخخخخخخخخخ:) خلنا نعرفك أول ونمون عليك وبقابلك في مقهى د/كيف يانت بتموت ضحك لين شفتني مانت مصدق ذا الخبال ينطبق على ذا الشكل :) |
خاطرتي لنجود :) وعلى لسانها وحسب طلبها :)
================================ لا أدري اهي طفولتي التي تبكيني أم أنا التي أبكيها ,,, هل هي أحلامي الضائعة من ظلت طريقها أم أنا التي ضيعتها ,, هل أبكي حقي في الدلال أم أخرس واترك دموعي حبيسة عيناي,, =========================================== مازلت طفلة,,, تلك الطفلة البريئة مازلت أسمع ضجيجها بداخلي ,, قد اتخذت لها ملعباً بين أضلعي,,, لا أدري أأبعد قلبي عنها لأفسح لها المجال لتلعب ببرائة في داخلي,, أم أترك قلبي في مكانه فأضايقها به ,,, فإن أبعدت قلبي عنها قسوت على أهلي ,, وإن تركته في محله ضايقتها فقسوت على نفسي ,, إلهي ساعدني,,, لكم أحمل هموماً لا أطيق حملها ,, ولكم أحس بالحرمان ,, ===================== أماه لا تغضبي مني ,,, أماه سامحيني ,,, عن ماذا أسامحك يا ابنتي ؟؟ سامحيني يا أمي ولا تنهريني,,, عن ماذا يا ابنتي؟؟؟ أمـــــــــــــــاه ... أريد أن ألعب ,,, نعم أريد أن أنطلق ,,, أريد أن أحمل لعبتي بكل حرية ,,, أريد أن أضحك ببرائة وبلا خوف,,, أريد أن أبكي أن أصرخ ... بلا خوف من الأنتقاد ,,, وبلا خجل من أن يسمعني الجيران ,,, أماه .... إن اللعب تناديني ,, تهتف لي ,,, تقول العبي معي يانجود ,, احمليني يانجود ,,, دلليني يانجود .,,,, أبنتي هذه ليست اللعب .... لا ياأمي أنها اللعب ,,, لا يا ابنتي ... إنه قلبك المكلوم ,, وطفولتك الحبيسة ,,, ولكن ................... أعذريني يا ابنتي .................لقد أصبحت عروساً. ======================================= أتمنى أنها تحوز على رضاك يا نجود ترى الدعوى كلها كيبورديه :) =================================== ذيب السنافي :) |
[COLOR="DarkOrange"]ذيب انتظر عودتي
كلام رائع ولو اني كنت خايف توضح نقطة معينه بس تعجبني خخخخخخخخخ تحياتي لشخصك الكريم[/COLOR] |
ماشاء الله حلوه مره
وتستاهليني يامشرفتنا نجود خخخخخخخ [quote]تقول العبي معي يانجود ,,احمليني يانجود ,,,دلليني يانجود .,,,, [/quote] خخخخخخ تبي الصراحه بس هذي اللي احس انها مشينه الخاطره يعني احس انها زي ماتقول سوالف يعني لواخذت عباره وحده من العبارت تكفي مثلا احمليني يانجود فقط وترى امكن ذوقي يختلف عن غيري وانشاء الله تعجب نجودوهذا المهم لانها لها 7 7 7 7 اجل خلاص حتى انا ابي خاطره خخخخخخخ ابيك تفصل خخخخخخخ بس إذا مافيه موديل كويس مافيه فلوس كلاس ذيق وسع مجانا خخخخخخخ لا صدق ودي اقول احاسيس وحده عزيزه علي وتقول الخاطره انت مثل خواطرك اللي قريتها اللهم لاحسد اخاف اطقك بعين خخخ وحده تحب لها واحد وهو بعد يحبها خطب الوحده ذي اخو الواحد هذا خخخخخ شكلي هنديه مااعرف اوضح خخخخ 8 8 8 اثنين يحبون بعض من 6 سنوات (يعني من ايام الطفوله)انخطبت البنت لخو الولد وهي مو عارفه وش تسوي اهلها موافقين عليه مبدايا واصلا حتى لو رافضين اهل اللي تحبه ماراح يوافقون على ان اللي تحبه ياخذ وحده خطبها اخوه قبله والاخو هذا بعد يحبها وهي كرهته لانها بتنحرم من اللي حبته بسببه بس الاهل ودهم به لان وظيفته اعلى ومكانته في العائله بعد يوم درى اللي يحبها من خطبت اخوه لحبيبته تحطم وصار مهمل وكاره للحياه وبس |
اسمعي ياعزيزتي أنا أعرف واحد يحب وحده 11 سنه وهي قالت لأخته أنها تحبه وتموت فيها وكل يوم يتعلق لين صارت كل شيء ثم بعد هذا خطبها قالت أحبه مثل أخوي تدرين وش صار فيه :( شيء مايحصل ببال بس يله نعيش ونشوف لكن صدقيني أنا أقول ترفض أخوه لأنها بكرة راح تقول أشياء مالها داعي ربما أي شيء بكرة يسويه هذا لمرته بتغار عليه وهي مالها دخل وربما حصل شيء لا قدر الله وربما صارت أمور مايعلمها إلا الله أنا أقول ترفض بتاتاً ولا تقبلهم ثنينهم حفاظاً حتى على وحدة ذيك العايلة أو أنها ترفض هذا وتقبل اخوه من غير مايحسون أنها تحبه يعني ترفض الأخ المتقدم ولين جاء مثلاً بعد سنه يتقدم الثاني وتقبل بها وتقول هذا حظ ونصيب :) ولكن عسى الله يستر
========================================================================== بالنسبه لما ذكرتيه نعم صحيح كلامك وهي الي مشينتها بس كنت كاتبها الصباح على الكي بورد وفي مقهى انترنت وعندي ازعاج وسواليف وريحة دخان لحسة مخي ياله طلع مني ذا ولا قريتها ألا لاحقاً في المكتب وقت الضحويه وشانت هذي في عيني لكن قلت كتبناها وانتهى الموضوع ماراح أغير في الموضوع الكل قراه :) ========================================================================== ربك يسهل :) تحياتي الذيب :) |
ياحليلك ياذيب انت ونصايحك طيب ماعندك نيه تقول خلاص بكتب الخاطره خخخخخخخخخخخ
ولا خلاص ماعاد انك مفصل اخاف طقيتك بعين ترى قلت ماشاء الله |
لا عادي بس أنتي ماكفاك خاطرة باسمك ولحالك يعني في موضوع مستقل لوحدك مااحد معك لا تصيرين طماعه
أما بالنسبه لو بكتب في الموضوع الي تقولين ما أقدر حالياً لأني ظروفي النفسيه ماتساعد لكن ربما لا حقاً :):) |
[quote] لا تصيرين طماعه
[/quote] خخخخخخ ماني بطماعه اصلا هي قصه لوحده عزيزه علي وحسيت قصتها محزنه مره وتصلح تصير في خاطره [quote]ما أقدر حالياً لأني ظروفي النفسيه ماتساعد [/quote] ماتشوف شر انشاء الله وخلاص صدق خلها لوماتكتبها الابعد سنه اصلا لوماتكتبها بالمره عادي مراح ازعل |
أمش وش سنته لا أن شاء الله قريب بس خلي زناد فكري يقدح والحزن يعصف بنفسي ولين ما عصف بنفسي بتجيك خيول فكري مسرجه مثل خيولاً عربية أصيلة تقدحم الميدان وأفجر ينابيع الخيال بقلبي وفكري وأفكها على الموضوع وتجيك مثل الموج العالي يضرب سطوح قلوب القراء ويغرقها في حزناً أنا قبلهم فيه غرقان بس على قولة القايل صبرك علي صبرك :):)
|
والله ثم والله ثم والله
قريتها ثلاث مرات وماادري وش اقول يعني اعذرني راح اعتبر نفسي انا اللي كتبت هالخاطرة ولا راح اعلق اكثر من قولة جنان وصدق اللي قال خير الكلام ماقل ودل يمكن يقول غيري اني ابالغ بس الناس اذواق ذيب وين الفاتوره؟؟ |
[quote]ذيب وين الفاتوره؟؟[/quote]
أي فاتورة يا أم عرب مابينا فواتير الأمر وماهنالك نحرك الخيال شوي والله من زمان ماقعدت أكتب زي كذا بالعكس كلكم أنتم الي حركتوا فيني الخيال أني أكتب ولا أنا بليد شوي :) مشكورين جميع والله :) |
ذيب ياذيب ذيبان ذويبن الذئبه سوري هههههههههه ياذيوب بالله اكتب خاطره على لساني في نفسي ضايق صدري وابي افض فض همومي تحياتي
|
أسمع يابعدي ودي أكتب لك خاطرة بس عطني الغرض الي تبيني أكتبها فيه :)
===================================================== |
[COLOR="Teal"][U]أمش وش سنته لا أن شاء الله قريب بس خلي زناد فكري يقدح والحزن يعصف بنفسي ولين ما عصف بنفسي بتجيك خيول فكري مسرجه مثل خيولاً عربية أصيلة تقدحم الميدان وأفجر ينابيع الخيال بقلبي وفكري وأفكها على الموضوع وتجيك مثل الموج العالي يضرب سطوح قلوب القراء ويغرقها في حزناً أنا قبلهم فيه غرقان بس على قولة القايل صبرك علي صبرك
------------------------ هذي لحالة أروع خاطرة تسلم ذيب وتسلم روائعك [/U][/COLOR] |
أمش :) الحين هذي السواليف خاطرة أثري أسولف وتطلع خواطر خخخخخخخ:) أجل بكثر سوالف :)
مشكورة على المرور من هنا وعلى التشجيع :) |
جهد واضح .. وبوح رائع
استأذنكم بنقله لخواطر الأدب العربي .. |
رد على: خاطرة تفصيل حسب الطلب
رائع في الفكرة
ورائع في الكلمة والله يعطيك العافية على فكرتك الرائعة |
| الساعة الآن 11:41 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة