منتديات الفطاحله - الوداعية لخالد بن حسن الخالدي

[font=Courier New][color=#00008B][size=6]بعد تقاعد العميد الشيخ خالد بن حسن ال علي الخالدي رحمه الله تعالى من الخدمة في الجيش
هاضت قريحته بهذه القصيده من قمم سودة عسير [/size][/color][/font]
[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
بديـت باسـم الـلـي لــه الحـمـد والثـنـاء=الـخـالـق الـلــي عـالــم بـالـسـريـرة
الـلـي رفــع سـبـع السـمـوات بلاعـمـد=أبــدّي اسـمـه قـبـل مــا ابــدأ بغـيـره
وخـــلاف ذا بـديــت بـــدع المـثـايـل=مـثـايـل فـيـهـا الـمـعـانـي كـثـيــرة
سميـتـهـا بـاســم الـــوداع وبنيـتـهـا=وداع شـيـخــان وصــحــب وجــيــرة
وداع يــــادار الـجـنــوب الـعـزيــزة=دار الـكـرم والـطـيـب بـاحــلاك ديـــرة
دار بــهــا كـسـابــة الجـودوالـثـنـاء=سيفين من صلب السيوف الشطيرة
خـالـد ابــن فيـصـل مـقـدّي جمـوعـهـا=حــلاّل صـعـبـات الأمـــور العـسـيـرة
حلحـيـل ماينـحـال ســوء عـلـى الـعــدا=غيـث الرفـيـق وعــون مــن يستجـيـره
خـالـد مــن أوكــار الـحـرار المحـنـكـة=مـفـراص مـــاص مايـجـبّـر كـسـيـره
والمنطـقـة فــي عـهـد خـالـد تـقـدمـت=وفيـصـل لعـسـرات المـعـانـي وزيـــره
فـيـصـل مقـدّيـهـا اذا غـــاب خـالــد=واذا حـضـر فيـصـل عـويـنـه شـويــره
أهـــدي لـهــم كـلـمـة وداع نـبـيـلـة=ولا اعـتـبـرهـا الأولــــة والأخــيــرة
لـكـن مــن زائـــد غـلاهــم وحـبـهـم=ماكـنّـتـه نـفـسـي يـبـيـن تـعـبـيـره
وادعـتـهـم والـقـلـب مـتـأثـر بــهــم=حـسـب الأوامــر جـعـل بـالأمـر خـيـرة
جـتـنـا الأوامـــر والأوامـــر مُـقــدّرة=أقـــدّره وأقــــدّر الــلــي يــديــره
وافـخـر بتعييـنـي عـلـى أعــز منطـقـة=دار بـهـا راعـــي الـفـعـول الشـهـيـرة
عـبـدالإلــه أمــيــر دار نـصـيـتـهـا=عـقـاب الطـيـور الـلـي بعـيـد مـطـيـره
خـدمـة إبــن عبدالعـزيـز افتـخـر بـهـا=ولــي الفـخـر مـاهـي عـلـيّ بقـصـيـرة
حسـب الأوامـر وإقتـضـاء صـالـح العـمـل=صــدر قــرار الأمــن وأمـضـى مـديـره
وسقـنـا ركايبـنـا عـلـى نـيـة الـسـعـد=مــن بيـشـة الفيـحـاء ومـكـرة حـريـرة
مـكـرة بساتـيـن بـهـا الــزرع والنـخـل=وطاحـونـهـا يـلـعـب بـجـمـة غـديــره
مـن بيشـة الفيحـاء سـقـا جـوّهـا المـطـر=ومـن الوسـم تسقيـهـا الـوسـوم الغـزيـرة
دار لـنـا فـيـهـا عـزيـزيـن وأصـدقــاء=عملـنـا بـهـا عــزم وحـــزم وغـيــرة
وعــزّ ونـومــاس وأمـانــة وتـقــوى=ومـن واجــب المـسـؤول يحـفـظ مسـيـره
أوادع دوائـرهـا عـلـى الطـيـب والـنـقـا=كـــل الـدوائــر والـعـيـون السـهـيـرة
وداع بـعــد تـســع سـنـيـن قضيـتـهـا=كسبـنـا معـرفـة كــل قـائــد عـشـيـرة
عرفـنـا الصعـيـري جـارنـا فــي محلـنـا=سلـولـي وشـيــخ للـوجـيـه السـفـيـرة
وعرفنـا إبــن لـزهـر والقبيـلـة معـاويـة=شـيـخ ولــه قيـمـة وعــزم وبـصـيـرة
وعرفنـا ابـن شكبـان معرفـة أهـل الـوفـاء=شـيـخ عـلـى الرمثـيـن شيـخـة جـديـرة
وعرفـنـا كبـيـر أكـلـب بــوادٍ وحـاضـرة=عـبــدالله عـطـيـان زبـــن المـغـيـرة
وعرفنـا الفـويـه زيــزوم لطّـامـة الـعـدا=بـنـي واهــب ماتطـلـب الخـصـم جـيـرة
وعرفنـا عميـر اللـي تسمـى بــه الـقـرى=مـن الحيفـة الخضـراء الـى ضـلـع خـيـرة
وداع لـشـيـخـان الـقـبـائـل وقـومـهــا=مـن لسـان بـو فرحـان واقـصـى ضمـيـره
شيـوخ تعـزّ الـجـار والضـيـف والـخـوي=وعليـهـم فــراق الـجـار صـدمـة كبـيـرة
وحنّـا وهـم فــي رايــة المـجـد والـعـلا=بظـل العلـم مــن يــوم صـقـر الجـزيـرة
اذا مـادعـى الـداعـي بنـرخـص عـمـارنـا=نــدوس الأفـاعـي والــدروب الخـطـيـرة
نـحــب الـقـيـادة والـقـيـادة تـحـبـنـا=لاغـــاب شـيـهـان تـقــدّم نـظـيــره
نـصـون الأمـانـة فــي عملـنـا وديـنـنـا=عـهــد علـيـنـا حافـظـيـن مـصـيــره
نحـافـظ عـلـى سـنـة محـمـد وحكـمـنـا=شـريـعـة سـمـحـة وحـــق وبـريــرة
علـى فطـرة الإســلام مــن كـبـر حظـنـا=يعـيـش الفـهـد فيـنـا يـقـود المـسـيـرة
ويعيـش أبــو متـعـب وسلـطـان درعـنـا=اذا ولّّـعـت نـــار الـمـعـادي الـذخـيـرة
ونـايـف وزيـــر الداخـلـيـة ونـورهــا=عسـى الله مــن ســوء المنـايـا يجـيـره
وأحمـد عضيـد لـه علـى الـكـود والـرخـاء=عضيـد السـعـد ســمّ الكـبـود الضـريـرة
وختامـهـا أزكــى صــلاة عـلـى النـبـي=رســول الـهـدى عـبـده بشـيـره نـذيـره
[/poem]