ابوك يا المرجلة ..قصة حقيقية مية بالمية !!!!!!
 

[CENTER]بسم الله الرحمن الرحيم

[COLOR="red"]اخواني أعضاء منتدى الفطاحلة الكرام

مساكم الله بالخير وصبحكم الله بالخير وكلش (حلوها) [/COLOR]

[COLOR="Blue"]المهم يومن من الأيام كان على ما أتذكر كان يوم أحد ليلة خميس

وان تسانها ماخانتني الذاكرة كنا تونا طالعين من

صلاة الجمعة (ابوك ياالذاكرة)

المهم ذاك اليوم كنت مصخن بالحيــــل

وتافلن ابوالعافية وحول ما أموت الا رجل

((ليتك ميت ومريحنا من سواليفك)

رحت للمستوصفات ..والمستشفيات الحكومية .

.ولكن العافية من عند رب العالمين (يقالك متوكل )

مار ماش الصحة تدهور.. كل يومن أردى من اللي قبله..


المهم قلت في نفسي مابدهاش يابووفى ..الى مته وانت تكنز

في هاالدراهم ؟(اقول سدد ديونك ومبارك)

وأنت لا ولد ولا تلد مالك الا المستوصفات لأهلية.. ليش ماتروح وتشوف وش عندهم؟

المهم اعجبتني الفكرة

واطمر بالعرجا لم اقرب مستوصف أهلي(واه يالأهلي ولايهون لأتي)

وأنا حرارتي كانت (H)>> اشوى اللي ماخبطت

ومن قبل ما أدخل المستوصف ..على طول تراكضن السسترات..

ياحليل ها (السساتر))ياساتر) معجباتن بي

هذا وانا مريض اجل لو شافوني مشخص

بالزبيريه والطاقية ام زري ؟ وش تسان يسوون؟

أوشافوني وانا على سنقة عشرة >> ما أعرف وش معناه بس البركة في المسلسلات

انا حسيت بقيمتي ..اثري غالي وانا ماكنت أدري..

المهم لقيت اللي يقدرني!!

هذي تدف العربية.. وهذي مدري وش تقول؟ماغير ترطن فلبيني وانا مسكين ما أعرف الا قلينزي!

بس المهم قبل ما ادخل على الطبيب.. هاك يافحوصات ..تحليل ..إشاعات.. واللي تقيس ضغطي.. واللي تقيس

حرارتي ..عنايه ماعقبها عناية

المهم قبل مايشوفني الطبيب والا لمبة المحفضه مولعة

بس بصراحة كنت مستانس ..أحس ان ابوي يعرف وزير الصحة

المهم الدكتور توصابي الله يخليه لعينن ترجيه.. وكتب لي روشتة.. مليانة ادوية

الله يعافيه مجهدن لي

وقال الدكتور: دحناكتبنالك إبرة.. (زوغيرة) حتبئابعديها صحتك زي البم

وبعدين راحوبي السساتر لم اوضةالضماد وكانت الغرفة مساحتها تقريبا شبرين في شبر تزيد قليلا أوتنقص قليلا

ما دخلت هالأوضة الا وانا فاصخن ..(لايروح تفكيركم بعيد خلوني اكمل))

جكيتي (يقالك متمدن)فروه وتخب عليك ..

المهم يوم دخلت لقيت فلبينية معها ابرة

وتقولي: كمستكا كيف هال انت مافيه كدا كدا(تراه نصاب ماقالت له شي)

المهم بيني وبينكم والكلام للجميع ولا يدري احد < قام يتفلسف ابو الشباب >

خفت على نفسي الفتنة وجاني الدين مرتن وحدة (الا مافيك حيل

والفلبينية كانت تخوف انا أوسم منها )

وذي بعد فيها طقت عصا بعد

وقلت للفلبنبة: لا يا سستر مافيه رجال؟..

اناأبغى رجال يسوي أبره مال انا < قايل لكم اعرف قلينزي>

الا وهي تفق كشرتها وتطير بوهتها وتروح وتخليني لحيٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍٍِِِِلتي

وبعد شوي جاني هنيدي ومعه مكنسة سندها على الجدار.. قبل ما يدخل الغرفة..

لا وتوه بعد يكمل لبس البالطو

ويناظرني.. ويهز براسه ويقول لي تيقا

وانايوم شفته أسود وشنب(بس الشهادة لله كان وسيم ابن الحلال الظليمة شينة )

قلت: في نفسي خلك قوي

وانا اللي ارفع كمي ومتولمن للأبرة>> تحسبوني هين؟

ألا والممرض ((عامل النظافه)يهز براسه ويقول:لااخس يابو هنود

وش تبي ؟إلا وهو يشر على تخت!!

(افا كلش ولا اشرف))

حاولت اثني قراره(يمديكم على البلاغة)

ماطاع رفض وبشدة متناهية(يقالك مثقف)

انا بغيت اهون واقول :خلاص مابي رجال ابي الفلبينية

بس قلت: الرجال يزل بقدمه ولا يزل بالسانه ((ماذبحنا الا الأمثال))

يوم شفت اصراره ..انا وافقت..

لأني ما أحب احد يلزم علي في شي وارده أو اكسر بخاطر الضعيف

المهم قلت :خلاص اجل صك الباب تكفى لاأحد يشوفنا.. ونزلت سريويلي شوي

الا وابو هنود يتله اللين ركبتي.. حسبي الله عليه

عقبها انا تلطمت وحط الإبرة على ورتسي

ولا ..قال بعد: صديق امسك ابرة شوية.. وانا وش اسوي ؟مالي الا أني امسكها

مسكتها على وريتسي وراح يجيب المكنسة اللي مسندها قبل مايدخل

وجابها ..والا هو يطق الإبرة بالمكنسةعلى ورتسي بكل قوت امه وابوه

ابن الذين كان عفن وكلني تبن >> هني

انا من قوتها فقدت الذاكرة قصدي فقدت الوعي ولا قمت الا وانا عند

باب اهلي (برضوه واه يالأهلي )

وانا الان الى يو مك وورتسي وارم ويوجعني ولا أقدر اقعد الا على جهتن وحدة

وانا الان محتار هل اروح للمستوصف ؟..واجيب (سريويلي)اللي من عرفت الدنيا وهو علي

والا اقعد واخليه؟ ..واحاول انساه؟..

انا ماهمني السروال..

بس أخاف يجي واحد من اهل الحارة يشوفه ..ويقول هذا سروال ولد حارتنا

بعدها باطيح من خشومهم ولا احد يسمي علي [/COLOR]

[COLOR="Red"][SIZE="5"]ارجو من الاخوه التفاعل وايجابتي على هذا السؤال؟

ولكم مني جزيل الشكر

ولكم خالص تــــحيـــاتــــــــــــي[/SIZE][/COLOR][/CENTER]

تستاهل حقك وما جاك .... مستوصف اللي يطق الابره فيه هو عامل النظافة
لا ... ويطق الابره بالمكنسة ... قال ايه : ما بي تضرب الابره حرمه ،،،
ويوم شاف الجد ، غير رأيه ولكن ما طاعوه ...
الله يوسع صدرك بالعافية
قصة تنتورخ ، وتروى للأحفاد ، حتى يحسنوا اختيار المستوصفات
لكن تراك طبيت على راسك ولا احد سمى عليك يوم تقول:
"بس أخاف يجي واحد من اهل الحارة يشوفه ..ويقول هذا سروال ولد حارتنا"
وش دراهم عن سروالك!!!

لاهنت يالغالي
اعجابي وتقديري على هذا الإسلوب الرائع والمقدرة المميزة في
شد انتباه القارئ حتى النهاية ..
مع أطيب تحياتي

لووووووووووووووووووووووول:p :D :p :D

الللله يرجك يا شيخ قسم بالله مت ضحكك:p

اهم شي انك

بس قلت: الرجال يزل بقدمه ولا يزل بالسانه ((ماذبحنا الا الأمثال))

يوم شفت اصراره ..انا وافقت..

لأني ما أحب احد يلزم علي في شي وارده أو اكسر بخاطر الضعيف :p

حلووووووه يا ابو وفى ما عنه خفى من جدددددد ابدعت

والله يوسع صدرك باعلافيه مثل ماا وسعة صدورنا

ماتحب تكسر خاطر أحد ...........هاه
إلا والله كنت مجبور ولا لو عل كيفك كان رديته ولا عليك منه

بس القصه حلوه حتى أني قريتها مرتين

هههههههههههههههههههههه
هههههههههههههههههههههههه
اما بالنسبه للاجابه عالسؤال
كم تعطيني واجاوب
ههههههههههههههههههه

ههههههههههههههههههههههههههههههههههههههههههههههههههههههههههه


من جد موتني ضحك والله القصه تضحــــــــــــك يعطيك العافيه اخوي ابو الوفى

واطمر بالعرجا لم اقرب مستوصف أهلي(واه يالأهلي ولايهون لأتي) <<<<<< [COLOR="Green"]متعصــــــــب مره[/COLOR]

بس لا تنسى السروال لازم تجيبه:rolleyes: هههههههه



مشكور على هالقصه الطريفه .. تحياتي لك:p

الله يوسع صدرك ضحكتنا والله :D

القصة رائعة وجميلة والرد عليها يبيله صبر يخاف الواحد يزل في كلامه الصبر زين

هههههههههههههههههههههههههههههههه


والله حالتك صعبة

المهم سريويلك لا تخليه الا الفضيحة

والله يسعد قلبك يارب

ابو وفى....
ماعنك خفى.
[quote]لأني ما أحب احد يلزم علي في شي وارده أو اكسر بخاطر الضعيف [/quote]
[quote]انا ماهمني السروال..
بس أخاف يجي واحد من اهل الحارة يشوفه ..ويقول هذا سروال ولد حارتنن[/quote]
والله ما ادري...
بس جبه واحرقه والستر زين

اسلوب ممتع وجريئ .
وصياغة محبوكه واحداث دراماتيكيه خفيفه
دمت ودامت خفة ظلك
لك تحيتي وشكري

في محادثة تلفونية مع الكاتب ، عن سر معرفة اهل الحاره لسرواله ، اجاب :
إنه يلبس سروال سنة ، ولأنه يشجع الهلال ، فقد لون اسفل السروال بأزرق
ولأن السروال طويل ، فإن اللون الأزرق يظهر فوق الكعبين ، وبذا عرفه اهل الحارة
لأن سروال السنة عادة ابيض بالكامل ..

أبو وفىماعنه خفى
قصه ممتازه ومترابطه ترابط عجيب كلها حكم وأمثال وصبر بس أنا عندي ملاحظتين الأولى نسيت لمبة المحفظه والعه والثانيه بخصوص السروال وش تعطيني لو جبته لك تراهم كانو بيدونه متحف مدام توسو وقلت أنا أشتريه باللي تبون وعطونياه وما عندي مانع أجيبه بالسعر اللي أبغى والا أبعلم عليك عيال الحاره وأبوصيهم لايعلمون أحد بعد .

الله يوسع صدرك بالعافيه

تحياتي

[U][COLOR="Sienna"]وانا الان محتار هل اروح للمستوصف ؟..واجيب (سريويلي)اللي من عرفت الدنيا وهو علي
والا اقعد واخليه؟ ..واحاول انساه؟..
انا ماهمني السروال..
بس أخاف يجي واحد من اهل الحارة يشوفه ..ويقول هذا سروال ولد حارتنا
بعدها باطيح من خشومهم ولا احد يسمي علي


الي شاغل فكري ها السروال ( واهل الحاره وش عرفهم فيه ؟؟؟ )

عندي اقتراح عنون القصة السروال

.......................
شكرا لك على هذه القصة والحبكة الادبيه الجميلة[/COLOR][/U]

خخخخخخخخخخخخخخخخخخخخ:)

أبووفى :) وش رايك تعلمني باسم المستوصف :) ودي أروح له :)

أبو وفى أما قصة السريويل هذي حاجة تانيه :)خخخخخخخخ:)

حلوة :)

[COLOR="Blue"]الطائر المهاجر[/COLOR]

[QUOTE]وش دراهم عن سروالك!!![/QUOTE]
قال وش اللي الناس عنه مايدرون قال اللي مايكون

وانتسان ماردت الا للساروال فالأامر هين وانا اخوك

==============================
[COLOR="blue"]الريم [/COLOR]
[QUOTE]والله يوسع صدرك باعلافيه مثل ماا وسعة صدورنا[/QUOTE]
اللهم امين وهذا هو المطلوب

شكرا اختي الغالية على مرورك الغالي

====================
[COLOR="blue"]عهود[/COLOR]


[QUOTE]بس القصه حلوه حتى أني قريتها مرتين[/QUOTE]
مرورك الغالي هو ماجعلها حلوة

شكرا اختي الغالية على مرورك الغالي

=========================

[COLOR="blue"]دلع ماله سنع [/COLOR]

[QUOTE]اما بالنسبه للاجابه عالسؤال
كم تعطيني واجاوب[/QUOTE]
نعطيتس سهمين من الكهرب تولع لتس لمبتين ويا الله بعد

هها وش قلتي؟ تعلميني؟

شكرا اختي الغالية على مرورك الغالي

==========================

[COLOR="blue"]أم فيصل [/COLOR]

[QUOTE]من جد موتني ضحك والله [/QUOTE]
لا ياوخيتي انا ماموت احد >>بعد هذي الأخرى الى مات الميت حطوها في ها الضعيف ابو وفا مدري طمعينن في دية؟

بعدين تعالي ياوخيتي وش لون ميته وترد (يحيي العظام وهي رميم

[QUOTE]بس لا تنسى السروال لازم تجيبه[/QUOTE]
اخاف القى ابو هنود مرتكز لي يالمكنسة


[QUOTE]الله يوسع صدرك ضحكتنا والله [/QUOTE]

شكرا اختي الغالية على مرورك الغالي

شكرا للجميع وخاصة من شارك

ولي عودة ان شاء الله مع بقية الردود ان تسان الله احيانا

وفقك الله
وسلمت اناملك
تحياتي وتقديري

بارك الله فيك
جميل ما اطلعت عليه
تحياتي واحترامي