لغز
 

[center]سميت عطر الروح بأيام عيدي
ابختصر حرفٍ على الطار غنوه
رمح القصيده يرتكز له وقيدي
همه ينادي من على الشر حدوه
اللي فتح له باب مغلق جويدي
جاهر بصوته يوم قام وتعدوه
همزة وصل بينه وبين العميدي
نسنس له الخفاق له يوم دلوه
يشر بعينه والمحاسن تزيدي
لما انهم عن درب الاجواد غروه
اسم القبيله لغز للي يجيدي
مكتوب بالابيات واللغز حلوه
اربع حروفي نورها له وقيدي
اسمي كتبته بالقصيدة وتقروه
ومن يبرك لحمله يبي يستفيدي
اسمي يشرف حضرتي لا ذكرتوه
وليه قبيله ذكرها ما يبيدي
والامر لو يصعب له السيف سلوه
أفعالهم ماتنحصر في قصيدي
كم من صعيبٍ لأجل عيني تمثنوه
ماهابو الصعبه والامر الشديدي
وآخر كلامي حلو اللغز حلّوه
لا تستعينو في غريب وبعيدي
وإن كان ماحليتو اللغز خلوه
يكفخ بجنحانه على مايريدي
وليا فتح بابه على الشر سدوه [/center]

رد: لغز
 

صح لسانك ..

يابنت ياللي في لحونك تجيدي
.. عانقتي الابداع والناس شافوه

اللغز حله عند داعي اكيدي
الشاعرة سارة وجينه يعرفوه

رد: لغز
 

بيض الله وجهك أنشهد انك شاعر

رد: لغز
 

هالحين ياداعي عرفت انها ساره
طيب وش اسم القبيله لاتقول مطير

رد: لغز
 

لا مو مطير

رد: لغز
 

مافيه قبيله ب 4 احرف الا صليب/ عنزه/ تميم

رد: لغز
 

انا ماقلت قبيلتي اربع حروف قلت اسمي اربع حروف

رد: لغز
 

اسم القبيله مكتوب دور عليه تلاقيه

رد: لغز
 

مافي منطقتكم الا حرب وعتيبه

رد: لغز
 

فيه خطا غير مقصود في الابيات اللي كتبتها

وهذا التعديل >>

يابنت ياللي في لحونك تجيدي
.. عانقتي الابداع والناس شافوه

اللغز حله عند داعي اكيدي
الشاعرة سارة وجهينه يعرفوه

رد: لغز
 

[quote=عطر الروح;1659299]بيض الله وجهك أنشهد انك شاعر[/quote]

ووجهك يابنت الاجواد
وصح بدنك

شاعرة وبحرك غزير

والنعم بك وبقبيلتك

رد: لغز
 

[quote=الطائر المهاجر;1659302]هالحين ياداعي عرفت انها ساره
طيب وش اسم القبيله لاتقول مطير[/quote]

والنعم بمطير لكن ماهي منهم

( سارة الجهني )

رد: لغز
 

انا فهمت عليك تمنيت انك ما عدلت يا داعي

رد: لغز
 

نعم (ساره الجهني )
للمعلوميه فيه ساره الجهني اخري ليست انا

للمعلوميه فقط

رد: لغز
 

[quote=الطائر المهاجر;1659307]مافي منطقتكم الا حرب وعتيبه[/quote]

ايش عرفك بمنطقتنا حكمت ان مافيها الا حرب وعتيبه؟

رد: لغز
 

وايضا جهينه وبلي
لكن اذكر من التراث النجدي القديم
كان الشيبان والعجايز اذا سئل واحد منهم عن قلان من الناس الذين لايرتاحون لهم ، وين راح فلان يرد عليه : في جهينه ، او في قلعة وادرين فما علاقة القبيله بهذا

رد: لغز
 

[quote=عطر الروح;1659311]انا فهمت عليك تمنيت انك ما عدلت يا داعي[/quote]

عدلت عشان اخذ الدرجة كاملة في حل اللغز هههه :d

رد: لغز
 

[quote=الطائر المهاجر;1659315]وايضا جهينه وبلي
لكن اذكر من التراث النجدي القديم
كان الشيبان والعجايز اذا سئل واحد منهم عن قلان من الناس الذين لايرتاحون لهم ، وين راح فلان يرد عليه : في جهينه ، او في قلعة وادرين فما علاقة القبيله بهذا[/quote]

قلعة وادرين سمعنا بها أما راح لجهينه فلم اسمع بها
جهينه صحابة رسول الله صلى الله عليه وسلم قبل الهجره وبعدها
ومافيهم الا الخير وشيبانكم وعجايزكم على قولتك شيبان وعجائز
ماعاد يؤخذ قولهم هم للسفه أقرب من الحكمه

رد: لغز
 

[quote=عطر الروح;1659312]نعم (ساره الجهني )
للمعلوميه فيه ساره الجهني اخري ليست انا
أنا السناني الجهني وهي المرواني الجهني
للمعلوميه فقط[/quote]

والنعم بك وبها

.. قبيلة تاريخها عريق

رد: لغز
 

[quote=داعي الشوق;1659324]والنعم بك وبها

.. قبيلة تاريخها عريق[/quote]

ماعليك زود أخي الكريم بارك الله فيك وصح الله لسانك

رد: لغز
 

شيبانا وعجايزنا فيهم الخير وما يقولون شي من سفاه
يبدو ان القصد بقولة راح لجهينه ، ان من ذهب لديار جهينه لايعود لربما انه يقتل
وقلعة وادرين لاتزال موجوده في الجوف قلعة للاتراك يحبسون فيها من يقاومهم من اهل نجد
وهناك ايضا اذا سئل احد عمن لايرتاح له اين ذهب يقول بقريح ، او طس بقريح ويبدو ان قريح هذا مكان معين لكن لااعلمه

رد: لغز
 

.. شكلك غلطان

مقولة راح لجهينة اول مره اسمع فيها يابو عبدالله ..

وعند جهينة الخبر اليقين ..

لكن بقريح وقلعة وادرين مسموعه ومعروفة

رد: لغز
 

المقولة "بجهينه" وربما المقصود راح لجهينه

رد: لغز
 

عندنا مثل نقول فيه
أميتو الباطل بالسكوت عنه مدري تعرفونه ولا لا

رد: لغز
 

عندنا قل خيرا والا فاصمت

رد: لغز
 

ابدعتي اخي
وصح السانك
ونعم في الأسم وراعيه وقبيلته
ولاهنت داعي على فك الرموز
لاهنتووووو

رد: لغز
 

[quote=الطامي;1659338]ابدعتي اخي
وصح السانك
ونعم في الأسم وراعيه وقبيلته
ولاهنت داعي على فك الرموز
لاهنتووووو[/quote]

تسلم النعم بحالك شكرًا لك 🌹

رد: لغز
 

صح لسانك عطر
لغز رائع وجميل وممتع
صح فكرك داعي الشوق
ذبحت اللغز من اول رمعه

الامثال كثيره ومولازم نكون كلنا سمعنا بنفس المثل
اما تسفيه الشيبان ما حبيته
مابه احد عاقل يسفه والدينه
من زمان قالو الي مالو كبير مالو تدبير

احترامي لكل الشيبان والعجايز
والله يخليلي ستي ماشاء الله عليها نبع حكم


واحترامي للجميع