الطريق الى المجهول
 

يقولون ولا هكالواحد والواحد الله في سماه العالي وكل ابليس مخزيه الله
ولا هاكالرجال ، اللي والله العالم في حدود الخمسة وخمسين سنة ، سمع عن
الإكتتاب في شركة اعمار في دبي ، وجمع معه ثلاثة شيبان من ربعه ، واخذهم معه في دتسنه ابو غمارتين
وتوكلوا على الله ، بعد ما صلوا الفجر ، في احد الأيام ، معهم اكلهم ومويتهم ، وراعين
سواليف وهيجنه ، مسكوا الخط يوم وصلوا مفرق الحسا ، اختلف الراي ، احد يقول نروح معه
اقرب لنا من طريق الدمام ، واحد يقول الطريق ولو طال ، وتعاندوا ، شيبان يابسة روسهم ، فصاحبني طرت عليه فكرة ، يرضي فيها الطرفين ، وليش ما ناخذ خط وسط بين الاثنين ، وفي هذا توفير مسافة وكف مشكل
حصل وما كان متوقعه . وبالفعل طلع الأخ من الخط المزفلت ، وبدا يمشي مع هالطريق الترابي ، اللي في باله
رايح يحدره على دبي مباشرة ، ويوفر مسافة ووقت ، خاصة وان الرجال متوجد معبي توانكي المويه وتوانكي البنزين ، ومعهم كل ما يحتاجونه يمكن لمدة 3 ايام . استمر الرجال وربعه يهيجنون ، ومبسوطين ، ولا عندهم من الشيطان طاري ، لكن لامعهم خارطة ولامعهم بوصلة ، ولا أي شئ يمكن يساعدهم على معرفة الجهات ، ماعدا
الشمس ، اللي حطها السواق على حجاجه الأيمن واستمر كافخ ، طبعا بين ساعه وساعه يوقفون وياكلون
ويشربون ويريحون ثم يستمرون ، المهم جاء عقب العصر ، وهم على الخط الترابي الضيق وما حولهم يمين ويسار إلا كثبان رملية ، غابت الشمس ، وهم مستمرين ، اظلم الليل ، والرجاجيل تعبوا ، ولا حولهم من يقول ربي الله ..
وكل واحد يشجع في اخوياه ، وإلا في داخله حاس بأنهم في خطر ، ولا وده يبينه خايف ينقدون عليه الربع ..
ناموا الجماعة فالجو ماكان بارد ، وعينوا من ربهم خير ، ومن الفجر دقوا سلف وواصلوا ، وعلى نفس السوالف
والذكريات القديمة والهجيني والمراد بيناتهم ، السواق ط . هـ ، واخوياه ، س ، و م ، والرابع ماشاء الله تبارك
الرحمن عن اثنين ، راح الوقت ، زلت الشمس ، قرب المغرب ، وهم يعمتون ، لكن المشكلة ماشافوا في دربهم
ولا مودماني ، وعلى نفس الوضعية ، حتى ثالث يوم ، والاهم يشوفون من بعيد شئ كنه بحر ، ويفرحون الرجاجيل
ويستانسون ، بس ، هذا الخليج وصلناه ، اتجهوا للبحر ، قابلهم بعض التليعات الخفيفة ، تجاوزوها ، وبعد كل مشقة وصلوا البحر ، لكن البحر ماحوله احد ، لاحول ولا قوة إلا بالله وين الناس راحوا!! ، مشوا بالونيت على الساحل ، ولا والله يوم شافوا هالكسفينة الصغيره واقفة ولكن ما حولها احد ...

يتبع في الحلقة القادمة ..

تشويق مابعد تشويق

ليتي مافتحته لين اكتملت هههههههه

بإنتظار التكمله ابو عبدالله ،، لا تطول علينا

وأنا أيضا أتابع بشغف وأنتظر بشوق تتمة السبحونة[b][/b]

هلا مشرفناااااااا :)


بأنتظاااااااار باقي القصه :)

تحياتي لك

حلوااااا مشرفناا

بنتظار التكمله بفارغ الصبر

كانوا الجماعة جواعا ، ولا عاد معهم اي شئ ياكلونه ، قال لهم واحد منهم ، وش رايكم لو ندخل هالسفينة
اللي واضح مافيها احد ، وحتى لو فيها احد ، ماعلينا ، لازم نلقى شئ ناكله ، ولعلنا نلقى عندهم بنزين
يسعفونا . وبعد تداول الرأي بينهم ، توكلوا على الله ، وطافشوا في الماء حتى وصلوها ، وطبوا في وسطها.
دوروا ، صوتوا ، مالقوا احد ولا شافوا احد ، والمشكلة ما يدرون وين الأكل ، لو كان فيه اكل . واحد منهم
كان يدور ، إلا والرجال يصوت باعلا صوته ، ابشروا بالأكل ، واذا بهكالثلاجة الكبيرة ، اللي موزية خلف دواليب
وفيها من كل النعم ، والله والرجاجيل يعثون في أي شئ لقوه ، ويشربون اي شئ يشوفونه مما لذ وطاب ،
الا والله يوم دروخوا ، وجاهم النوم ، واذا بهكالغرفة اللي فيها فرش ولحف ، والله وكل واحد يحط راسه وينام.
واحد منهم مع كثرة الأكل كبس عليه كابوس وحس باختناق وطمر من غفلة النوم ، واذا هو يحس ان الأرض تحته تحرك ، انتهض الرجال ، يوم طاح ، كلما قام تمايلت به الأرض وطاح ، بعد جهد جهيد طلع من الغرفة ، وعرف إن السفينة تمشي بهم ، والظلام حالك ، وفي وسط البحر ، ولا حولهم احد ، والأمواج تصفق يمين ويسار لكن السفينة
ثابتة في مسار واحد ، ركض الرجال يقوم ربعه ، ولكن كلهم رايحين في آخر نومه ، إلا واحد : قم .. قم يافلان
السفينة تمشي مدري وين ماخذتنا ، رد عليه صاحبه : نم .. نم .. الله يصلحك الظاهر الفيمتو اللي شربت منه بان تأثيره ..

يتبع....

خخخخخخخخخخخ :) الله يستر من الي فاهم :)

الله يستر .. مشت بروحها

بإنتظار التكمله

وقاموا باقي الجماعة على الكلام اللي يدور بين الأثنين ، السفينة تمشي بروحها ، وهم في وسط البحر ،
والمشكلة كلهم ما يعرفون سبحون ، ،،، يبون انوار يبون اثر لأي مخلوق ، ما حولك احد ، قال واحد منهم
هين خلوها على هواها ، يبي يخلص الديزل وتاقف من نفسها ، وهكالوقت فيها حلال ، المهم هالحين
انتبهوا لا بعد تقضون على باقي الأكل اللي في الثلاجة ، ونقعد بها في هالبحر ، ،، ياليل ما اطولك ،
الساعات تمر ثقيلة عليهم ، والخوف محاصرهم من كل جهة ، ، ، قال واحد منهم للي جابهم : الله لا يعيدك انت
والمساهمة اللي طلعتنا من ديرتنا على شانها ، ، وشوي إلا يبون يطقونه ، قال لهم يالربع مهيب ذي ، انا وياكم
في الهوى سوى ، لو الله اراد وعرفنا الطريق ، كان ساهمنا ورجعنا للديرة ، ولا حصل شئ ، هذا امر مقدر
ونرجي الله سبحانه وتعالى أن يلطف بنا ،،، كانت الوقت متأخر من الليل ، إلا ويسمعون ديك يذن ، اصيبوا بالدهشة ، فهم مفتشين السفينة بدقة ، ولا فيها ديك ... وين جاهم هالديك ، تراكضوا عليه ، والديك بدأ يدور بهم
في السفنية وهم ركض وراه ، ولكن ما قدروا يمسكونه . تعبوا الرجاجيل ، وكل حط راسه ونام ، والسفينة
تدرهم في البحر ، والديك غدا يهبل بهم كل شوي يذن من مكان مختلف عن الأول ، حتى إنه دخل عليهم الغرفة
واذن ، زعلوا منه ، يبدون على الأقل يمسكون ويذبحونه ويستريحون من ازعاجه ، لكن من يوم حس بهم يتحركون
انحاش ، ويلحقونه ، ولكن مافيه فايدة ، قرروا يتحاوشونه من جميع الجهات ، يعني ماعاد فيه مجال إنه ينحاش مرة اخرى ، لكن كانت المفاجأة....

يتبع ...

خخخخخخخخخخخخ :) مازال ذيب ينتظر الأحداث بتلهف :)

ههههههههههههههه يا حليل ذا الديك يضحك هبل بهم

وش المفاجأه


بأنتظارك مشرفنا المبدع :)

السفينة تبدأ تتمرجح وبقوة ذات اليمين وذات الشمال ، وترتفع وتهبط ، وكل واحد منهم اصابه الدوار
فلم يعد قادرا على حفظ توازنه ، سقط معظمهم ، في قاع السفينة، إلا واحد ، كان منبطحا على فراش اسفنجي
وممسك بمقبض حديدي في جدار السفينة ، ويرقب الوضع ، فلم يعر ما جرى لإصحابه اهتماما ، فقد كان تركيزه على الديك ، الذي ما إن اختفى ، حتى فوجئ الرجل بأن فتاة حسناء تخرج من نفس المكان الذي اختفى فيه الديك
كانت جميلة بحق ، شدت انتباه صاحبنا وهو غير متأكد أهو في حلم أم يقظة ، تقدمت إليه وحيته
السلام عليكم ... نظر الرجل إليها ، مرة مرتين ، المهم رأى آية من الجمال ، ورد عليها السلام في كل برود
ولاحظ أنها لم تتأثر بما يجري من حركة السفينة فهي ثابتة كالمسمار ، وتنظر له بعينين ناعستين ، ، واقتربت
منه وجلست عند رأسه ، وبمجرد أن وضعت يدها على خده ، وإذا بالسفينة تستقر ، والموج الهائج الذي كان يتلاعب بها ، وقد خمد...

يتبع ....

وش ذا الجنية

شكل ذي جنية ولا أن صاحبنا المتقضب قلبه سحري من يوم لمست هذا الجنيه ركد قلبه وركدت السفينه :)

يله ننتظر الباقي لا تتأخر علينا خلنا نعرف وش سالفة ذا الجنية :)

لوووووووول :p

نتظر البقيه مشرفنا

فتاة حسناء تخرج من نفس المكان الذي اختفى فيه الديك <<<<<<<لايكون الديك تحول (خيالها واسع)


ههههههههههه يعطيك العافيه يامشرفنا

بأنتظار باقي القصه :)

[COLOR="black"][COLOR="DarkOrange"]ابو عبدالله

وربي متابعك من الاول

وكل تكمله احس ان عيوني بتطلع من مكانها

موتني ضحك من ديك لبنت جميلة

كمل متابعين:)[/COLOR][/COLOR]

وخمد معه قلب ذلك الفتي العاشق ، الذي طالما سيطرت صورة هذه الفتاة على تفكيره لسنوات طويلة ،
فهل هي نفس الفتاة أم أنها تشبهها ؟ ومن نظراته ومن نظراتها إليه ، بدأت تتضح خيوط سر هذه الرحلة.
وتعانقا عناق العشاق ، وبدأت الدموع تنهمر ، في جو رومنسي ، فالنسيم عليل ، والليل هادئ ، وامواج البحر
تعكس ضوء القمر في ليلته الخامسة عشر ، واهم من ذلك أن رفاقه كلهم يغطون في نوم عميق ، بعد ذلك الدوار
البحري الذي تعرضوا له قبل قليل ..
اتعتقد إنك ستهرب مني؟؟ قالت له وهي تنظر إليه بعينين حانتين..
اخذ نفساً طويلاٍ قبل أن يجيبها ، ثم قال ، وكيف اهرب منك وأنتي بداخلي ، اشعر بك مع نبضي ..
ولكن ، ما كل ما يتمنى المرء يدركه ، وهاهي السفينة تجري بنا على غير ما نشتهي ..
اليس كذلك يا .... !!
لا...لا.... السفينة انا من يتحكم بها ... وأنا من خططت لأخذك بها ، وأنا من عملت كل شئ لتسير في الطريق الذي
اوصلك إليها ، من لحظة اختلافك ورفاقك في أي الطريقين تسلكون إلى دبي !!
ولكن إلى اين نحن متجهون ؟؟ قالها وقد ساوره القلق ..
قالت ... سترى ، فقط كن طبيعيا مع رفاقك ولا تخبرهم بما حدث بيني وبينك ، وإلا ..
وإلا ، ماذا ... رد عليها ، سأزعل منك ... وعندها قد اتصرف تصرفا يفقدك اصحابك ..

يتبع..

والله ذا الجنية ماهيب بسيطة الي تحرك السفينة :)

[quote]وكيف اهرب منك وأنتي بداخلي ، اشعر بك مع نبضي [/quote]

هذا الكلام يدل على أنهم يعرفون بعض شكلهم حبايب :)


ننتظر البقية :)

قصه جميله

ننتظر الباقي بحماس :)


شكرا لك مشرفنا على هالأبداع في القصه :)


تحياتي لك

الف شكر
على ماجاد به قلمك
تحياتي الطيبه