|
كشكول نجود
المهم
ابقولكم اللي صار بس لا تضحكون كثير شوي ميخالف المهم هذا يوم من ايام اجازتنا الصيفيه والضيوف من جد سببوا لي صجه بالبيت المهم ناس تطلع وناس تدخل قالت امي الا نغسل الحوش طيب ميخالف المهم وغسلنا مع امي انا واختي وشغالتنا المهم وخلصنا جمعت العصابه اختي اصغر مني واخر العنقود توام بنت وولد المهم وقلت نلعب انا جلست بالعربيه العربيه حقت المقاضي=الاغراض وقلت يالله دفوني وبالدور المهم وانواع التفحيط والوناسه هم تعبوا قالوا يالله دورنا قلت بعد شوي المهم ركبوا ابدفهم والا تجيني فكرة جنونيه المهم يعني اطنشهم ودخل البيت وانا اركض ابدخل تزحلقت على ظهري وقعدت اصارخ اسمع صوت قلت ابد ذا ظهري انكسر واصارخ يمه وامي تستاهلين اجل ماقلت لا تركضون الارض رطبه المهم وهنا جوني وبعيونهم الشر تدرون وش صار اختي فتحت اللي=حق المويه وخوذي ترويش والصغار اخذوا طين من حوض الزرع وعلى وجهي وانا مااني قادره اتحرك وامي تهاوش قصري صوتك فضحتينا عند الجيران وهنا جتنا 911 جت شغالتنا ياحبي لها تقول خرام نجود تعبان خرام كله مويه المهم وبعدها حرمت اسوي معهم حركات نص كم :d :d :d |
خخخخخخخخخخ :)
والله بصراحه لو أني طايح عند أمي كذا كان شفتي أنواع الرهشة علي الله يخليها لي بس والله أني رحمتك قسم بالله أني رحمتك بس يالله لعلك تعلمين:) |
ايه عادي
هذولا انتم يالعيال ماكلين علينا الجو بكل شي البنات والله مساكين << خنقتها العبره |
اح ياقلبي
ياشين الطيحات اذا صرتي زالقه |
[COLOR="DarkOrange"]خخخخخخخخخخخخخخخخخخخخخخخ
ها الحين البزارين لعبوكي وخلوكي تفحطين وتنطلين و وسعو صدرك ويوم جاء دورك استنذلتي تستاهلين>>>>> امزح يوم انك طرتي في السماء بدمتك ماتخيلتي نفسك سوبر ومن ههههههههههههههههههههههههههههه[/COLOR] |
[quote]ايه عادي
هذولا انتم يالعيال ماكلين علينا الجو بكل شي[/quote] أنتم يالبنات معطين الأمر أكبر من حجمه الله يهديك ولا الولد ضعيف قولون له كذا لأنه بينكد كد الحمير وهو نطاح الموجبه أما البنيه مدلعة يكفي يكفي ماتقوم الصبح تجيب خبز من الخباز خخخخخخخخ :) [quote]البنات والله مساكين[/quote] مساكين ماظنتي بس أنتي قصدتس حنونين أيه وينلعب عليهن خخخخخخخخ :) [quote] خنقتها العبره[/quote] بسم الله عليتس لا لا أنتم يالبنات أطلق الأشناب بها الدنيا لا تزعلين خلاص يابابا خلاص والله موب قصدي شيء بسم الله عليكم البنات أحسن شيء بالدنيا وأنا يالرجاجيل مانسوى شيء من دون البنات لا تخنقك العبرة ولا تصيحين خلاص ياماما :) |
[COLOR="DarkOrange"]خخخخخخخخخخخخخخخخخخخخخخخخخخخخخخخخخخخخخخخخ
حسبي الله على ابليسك ياشيخ والله لو انا بنت سان تحطمت وبكيت[/COLOR] |
[b]أقول نجود ..
تستاهلييييييييييين .. عاقبك ربي .. ههههههههههههههه .. يختي .. ما أقدر أتخيل عجوووز وحولها مبزرة يطقونها ويوسخونها بالطين ههههههههههههههه.. ومرة ثانية تستاهليييييييييييييييييييييين .. لجين :)..[/b] |
هذا من قبل كم سنه لجين مو اللحين
خخخخخخخخخخخخ ذيب بتواسيني قهرتني زود وتشكرات على اللي يقدرون ويقرون شخابيطي |
شكرا يانجود والله اللي حصل لك عقوبه لان الاطفال مهم
سهلين الحمد لله علي السلامه تسلمين تحياتي |
اختي الخنساء يسلموا
والله يسلمك |
لووووووووووووووول:D
يا حياااااتي من جد تعذبتي اجل ذااك اليووم:o :p اهم شي الحمداللله على سلامتك:p |
[quote]خخخخخخخخخخخخخخخخخخخخخخخخخخخخخخخخخخخخخخخخ[/quote]
أضحك الله سنك ياقوي [quote]حسبي الله على ابليسك ياشيخ[/quote] وبليسك بس ودي أعرف وشلون عرفت أني شيخ خخخخخخخخخخ :) [quote]والله لو انا بنت سان تحطمت وبكيت[/quote] أشوى أنك مانت بنت كان بنشبك ياغريب كل ماجيت أطاقك بتبهذلني خصوصاً أن معك لسان الله يستر منه خخخخخخخخخخخ:) |
[quote]ذيب بتواسيني قهرتني زود[/quote]
أفا لا والله موب قصدي ايآم سوري :) ترى أنا مزحي واجد بس أحب أمزح معك ترى أنا قلبي رهيف يعني لوبكيتي ببكي معك لهذا لا تبكين ثم أطقها بكاء هنا عاد يالله جيب واحد يسكتنا خخخخخخخخخخخخ :) |
عاد يالله جيب واحد يسكتنا
اجيب لك المشرف العام خخخخخخخ |
ألا المشرف العام أنت ماتدرين بيطقني بعصى خخخخخخخخخ:)
|
تستاهلين لان الصغار مايلعب عليهم ولان الصغار بينهم حبل عصبي(من عندي) إذا احد نوى يسويلهم شيْ ياويله وارجوا التركيز على النية فكيف أذا سواها
|
قال ايه بروفسور
حينما كنت صغيرة كنت ألازم الكتب والأقلام
كانت الدراسة هي الشيء الوحيد اللي مسليني كنت حينها أتحدث أمام أبي بكل فخر أنا أبصير كذا والا كذا كبرت وحلمي اليتيم كبر معي ولما تخرجت كانت عندي رغبة في الإدارة أكثر منم غيرها ولأن (هذا حظي من على الدنيا وعيت) أرغمت أنا وامثالي كثـــــــــير أرغمت ان أدخل حاسب القسم اللي أكرهه بكل معاني الكلمة دخلته والكل يحسدني عليه فأنا الوحيدة التي اتت بالمجموع المناسب من دون احراجات او واسطات دخلته كارهة له دخلت الكلية لا اعرف منها سوى أين تقبع الكافتيريا والقاعات كان كل شيء بشع....حينها ولكن حينما تعرفت على صديقات لا والله إنهم أكثر من اخوات دب شيء بداخلي.. نجود لازال بالحياة متسع للفرح...متسع لأحلامك احلام اليقظة.. احببت كليتي لالشيء سوى إنني ألتقي بهن لا اخفيكم أصبحت شيء فشيء احب القسم عاهدت نفسي أن أقسو عليها قليلا أريد ان أفوز برضا اهلي بل اريد أن أضمن مستقبلي أهملت قليلا ولكني اجتهدت دخلت قاعة الامتحان مرتاعة...وخرجت منها وابتسامتي تعلو وجهي.. لكنني لم أعلم إنها ابتسامة خادعة.. أتى يوم النتايج..كنت خائفة.. استلمت الوثيقة.. ولكن ماذا عساني أن أرى؟؟ ضعيف في أكثر من مادة ماشدني الا ضعيف في الانجليزي.. يعني راسبه فيه لا محالة.. النجاح حظ في الكلية افهمي يانجود.. وانتي حظك مقرود.. اكملنا عامنا الدراسي وهانحن يوم الاربعاء نختبر نفس الماده لنفس الدكتور.. والخميس تعلن النتايج.. ولكن ماذا عساني ان أرى؟؟ أرى الظلم بعينه واسكت.. مو قهر.. الا والله يانجود قهر.. حتى يبي يرسبني مرة ثانية!! مااعتقد بيني وبين المصري ذا أية عداوات..أو مناقشات حاده او شيء من هالقبيل.. لكن ليه؟؟ ليه ياربي؟؟ أنا ماأبي شيء غير إني ارتاح.. أنا يالله أدرسها مره يبيني ادرسها مره واثنين وثلاث.. لكن يحسبني أبخليه... لا والله.. لأدعي عليك بنص الليل.. وإذا انت ظالمني ربي مابيخليك.. ربي يأخذك وينتقم منك.. لتذهب للجحيم انت وشهاداتك.. قال ايه بروفسور وشهادات عليا... |
نجود ياحبيبتي لا تزعلين انشاء الله ربي يوفقك لاتخافين الله معنا كلنا مايترك احد
ومن ناحيت ظالم فهذا احساسي لأني الترم الاول كنت متأكده100% اني راسبه لاني ماحليت وشلون ينجحني ؟ وفي اختبار امس عارفين انتم اني ماذكرت الا شوي وفي الكليه ذارت الابريفيشن معكم وشلون عطاني 3.5 وانا ماحليت زين ماادري وانتي اللي حاله معطيك كذا الله لايوفقه دنيا ولا اخره إذا كان ظالم احد واي ورده اهديتها له والله مايستاهلها المهم يانجود شدي حيلك ولكل مجتهد نصيب بإذن الله |
واي ورده اهديتها له والله مايستاهلها
قسم بالله اني ضحكت يوم قريتها ياختي ذا اهدي له صبار |
تبين شوري نجود وأنتي بكيفك بدل ماتحطين في كل زاويه من المنتدى موضوع زي كذا فأنا أقول أجمعيها مثلي كلها في كشكول واحد اسهل لك ويصير زاويتك تكتبين فيها
وش رايك ؟؟؟:) وهو مجرد اقتراح علشان تسهلين علينا دخول الي تكتبينه في مايتعلق بصيد الخاطر وحديث النفس يعني مثل الي أكتب ماهوب خواطر بقدر ماهو سواليف بيني وبين نفسي أقولها بصوت مسموع |
وش رايك ؟؟؟
ميخالف تدري عاد ماجت على بالي ابد |
طيب خلاص غيري اسم الموضوع
|
انتي تامرين امر
|
يسلموووووووووو
وانتي تكلين تمر خخخخخخخ |
اكرررررهه ما اطيقه هالدكتور
الله يورينا فيه يانجود يوم ........ ماامداني توني مفتحة عيوني عقب الاختبار والا الدرجات نازلة ...خييييييييير بس والله حلووووووة من جد ........ عجبتني وما شا الله كتبتيها بوقت قياسي ........ مبين وحدة مقهورة وكنك داريه وش وش الي في قلبي وكتبت عنه لتذهب للجحيم انت وشهاداتك.. امييييييييييييييين اقول نجود لو يدري عن دعواتنا عليه وش يسوي <<<<<<وحدة خافت على مسقبلها........خخخخخخ دمتي لي |
ماعليك يانجود كل واحد بهالدنيا في شي مضايقه بس لمن تشوفين مصايب الغير تهون عليك مصيبتك
ودعواتك عليه ودعواتنا ودعوات ثاني حاسب بإذن الله مستجابه من جد قهرني الله ياخذه بس وسعي صدرك ياعمري. |
هذا وانتي ما تدرسين في جامعة الملك سعود ^___^
اغلب الدكاترة من جنبها و لو تحطهم في شغل حقيقي خارج الجامعة اغلبهم راح يفشل... ما ادري عن دكتوركم لكن كان عندنا دكتور ماسك مادتين في القسم و ما فيه غيره يدرسهم (رياضيات متقطعة-خوارزميات) المادة الاولى تعتبر متطلب للمادة الثانية..تخيلي ان فيه شباب عندنا عادوا المادة الاولى 3 مرات و الثانية 3 مرات..يعني من المستوى الثالث الى التخرج و هم يحضرون لذا الدكتور الزلابة عليه من الله ما يستحق O.o الجامعة راح تعلمك اهم درس في حياتك...انك ما تنظرين للمستقبل بنظارات وردية:p |
يا حليلي اثري حبيب
ما كان يسقط عندي احد ، وكلهم ياجيد جدا يا ممتاز يوم قالوا وشلون ليش تعطيهم كذا قلت لأنهم يستحقون.. لكن بصراحه كانوا يتفاعلون ويقومون بالأبحاث والتطبيق العملي لا يكون الطلاب تغيروا .... |
ياحبي لك والله يامشرفنا كذا الدكاترة ولا بلاش
اما ذا الله ياخذه... ظالم بنات كثير والله اختبار امس انا متاكدة ماحليت ذاك الحل ومع كذا عطاني درجة ماتوقعها توقعت اقل بكثير بس لاني ما اترك شي فاااااااااضي قال ذي فاهمة <<<<< من جنبها والله......... وانا والله ما ادري وش السالفة وانا متاكدة مليون بالمية اني ما استحقها وبعدين الي يقهر مايصحح ويرسب... وين ضميره هذا تحيااااااااتي للمشرف العاااااااام |
يا ابو عبدالله الطلاب انعكاس لدكاترتهم...ليش انا اتعب لدكتور و انا عارف انه ما راح ينصفني..احد الدكاترة الباكستنيين طقها في وجيهنا بصراحة و قال: الجواب الصحيح لا يعني انك تاخذ درجة كاملة. كان يعتمد في تصحيحه على النسبية يعني اذا شاف اجابة افضل من اجابتك خصم عليك و من دباشة ذا الدكتور كنا نعرف اسئلة الامتحان قبل ما يحطه لانه يعتمد على الاسئلة حقت الفصول السابقة فتلقى اكثر من طالب كاتبين نفس الكلام بالضبط و مع ذلك كل واحد درجته تختلف عن الثاني ^________^
كل ما شفت طالب جامعي جديد و كله طموح و حيوية رحمته و قعدت احطم فيه عشان اذا بدا يخش في اللي حنا مرينا فيه ما يتحطم كثير (مثل التطعيم يعني :p ) |
اعتقد مثل ما قالت الهنوف
لما يشوف الأوراق متروسه بالكتابة ، وما عنده وقت يقرأ ، يضطر لإعطاء درجة طيبة للطالب ، خوفا أن تكون الدرجة ضعيفة ويحتج الطالب وتتم مراجعة اوراقه.. فمتى ما عرف نوعية المدرس امكن التعامل معه بالطريقة المناسبة . أذكر لما كنا في امريكا كان فيه بروفيسور يعطينا الإختبار نروح نحله في البيت ، طبعا من اسئلة كثيرة ، فقلت له طيب الطلاب رايح ينقلون من الكتب ، قال وهذا اللي ابغى لأن الهدف أن يستفيدوا ، وهذه افضل طريقة لذلك .. |
ياعمري يانجود .. كل ها مخبيته بقبلك ..
الله يعينكم أجل .. السنة الجاية ناشب فيكم ها السيد :( .. تدرين أهلي وش يسمون الرحباني إذا جاء يتريق ويهزء الطلاب بستار أكاديمي .. يسمونه السيد .. كذا نتخيله من وصف اختي ;) .. هونيها وتهون .. |
بنات العز
من خلال سنوات دراستي تعرفت على الكثير من البنات على اختلاف أصلهم وفصلهم
على اختلاف لهجاتهم على اختلاف ارائهم وطريقة تفكيرهم كان وقتها كل شيء مثير للدهشة فأنت ترى بنت الفراشة تنجح بامتياز بينما بنت فلان الفلاني أبوها كما يسمونه هامور السوق تنجح بالدف هذا اذا مااحتاجت دور ثاني المهم في حياتي بين جدران مدرستي المتهالكة بحكم غنها حكومية تعلمت الكثـــــــــــــير كنت حينها أرى فلانه في كل حصة خياطة تقف في آخر الفصل لا لذنب اقترفته لكن لأنها لم تحضر الأدوات فكما تقول حالتهم على قدهم كانت تتمنى ان تحضر القماش وتبدأ في الخياطة مثلنا كانت تتمنى لو انها تملك علبة ألوان ولوحة مثل باقي قريناتها كنت ولازلت أرحمها أصبحت حينما أذهب للمكتبة أجلب من كل شيء اثنين فيستغرب أبي فأقول البنت مسيكينه وانا احبها يا بابا مثل اختي فأرى الابتسامة تعلو وجه أبي فاعلم حينها أنه يوافقني على ماأفعله وحينما وصلت للمرحلة الفاصلة كما يسمونها التوجيهي ذلك الشبح الذي ذهب من حياتي غير مأسوفا عليه أجبرت انا من قبل والدي(جعل ربي يخليهم لي) أن اغير مدرستي لأذهب لمدرسة اهلية فهم يوزعون درجات بالهبل ..على قولتهم..لكني لم أنل منها شيء فكله بفضل الله وبفضل دعائهم لي.. في بداية المر أحببت ان أخوض التجربة.. ان أكون بنت عز.. أن ادرس في مدرسة اهلية لا تخرجنا قبل الساعه اثنتين بعد ان ناخذ دروس تقوية ونشاطات.. ماشدني هي حصص الرياضة لا اخفيكم كم كنت أحبها .. وكأنني لا استطيع ان أقوم بها في بيتنا.. يالسذاجتي.. المهم تعرفت على بنات العز.. وليتني كنت بعلومهن جاهلة.. كنا نجتمع فنتبادل الحاديث البناتية.. بل سخافات بنات العز كما يحلو لي ان أسميها.. وليس لحد حق بان يلومني.. طلبوا رقمي فأعطيتهم رقم منزلنا.. فضحكوا.. حينها أحسست بالغصة.. ليه ماعجبهم رقمي بنات العز ذولا وش يبون؟؟ فقالوا نبي جوالك؟؟ قلت لهم لم املك بعد جوال.. ليه يالخبلة فيه أحد اللحين مامعه جوال؟؟ البزارين والشغالات اللحين معهم وانتي مامعك؟؟ قهر بنات لاتحرجونها يمكن اهلها معقدين هل احسستي حينها يانجود بالخجل؟؟ أم بالقهر؟؟ بل احسست بكلاهما.. أطلقوا علي لقب معقدة انتي وش فيك خليك فري.. تعرفون وش معنى فري عندهم؟؟ يمكن ماتعرفون بس من عيوني أبقولكم ولكم الحكم.. يريدونني ان اتفق معهم فندخل غرف الشات غرف الدردشة سويا ونرج الشات..يقولون والله هسترة ..بسطه..تتعرفين على القل يصير لك بوي فريند!!! يالقباحتكم ..بوي فريند...ومن قال بأنني أحتاج للبوي فريند؟؟؟! نجود يالخبلة بيقولك كلام حلو.. بيقولك سواليف تضحك.. اللي يعجبك إسلوبه لا تترددين أضيفيه بالماسنجر.. شوفي شلون بيهدي لك بطاقات ومواوويل واغاني روووووووعه.. نجود بكره تشكرينا!! وبعدين بيرسل لك مسجات حلوه. وإذا احتجتي بيشحن لك جوالك! بنـــــــــــات عز هاه يسألوني ماذا يوجد بغرفتي فيضحكن.. يقولون يعني على الجدار وش حاطه وش معلقه؟؟ وش حاطه:ساعه ومرايه.. فتعلو ضحكاتهن أحسست بالدم يغلي في عروقي.. لتجيبني إحداهن بعد ان تشققت من الضحك.. يعني شوفي يانجود انا حاطه بالجدار صور نواف التمياط..وساره حاطه صور خالد عبد الرحمن..وفلانه وفلانه.. نجود ياحبيلك يعني من مطربك المفضل؟؟ ماعندي.. طيب مذيعك لاعبك أي شيء؟؟ بعد ماعندي.. قلت لكم بنات عز ....عقول فارغة بجيوب مليانه.. فلتخسئوا.... غدير تحكي لنا سبب غيابها كيف دخل اخوها بغرفتها بآخر الليل ووجدها تتحدث مع البوي فريند تبعها.. بالماسنجر.. لا آسفين .. غلطت اللحين صار الماسنجر موضة قديمة غدير تقصد البالتوك.. وماادراك ماالبالتوك؟؟؟ فضربها على ان تورم وجهها.. مسكين يظن إنها بتخاف بتعقل.. قالتها بالحرف الواحد يأخذ جوالي يشيل النت فيه مية طريقة وطريقة مايدري عنها.. يالجرائــــــــــــتها.. تسألها ساره هاه وش اخبار مشعل؟؟ بخير أمس تعشينا بالفيصليه.. لأسألهم بكل برائتي:بالفيصليه؟؟ ساره: غدير تكفين خلي عنك هالمعقده وردي علي شلون دقيتي عليه؟؟ من جوال كومار سواقنا ..انتي بس ادهني سيره بخمسين والا ميه!! ويقولون نجود أنتي معقده.. طبعا انا هنا ماأعم انا اتكلم عن ناس في يوم من الأيام كان سور المدرسه جامعنا سوى أرجع اعيد انا ماعممت انا تكلمت عن الطبقه اللي عشت معهم لا أكثر ولأأقل ماأدري وش اللي جابهم اليوم على بالي الله يهديهم ويستر عليهم.. كلها كانت شخابيط في محاضرة الجبر.. فاعذروني كان ودي أكمل بس هنا انتهت المحاضرة وانقطع الإرسال عندي.. |
ياسلاااااااااااااااااااااااام روعه
وأنا أعطيتك رأي بالمحاضره مايحتاج .. الحلو مايطلع منه إلا حلو ... |
على انا كان ودي اقراها في المحاضره عاد تعرفين وش صار ومنعني بس قريتها الحين وتسلم يدينك الحلوه يانجود
استمري في الكتابه ياغاليتي اختك وصديقتك:عهــــــــــــــــــــــود,, |
اهااااااه .....هذي الي قاعدة تكتبينها بالمحاضرة
وانا انتبهت لك بالمحاضرة توقعت انك تكتبين شي وطلع ظني في محله والله حلوة ماشا الله عليك يانجود تقدرين تكتبين الي في نفسك وتعبرين عن الي جوااااك بكا بساطة وهذي نعمة مو مثلي اخذ وقت على ما اكتب اي شي حتى لو كان عادي مررررررة حلوة يانجوده تحيااااااااااااااتي |
ماشالله كلام رائع تعرفين كيف تكتبين بس باقولك وبدون زعل
انت تشتتين الانتباه مرة تكتبين بالعامي ومرة بالفصحى وبعدين مو كل بنات العز على قولتك كذا في بعضهم محترمات وبعضهم الله يستر عليهم حتى بنات من كل الطبقات مو بس بنات العز بس صراحة انقطع الارسال ايه والله صادقة في المحاضرات على قولة عهود تكون جنية الرسم والقصص والخواطر والشعر كلها واقفه فوق راسك ومن تقول الاستاذة خلصت المحاضرة تروح تحياتي لك نجود ارجو اني ماكون ثقلت عليك |
ماتعرفين يالهنوف تبيني افضحك
تعرف تكتب ترى وتكب شعر بعد بس ماتدري متى تنزله في المنتدى قلت لك بعلم عليك خخخخخخخخخخخخخ |
صدقتي العنود
تدرين يوم تقولين[quote]وبعدين مو كل بنات العز على قولتك كذا في بعضهم محترمات وبعضهم الله يستر عليهم [/quote]قالت نجود أكيد اللي بيرد على الموضوع بيقول كذا خخخخخخخ بس ماراح أقول الرد لإن نجود بترد <<<<<<<<<<<<<<<< ربما تكون ملقوفه ربما وليس أكيدا.. |
| الساعة الآن 06:39 AM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة