سلطان بن نمر القحطاني
 

سلطان بن نمر القحطاني توفي 1363هـ وفي روايه 1402هـ

مرثيته في زوجته
[poem=font="simplified arabic,4,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا معمر الدنيا ترى الوقت غدار =خسران يا من باع دينه بدنياه
البارحة نومي هواجيس وأفكار=الله لحد عزاه للقلب عزاه
لاغرد القمري على الدار ياذعار=ركب اردعيه ضامري كل مَا او حاه
لج الضمير وهاض من بعض الاشعار=أمراج من صدري تقارع من أقصاه
عما جراتجري مقاسيم الاقدار=وما دبر الولي على العبد يرضاه
وقت سقا سلطان من كاس الأمرار=مفجوع منصاع من الحزن ويلاه
أبكي من الوجلا على قد ما صار=واحر قلب صابه الحب حراه
اونس ابجاشي كوكب تو ما فار=مثل القدر يطفر على النار تنضاه
سار القلم باللي جرا بالقدرسار=واستحكمت الأقدار يا طول صبراه
من ونتى يبست زماليق الأشجار=يا ناس من مثلي صبور بما جاه
والعين كن بها براعيم زنجار=يحرم علي النوم ما قلت ما حلاه
من ونة ونيتها وقت الأسحار=ونة فطيم جاير الحزن يبراه
او ونة اللي له زمانين به زار=جاه الطبيب لا عرف غاية دواه
او ونة اللي غاص غبات الابحار=حزت غروب الشمس وانسل مجداه
أو ونة اللي يمت الهند سفار=زادت عليه الريح والموج غباه
يا مَهبل اللي قال جزع وصبار=ما نيب صندوق من الساج بغطاه
قالوا تصبر قلت للصبر مقدار=طال الطويل وباقي الصبر مُقواه
ابكي وليف حط في القبر ابوغار=وعزي لعين ما تهنت بلا ماه
يا قبر جيتك في دجا الليل خطار=باشوف من حطوا وسادة زواياه
باشوف من ساقه كما لب جمار=قال انت شوقه قلت يا قبر انا اياه
قال انقلع مني وخل التخطار=حرام عينك بالسفر ما تحلاه
والله لولا اني حليم وصبار=والرب ثبتني بدينه وتقواه
واخاف من رب السموات والنار=لاسم روحي بعض الايام واقفاه
قالوا لي العذال لا صار ما صار=دور وتلقا بالعرب كنه اياه
انا ليا دورت في كل الاقطار=يا وين ابلقا مثل وصفه وحلياه
ما القى مثيله بالمغارب والامصار=ما ضنتي حسنه على الوصف نلقاه
انور من البنور أو صبح نظار=ليله مضى خمس مع عشر مبداه
لو جو من الترك الدخاتر وشندار=وعبدالحميد وانيس ما سر بدواه
لو الصواب بالعضم للعضم جبار=لاكن تناير بالضماير وقلت اه
جني خوندات يدقن الازمار=قالن لي المبلي عزيز بدنياه
وبليت بلو ايوب وبي الدهر بار=وياطي قلبي طي من بيح خفاياه
قالن تهايم قلت ما فيه تنكار=قالن حزين وقلت انا يا قراره
تبارزن دوني تمالا بالاشرار=وقالن جواب الحق ماقد سمعناه
قلت اخبروني قالوا بشر بالاخبار=حنا هواك اللي بعيد تمناه
انتم ثلاث بكار وبي الفكر حار=والقلب حار وبينكن ضاعت ارياه
قالن تخير قلت مانيب مختار=انا سقيم طايح داه برداه
ضهرت انا وياه وغدان صغار=الله لا يسقي حياة بلا ياه
غديت عقبه بين الابيات دوار=يا من مناه الحب والحب عناه
لولا الحيا لابني على القبر لي دار=واتم عنده جالس ما تعداه
مرحوم ياللي ما بعد حس له جسار=ا لله يلم بشملنا عقب فرقاه
الله يلم بشملنا لم الابرار=في ظل سدر المنتهى عل نلقاه
الحب بالاجواد ما فيه اسرار=كلن على قدره شكا من زراياه
خلون أفيض لي من الصدر معبار=الله لحد عزاه للقلب عزاه
محد من الدنيا سليم من الاخطار=خسران يا من باع دينه بدنياه[/poem]

سالم العبيدي

من قصائد الحكمة ..يقول القحطاني هيضه صوت جاره
 

من قصائد الحكمة

[poem=font="Simplified Arabic,5,black,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
يقول القحطاني هيضه صوت جاره=هيض على العين المشقاة جارها
الجار يوصي به حقوق لوازم=لو هم خباث ما ينزل وقارها
الجار والضيفان فرض على الفتى=لا بد من إبدال دار بدارها
لا صرت معسور من المال معدم=فالنفس خففها بزين اعتذارها
والعذر يقنع به من الناس عاقل=يكون نفسه ما يرى مقتدارها
وطمن عيونك لا تباهي بشوفها=ترميك في نار تقطع شرارها
والرجل لا تمهي لها في مسيرها=تخطر على روس الحيايا بغارها
فإلى نويت بديرة تيتزورها=جنب رقاق القاع واتبع غزارها
وانشد عن الي بينات فعايله=ترك رذال القوم واتبع خيارها
ولا تصاحب إلا كود من ينطح العدا=إن طار من تحت السبايا غبارها
واقنص بفرخ الحر لا صرت قانص=حتى تعود حايز من حبارها
فلا شفت من دونك إثنين تشاوروا=إذنيك علمها بكتم أخبارها
واحذر لسانك من جواب يعيبك=والعين سبر القلب والقلب دارها
لا بد من هرج طويل على القفا=وقول على اليمنى وقول يسارها
لا بد من قول على غير صايب=هرجة ردي مايميز قرارها
ندري من الزلة ونخشا ونختشي=أيضا ولا انظر جادل في خدارها
الأعمال بالنيات وللعبد ما نوى=ولا كل من ينوي على الحج زارها
هذا كلام للملبين فايدة=يفهم معانيها ويبني حضارها
ختمان قولي بالصلاة على النبي=عداد ما ينبت وتزهر ثمارها[/poem]

سالم العبيدي

رد: مرثية سلطان بن نمر القحطاني في زوجتة
 

يعطيك العافية


صعووووووووووب

رد: مرثية سلطان بن نمر القحطاني في زوجتة
 

العبيدي
شكرا علىالنقل

رد: مرثية سلطان بن نمر القحطاني في زوجتة
 

تسلم اخوى..سالم
وصح لسان قايلها
والله يرحم موتانا وموتاكم
تحياتى..

رد: مرثية سلطان بن نمر القحطاني في زوجتة
 

الله يرحمها ويسكنها فسيح جناته
ويعطيك العافيه على النقل ماقصرت

رد: من قصائد الحكمة ..يقول القحطاني هيضه
 

صح لسانه
يعطيك العافيه على النقل

رد: من قصائد الحكمة ..يقول القحطاني هيضه
 

صح السانه..
ويعطيك العافيه اخوى
هلا بك.

رد: من قصائد الحكمة ..يقول القحطاني هيضه
 

العبيدي
للتميز عوده
رائعة جدا
شكرا لنقلك
لاهنت اخي

رد: من قصائد الحكمة ..يقول القحطاني هيضه
 

سلمت لا هنت وشكرا

رد: من قصائد الحكمة ..يقول القحطاني هيضه
 

رائع وبيض الله وجهك

رد: من قصائد الحكمة ..يقول القحطاني هيضه
 

كل الشكر لكم
تحياتي وتقديري