عمير بن راشد بن عفيشه
 

عمير ابن راشد العفيشة الشاعر يبرز شاعراً مثل والده.. ولد الشاعر عمير في منطقة (تراب الحصين) وهي على الساحل الغربي لدولة قطر ذلك في اول القرن الماضي سنة 1904
في سنة 1943 اصيب الشاعر عمير بفقد النظر واصبح كفيفاً وهو مع هذا لم يفقد حسه وشاعريته بل زادته توقداً وعليه اصبح من كبار الشعراء في دولة قطر وقد كانت له ردود على الشعراء الاخرين امثال لحدان بن صباح الكبيسي و صالح بن سلطان الكواري و حميد بن خرباش المنصوري ، توفى الشاعر عمير في اوروبا اثر رحلة كانت له هناك للعلاج والقدر كما هو ثابت لا تدري نفس بأي ارض تموت ولهذا جاء النصيب لموته في النمسا في فيينا ذلك سنة .1981
ومما قال :
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
نطحني يبيها وجعة لي وهو مزاح =وقال الفلاح الين هملت غرضاني

تركت اللزوم اللي بغيته وانا منزاح=احسب انه لي راعي موده وصفطاني

وعودت لاذيا مكانه وهو قد راح=فلا خلته نفسه من الزود يتناني[/poem]

في أحد الأيام كان الشاعر راشد ابن عفيشه معزوم على عشاء عند احد القبائل .. وقد كان الشاعر راشد كفيف

فكان يلازمه ابنه عمير ابن عفيشه .. في أغلب أوقاته .. وكان الشاعر عمير صغير السن في حينها لايتعدا ال 12سنه من عمره

وأثناء تناول العشاء .. انتبه أحد الموجودين بأن عمير أخذ لسان الذبيحه لوالده وقدمه له .. وعندما فرغو من العشاء قال الرجل من باب المداعبه

ل عمير .. من الشاعر الي كلا اللساااان ؟

فرد عليه ..يقول

خذاه الشويف للي مايشوف .. جعل فيه العافيه للي كلاه

فنبهر الرجل .. من صغر سن الشاعر وطلاقة لسانه .. فقال اذا الصغير كذا .فالله يستر من الكبير

رد: عمير بن راشد بن عفيشه
 

قام أحد الأشخاص وهم في مجلس أحد الشيوخ بالتقليل من قبيلة بني هاجر . وقال انهم تركوا حياة الباديه ....

فثارت حفيظة الشعر عمير بن راشد بن عفيشه وانشد قائلا

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياهيـه ياللـي بالكـلام اختطفنـا=لاحلك الله عرضنا وش تبـي بـه


لابـاس لامـن بالكـلام اعتطفنـا=لاعـاد مايقـدر بنـا الا عبيـبـه


ماهوب عيـب لاعمرنـا طوفنـا=والبيـت الآخـر فالفضـا نبتنيبـه


لامـن قبضنـا مشبـر منتقفـنـا=ماهيـب تخلفنـا العلـوم المريبـه


لو مـن بغانـا بالتمانـي خطفنـا=كان الموالـي حطنـا لـه كسيبـه


لكـن لطـم العايـل الله حسفـنـا=مايهتني بالشرب من حـن شريبـه


عوجـان ماكـل يعـدل صدفـنـا=ومضرب هدفنـا مايسـره طبيبـه


لامـن رمينـا بالتفـق ماشطفنـا=نكسر مواسيـط العظـام الصليبـه


ولاننفـد العـده الامـن رزفـنـا=الا ايـلا قابـل طنيـب طنيـبـه


نصبر بلطمـة حفنـا فـي نعفنـا=من حيث وافـي حقنـا نقتضيبـه


وايـلا غلبنـا مانكثـر حسفـنـا=لابد له فـي مثلـها من كسـر هيبـه


لازان مضرابـه عليـه انتصفنـا=فأيلا جاه مردود البـرا يرتضيبـه


يا ما شكت عوص النضا من صلفنا=نا شت بنـا ضـد رهجنـا قليبـه


وعجنا ودجنا في رسومـه ولفنـا=ومن راس مضماه اختطفنا عزيبـه


وياما مشى قـدم الضعايـن سلفنـا=خيل وجمع لا مشى لـه حطيبـه


و من خايع الأزهـار نبتـه قطفنـا=وصدنا الجوازي في ملاوي شعيبه


ونجعل رفيعات المنـازل غرفنـا=لو هي على حد الخطـر مانهيبـه


وايلا من عقيـد باحتمالـه خطفنـا=جانا مـع سـد الغبـا يتقـي بـه


اول طـوارف نشرنـا لـه لففنـا=ونلطم رثامه حيـن مانلتقـي بـه


وايلا دهمنـا طامـع فـي عطفنـا=في باله انهـا عنـد الأول نهيبـه


ناتيـه فـي حـال تغيـر شيفنـا=وترجع صورنا غير ماكـان هيبـه


شينين وأشين مـن شيفنـا شلفنـا=شلـف تفـج السابعـه والتريبـه


وايلا من الخفرات العماهيج شفنـا=حسـر وكلـن سترهـا تنتخيبـه


نثني عليهـن لـو يصيـر بتلفنـا=بسيوف شـل الـراس ماتلتهيبـه


لو كان تكثر في المعـاره جيفنـا=لعيونهـن سـوق الفنـا نشتريبـه


في ماقف مـن دمنـا بـه نشفنـا=من بين نظهر منه او نختفـي بـه


ومن طاح منا عند راسـه صنفنـا=عرج بنا صم الرمـك تلتـوي بـه


وعاف الضديد وشاف منـا عففنـا=وأقفا على الامتان ينقـل صويبـه


من حربنا سامـح وألآخـر لقفنـا=سبـره يبارينـا ويبـدي رقيـبـه


ننزل جهـار بغيـر جـار سلفنـا=ونرفع مبانينا بـالأرض العشيبـه


وايظا الى ضاع السحا لـه طنفنـا=ونجير محتمل الطلب مـن طليبـه


لابت مخاضيـب عزيـز شرفنـا=ضياغـم طيـب النبـا نكتسيـبـه


كـل ايـلا قـر القـرار يعرفنـا=هواجـر مخراجـنـا يندريـبـه


باقصى المشارق لاتهامـه طرفنـا=والجـد قحطـان الـذي نستميبـه


ماقول بالعليا علـى النـاس طفنـا=بل كلهـم قسمـه بهـا محتظيبـه


لاشـك ماتعبنـا يكـود محلفـنـا=يـام مبركـة الجمـل للحريـبـه


لاكـن لامنهـم نصونـا وقفـنـا=لوكـان لقواهـم علينـا صعيبـه


وايـلا تصالحنـا جحدنـا جنفنـا=كل والآخـر سكـر فـي حليبـه


ومن زار منهم نعتبي لـه ضيفنـا=وجزل الكرامه عندهـم نحتريبـه


وان جات من الأقصى عليهم شنفنا=معهم ولانرضـى عليهـم غليبـه


ولاعـودت مـن بيننـا وانحرفنـا=كل على البيضاء يلاعب صحيبـه


ياما خذوا منا النصـف وانتصفنـا=منهـم ولاأحـد داس درب يعيبـه


تمـت وصلـوا ماسعينـا وطفنـا=علـى نبـي بالـهـدى نقتديـبـه[/poem]

رد: عمير بن راشد بن عفيشه
 

وقال عمير بن راشد عندما اشتد النزاع بينه وبين ابن عمه عرار بن شهوان حيث قام فارس بن شهوان اخو عرار (( وفارس بن شهوان هو اخو عمير من امه وابن عمه)بطلب النجده من والي العراق العثمانيين لمحاربة عمير ودارة الدائره عليه وانهزم في المعركه ولم ينجوا سواه وقليل من النساء والاطفال عندما هرب بهم من ساحة المعركه . فقال عمير :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اخوي وبن امي جلب مايضرنا=وهو بالعيا من يوم شب وشاب
حدى علينا الترك قطاعة الثنا=غادي الجدا يسعى لنا بذهاب
يبون ميثا نقوة من حريمنا=وهذا علينا خزوة وعتاب
تقول ميثا ياهلي وارخصوني=على الترك لا يغدي لكم برقاب
حلف عقيل لو غدينا وخيلنا=يادون ميثا مايصك الباب
انا عمير بن راشد الضيغمي=وربي جعلني للرجال عذاب
وانا كما شعشاع نجم الا انشهق=على هضبة يودع حصاها تراب
ولا ينفع المضيوم يكود ربعه=الا غط به من غير نوبه ناب
الا تلاقوا مع عقيل ترعرعوا=ترعراع سيل في مقر ارغاب
اللي ذبح زيزومهم باشة البوش=وكل خذى من كف اخوى صواب[/poem]

رد: عمير بن راشد بن عفيشه
 

نظم الشاعر عمير بن راشد العفيشة هذه القصيده عندما علم ان اثنين من اقاربه قاما بشراء صقر لهما ليقنصا به وقد غرهما بمظهره الجميل ولكنه لم يكن بالمستوى المطلوب من الصقور من فصيلته

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ياعمي سعود الذي عمك سعيد = يانزه من درب الشنا والسماجه
يذكر بهجرتكم اثنينن صلاديد = وافين في فن الكرم والمواجــه
لولا انهم سووا كما قاطع السيد = اللي صلاة الظهر يعلق سراجه
اظن كل قصير ينقل الكيــــد = والربع فيهم زود كبر وشهاجه
تشاركوا في طيرن باشياً مزاهيد = قوى عزمهم بزين ابتلاجه
مايعلمونه جهل لو قد هو مصيد = ولا سالوا اللي وقف في حراجه
خلوا وطنهم من ركن لي مسيعيد= ودخان والزور وحباري عفاجه
قالوا نبي قطع الفرجه والمسانيد= ولكل منهم موتره في كراجه
ولابينوا في شورهم زيد وعبيد = يخشون ينقض عزمهم باحتجابه
تعنـــــــوا ماثمنـــــــوا للمناقيد = لو مجلسن فيهم كثيرن لجاجه
وحطوا بسبله مشوط اتلى المواعيد= حيث مشوطن رامي بالحداجه
ورحب وباشرهم بسيرة الاجاويد= والا فلا له في الصقاقير حاجه
راعي القنص من بين سرعه وتركيد= مايسمح الا لين يطلق حناجه
وتحزموا من غير شل البواريد= يوم الحوار الفجر يرفع خلاجه
واقفلوا مع حزم شباك الجلاميد= ومرواسهم مفلى مصلح نعاجه
تبينوا بالطير واطلع بتوكيد= وهو ضيع صيدته في العجاجه
وصاحوا عليه ورد راسه بتعويد= وقالوا مقيل وراحه وانعواجه
وسووا لهم قرصن لناره تواقيد= وكلوه من بين النياه ونضاجه
والله عقلهم سالمين التلاديد= والفوا بعلم الما القراح وهماجه[/poem]

رد: عمير بن راشد بن عفيشه
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
تصاحبت أنا والسبت والحقد منّا غـاب = وكلٍ طرح من حـرب الأخـر مزاريقـه

على ماضيات الوقت واليوم حنّا أصحاب=ولوّ كـان قـدّ لبّـق بقلبـي ملابيقـه

أنا أحسب قلبي من طريق الموّده تـاب = وأثر عاد لـه شـفٍ بيلحـق ملاحيقـه

لحى الله قلبٍ دار شفّـه مـع الأجنـاب=توهّق ووهقنـي بعـد فـي مواهيقـه

وأنا خابرٍ ولعة الأجانيب من الأنشـاب =الى زاف غصن القلب حتـوى غرانيقـه

الى من فقدهم لوّ قدر ساعـةٍ ينـذاب =هواهم لذيذ ومنهم الصبـر مـا أطيقـه

الا ياوجـودي لامعـرفـه ولا نـبّـاب=على نصوتي للخـطّ مـأدري بتوفيقـه

غريبٍ بغير مقـديٍ والغريـب يهـاب =ولا من صديـقٍ وامـنٍ مـن مواثيقـه

يروح بكلامي ويتحمّـل بـرد الجـاب =كتـومٍ بعلـم السـر بأقصـى مغاليقـه

الى عاد ماوديّ كلامـي يشيـل كتـاب=الى من غرامه حـرّق القلـب تحريقـه

أبو جادلٍ ينقض ويعكف على الأطيـاب =دقيق البضاعه ينحشـي بـه مفاريقـه

وفرعٍ كما بـدر تبيّـن مـن السحـاب =وكنّ الحجاج النـون واللـون تحليقـه

ودعجٍ الى برّق بهن يحـدث الأسبـاب =وخشـمٍ زمامـه ضاحكـاتٍ لواهيـقـه

وخدٍ كما النسخه مع راعـيّ المحـراب =زهى خطّ لون القاينـي فـي مراقيقـه

حسينٍ كلامه يبتسم عن ثمـان عـذاب=وجيـدٍ نظمـه العنـق يزهـا مداقيقـه

وزمّة نهودٍ رابياتٍ ماهـي بـو شـاب=وخصرٍ حزامـه يبتـرم فـي مخافيقـه

مع حسن خلقه لوّ يشاهد ؟ مريضٍ طاب =يزيد الفـرح بمشاهـدٍ يبـري الضيقـه

وإلى سمع زاقر قدّم الله بحسـن أداب =علـى سنّـة المحبيـن نـشّ بترافيقـه

وقالو بعد لاغيّـر الوشـر فالأسـلاب =وعرّض بسـوق الله يطـرح مخاليقـه

تمثلت بـه لانـي بصـادق ولا كـذاّب=أقوله بقـول اللـي عطانـي تحاقيقـه

يالولا الورع وأذل كرتي يزيـد حسـاب=تفبلّـت بـابٍ حـال دونـه بتغليـقـه[/poem]

رد: عمير بن راشد بن عفيشه
 

عمير بن راشد
تهيا لنا عند ابرق السيح عركه
[rams]http://www.sadanajd.com/poem-3543.rm[/rams]

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ما النـاس الا مـن بنـوك ومعـادن=وماطاب من بنـك المعـادن طـاب

عمى الراي مايجري له الطب والـدوا=عمى الراي مـادام الغـراب غـراب

شيخ لنـا يمشـي علـى مايضرنـا=وهو بالعيا مـن يـوم شـب وشـاب

يامر علينـا التـرك تاخـذ حريمنـا=وانشهـد انـهـا بلـشـه وعــذاب

يبغـون ميثـاء نقـوة مـن حريمنـا=وانـا اقـول بهـا وعـار وعيـاب

لحثـوا يبـون ميـثـاء غصيـبـه=ومن دونهـا غـوشٍ تسـن حـراب

تـرا كـل جيـران لبـاب لـجـاره=موياعـنـك ماجيرانـنـا بلـبـاب

تقـول ميثـاء ياهلـي ارخـصـوا=بيعلى الترك لايغـدي لكـم برقـاب

يقـول عقيـل لـو دهبنـا وخيلنـا=علي الرفـق مايصـك دونـك بـاب

حـن خمسـة هـل خمـس يــال=راشداهل خمس مانثني لهـن رقـاب

ايـلا رقرقونـا والحقونـا ظعـنـا=تهايـق لنـا تحـت الحنايـا عـذاب

ينـخـن باسامـيـنـا عارفـاتـنـا=بحساس من تحت العجـاج صـلاب

لكن اذيـال الدهـم دهـم ال راشـد=هماليـل صيـفٍ مقتفيـه سـحـاب

وانا كما حابس المـاء لقفـن واقبلـن=والا مـلـم الشروتـيـن حـجـاب

اول مايثنـي عقيـل ولـد والــدي=وسلكان وزبـن الجاذيـات حجـاب

والخيـل لاسمعـت عقيـل ترايعـت=تريـاع سيـل فـي محيـر رغـاب

وامـا عقـيـل فخيلـنـا تلتويـبـه=كمـا حجـل ليـد تلتـوي بهضـاب

تهيا لنا عنـد ابـرق السيـح عركـه=فمنى بها حضـار الرجـال غيـاب

وتناطـح حميـدان بسلطـان مـارق=وتهيـا لـذا مـن كـف ذا صـواب

ومـده حميـدان بشلـفـا سنيـنـه=عرينيـة تـودع الـدروع خــراب

وضرب حميـدان بعـودٍ مـن القنـا=وحول على البيـداء ثـلاث كعـاب

خلي بحد الدمث عن الرمث والغضـا=خلـي بقريـات الصريـف مصـاب

ولا ينفع المضيوم كـون بـن عمـه=ايلا عض به من غيـر نابـه نـاب

يلومونـي وانـا علـى زغوغـيـه=حولـيـة ماضـريـت بـالــداب

جدعي على البـداء ثمانيـن مسمـي=والا العـواري مالـهـن حـسـاب

واسـل سيـف الهـنـد والكـدبـه=ماينكـس مـن الـروم راد جـواب

كـلـه لعيـنـا جــادل تنتخيبـنـا=اللـي تمـاري بفعلـنـا الأجـنـاب

والا لعينا كـل وضحـى مـن ابلنـا=نرعى بها جـوس علـى الأصحـاب

انا وان قضبت السيف بالخمس لاتخف=على الجمع لوكان الجمـوع هضـاب

اضف السبايـا بالسبايـا الا اوجهـو=اكما ضف حضروم الفهـود كـلاب

انا شوق ميثـاء عميـر بـن راشـد=انا طـول عمـري للرجـال عـذاب

انا جامـعٍ قصـر ببصـرٍ بمرجلـه=واورد طعـونٍ مالـهـن حـسـاب

وانا كمـا شعشـاع النجـم لاهـوى=على هضبة يـودع حصاهـا تـراب[/poem]

رد: عمير بن راشد بن عفيشه
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
انا البارحه ونيت يـوم الدلـوه ينـود=واغطرف بصوتٍ يسهر اللـي توعابـه

يغيّب ذهون اللي بوقت الصلاة سجود=ويغلط بـراع الكتـب لوكـان يقرابـه

اقوله وانا مابي طرب غير لي مقصود=ازيد الحزين اللي سواتـي علـى مابـه

واساهر نجوم الليل لو كان مالي فـود=هنـيّ الـذي يرقـد بـنـومٍ تهنـابـه

وياونتـي ونّـة محيـمٍ عـدوه ورود=ترزّم الى منـه اظهـر الدلـو جذابـه

برك باسفل المعطان لين الصدير يقود=والى اقفى صدير العد رايـع لمغرابـه

وياخفتي خفّـة وسيـقٍ شعـود اردود=تقفـوّه مـن ديـرة الاجانيـب كسّابـه

على اللي نهوده مثل بيض الحمام قعود=وطيّ الكلام اللي خذا القلب واقفـى بـه

دقيق المعنّق فيه طوق العنـا مقيـود = يروّي هبيـل القلـب ويـدوّر واسبابـه

ابو مضحكٍ صافي كما اللولو المنضود =ا لوقحويـان المستـوي صفّـة أعذابـه

من الريم فيه الخد والمدمعيـن السـود = وجيده .. وتفريده .. وذوره .. وشبّابـه

ومن بين مقرن حجتّه صارمٍ محـدود = على مفصليـن زميّمـه فيـه يزهابـه

على دمث صفرات المناكب يهل اجعود = كما عرف شقراّ في ضحى العيد لعّابـه

وليفي جعلني لا بصاحي ولا مجهـود=عجيب السجايا صـاب قلبـي بنشّابـه

يقولون حسادي تـوّده ولا لـك فـود=وانا اقول ياراع العذل مالـي .. الاّ بـه

والى قالو اذكر من وليفك عطايا الجود=تذكرت عنـده كـل ماجيـت رحّابـه

ولكون الزمان اللي مضى ينثني ويعود=تمنيت وطـرٍ فـات للقلـب واصحابـه

على المذهب الغالي وبعدٍ عن المنقـود=وسـدّ الجميـع بعيـد ماهـو بيدرابـه

اودّه ولا بيني وبينـه عهـد وعهـود=ولاعلت به يحكى بعرضي ويحكى بـه

واملنا طويلٍ في موّدة جسيـم العـود = وحل الفراق وقيضنـا وقّـف حسابـه

تبيّن سهيل وراعي البل عدى المفرود = ولا عاد راع الطيـر يقنـص بمشرابـه

وقطّانة الماء في برايز وضول حشود=وكلٍ على الما يرتجـي غايـب ركابـه

الا ياوجودي لا اصبحوا زملهم مرجود = وامير الجماعه قفّـظ البيـت وحجابـه

نوى بالشديد وللمطر طاح عقب عدود=قريـبٍ خيالـه جـاه بالعلـم نبّـابـه

وقضوّا لوازمهم وحافو على المشـدود=وقفّت مطايـا صافـي اللـون تحدابـه

وخلوّ ثقيل وهودهم عقبهـم مرجـود = وكلٍ ضـرب لـه فنتـقٍ مارضينابـه[/poem]

رد: عمير بن راشد بن عفيشه
 

هذه القصيده قالها، عندما رحلت
قبيله المهانده من قطر الى الكويت عام 1964م .
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لك الحمد يامن خص طـــــــــــه بقرآنه=هداه السبيل وخص بالطب لقمـــــــــانه
مدير الفلك مالك علـــــــى كل من ملك=تعالى جلالـــــــــه عامر الكون سبحانه
مقدر على ليله نهــــــــــــــــاره بقدرته=سميع ٍ بصير ٍ عـــــــــالم ٍ عالي ٍ شانه
مصخّر نجومه خـــــالق الشمس والقمر=لكل ٍ خلق به سابح ٍ طـــــــــول ميدانه
الـــــــــــــــهٍ خلق في ستّة ايام ما يشا=سمـــــــاوات وارض ومد للحق ميزانه
عســـــــــاي اهتدي بهداه وِقْداه واذكره=ولا اكــــــون حزب اللي تبين بعصيانه
اســــــاله ثوابـــــــــــه واستعينه يدلني=بقيل ٍ يولفه المــــــــــــــــولف بديوانه
جواب ٍ ابادر بـــــــــه الى كاسب الثنا=حميد المقام احمد حمى الحق سلطــانه
ملاذ المخيف وريف من حــــــدّه النيا=عزيز النبا مكــــرم وفــــــــود جيرانه
مع زود معروف ٍ رفد بـــه هل الوطن=ضعوفـــــه وشيبانه ورمله ويتمـــــانه
ضفا بالجميل بضــــــــافي النيل مثلما=ضفا نوّ ديم ٍ يروي القــــــــــاع ودّانه
بحال ٍ وحالات ٍ كمـــــــا طايش البحر=خطير ٍ ويجْني لاركد منه مرجــــــانه
سمو ّ الامير اللي على الحق منتصب=صميدع زمـــــانه مطلب العز ّ ميدانه
اسد ٍ سديد ٍ سيّدٍ ســــــــــــاد واستمع=له المهر والكرسي وسيفه وقيطــــانه
مناطق نفوذ الدار تجــــــري باوامره=على مايحب الشعب الاشراف والعانه
نفوذه بعــــــــدل ٍ والعرب زاد ميلهم=ويبدي لهم قبل المضدّه بنصحــــــانه
ونفرا وهـــــو يرفــــــا شنايع فتوقنا=ونجهل ويجزينا بعدلـــــــه وسمحانه
يعالج عظيمات المشـــــــــاكل يحلها=مثل مايعــــــالج راعي الطب لقمانه
ولكن بعض الآلام كود ٍ معــــــــالجه=ولا له طبيب الاّ انت ياحامي اوطانه
بحـــــــــلم ٍ على من زل ّ منّا به القدم=ويطمر خطا الجاني كما طمرة حْصانه
يراعي رعــــــــــاه الله لنا ريِف ٍ بنا=ومن الشك والتوهيم حاميه رحمـــانه
يغض النظـــــر منّا وهي من مروّته=وهذا اكبر مـــــــــا علينا من احسانه
امير ٍ امـــــــــارته بها الشعب ممتثل=رجـــا ً فيه باحسانه وراضين بامحانه
لـــــه الداخلي والخارجي له وغيرها=تعهّد بمـــــا يرضى به الشعب وافنانه
كســـــــاه الاله الحظ ّ والوعظ والتقى=وعـــــــلم ٍ من الله فاز به فوز رهبانه
وحوى بالذهانه طيب الاخلاق والصخا= على المرتب العـــــــالي تميَز ابّرهانه
الا ياعريب الجـــــــــــد يازاكي الذكا=ترى العز بالتوحيد بالله وايمـــــــــــانه
بعد الورع والصدق والخوف والرجا=وشكر من بالعز لك شــــــــــاد بنيانه
ترى الحـــــــاكم اللي كّنه اياك ينتظر=عواقب الامور ويحْضر الفكر باذهانه
نجيب ٍ لمن ناجــــــــاه بالطيب مقتدر=وفاهم ٍ الى ظلـــــوا من العرف كهّانه
يعز ّ الشرين وجملة الخـــــــاك يتركه=ولا القاصره تخفا من يكّة الـــــــــدانه
ويفرق بعض الامثال بالوزن من بعض=كما النيرة الحمرا لهــــا فرق من الآنه
والى قلّبوا جنس ٍ للانظـــــــــار مشتبه=يدلك على الغالي مع وزنـــــــة اثمانه
كذلك جــــــــواب الناس مايل ومعتدل=ولايجهلك عدلــــــــه وزوده ونقصانه
وامثّل ولا كل ٍ لمعنـــــــــــــاي يفتهم=يكون انت يافرز الوغى طير حورانه
ولكن اوصيك وافهـــــــــــــم وصيتي=ترى الصبر ماعوّد به الخير ختمـــانه
اوصّيك ابو وجهين خــــــذ منّه الحذر=ولا تامنه لـــــــو يبدي النصح باسنانه
ولا تامن اللــــــــي يعتدي في تغافلك=الى شفت بــه ماشفت يرضيك باديانه
ولا تحسب ان دينـــه على البر والنقا=والى زان توّك لايغـــــــــرك تشبهانه
ولا تحســــــــب المبغض بيصفي بنيته=ولو قال انا لك صافي الغش ّ باضغانه
ولا تستمع في صاحبك قيـــــل مبغضه=الى دكّ في عرضــــــه بزوره وبهتانه
ولا تكمه المقبل الى جــاك في الرضا=ترى الله بلا تشبيه يجــــــــزي بغفرانه
ولاترتضي للحـــــــر بالهضم تضهده=يدور البدايل فيك لاصف جنحــــــانه
ولاتقطع العـــــــــود الذي عاش بالثرى=الى من مكن في الارض وامتدت اغصلنه
ولا تاخذ العقّال باعمــــــــال من جهل=مثل من يخوض بهجـــــل رج ّ غدرانه
ولا يقطع الحـــــــــاكم علاقات عزوته=ولا في صديقه يستمع شـــور عدوانه
ولا تفتكر لك ضدّ من شعب اهل قطر=يكون الـــــــــــذي كبر الامور بتتلقانه
تظنه صديق وهــــــو عدوّك من الملا=ويفرح الى عـــــــــــود ٍ بدا فيه دخانه
يباريك ويْدور المفــــــــــــــاقر بغفلتك=على المذهب الخامس تقلّب لك الوانه
ينهّض على الشعب الحكومــــه فربما=يشدد على الشعب الحكومــــه بتمحانه
فلولا العـــــــــــداله والمساواه ضدهم=ولكنه هــــــــو المنعم عليهم بصفطانه
الا ياذرا الجــــــــاني الى وين غفلتك=من امر ٍ مهمّ ٍ منْك مـــــــا جاز فهقانه
عط الحق واخــــذ الحق ممّن تظن به=واخير بتوضيح الامـــــر ويبين تبيانه
باوصيك في الشعب الصديق المهانده=جنودك الى من الوطن ثار عكنـــانه
وجبــــــــــرك الى منّه بدا لازمك بهم=والى من مكروب الحقب صك ّ ببطانه
يفدّون من دونك بغالي عمـــــــــــارهم=ومن جاهــــرك عمد ٍ يهدمون صيوانه
هل الصدق والجمع المباري لجمعـــكم=مثل مامضى في ضفّكم تلعب اردانــه
هل الساس جملة النـــــــــــاس بعدهم=ولا في قطر من قبلهم شــــــــاد بنيانه
هل الربعـــــــــــة المتقدمه قبل غيرهم=من اول من استالى على الدار سكانه
رجاجيل ابوجـــــــدك وجدك ووالدك=والى حالــــــــة التاريخ ماهم بخوانه
ذولا هل النصحـــــــان آلاد المهندي=من اوّل وتالــــــي مابدت منهم خيانه
ولكن والي الامر صــــــــدق عدوهم=وبيّن لهم منّه صـــــــــدوده وهجرانه
فلا يستحق الهجر يـــــــــاكاسب الثنا=يكون الـــــــــــذي تعلم ونعلم بنكرانه
وهجران ابن مسند عليك انت ماكبره=لزيم الناصحه كيف ترضى بحقرانه
وهو لك وربعه ماتردوا ولا انكروا=مع من تنكّر قبل في ماضي ازمانه
دع الذي مضى ياشيخ واليوم حقنا=عليك محضوره يبدي العذر بلسانه
وخـــــــــذ منهم التقرير كانك تودنا=صديقك نعرفه والعدو ننشر اعلانه
ولا صــــــاروا انهم ضدك لا تحنهم=وحن في لزومك ندب الضد واعوانه
والى بانوا انهم لك صديق ٍ فهم لنا=كما الخشم والعينين والراس وامتانه
وحنّا وهـــــــــــم مثل السفينه وزيّها=حن الجسم من خارج وهم ضبط شلمانه
وحنّا لهم جسم ٍ قوي ٍ وهــــــــــم لنا=عضود ٍ تعلق به كفوفه وذرعـــــــانه
فلا هم ولا حنا ننتّب اصــــــــــــولنا=لكل ٍ تواريخه بهــــــــــــا حفظ جدانه
من آل شهوان ومن فروع المخضبه=هواجــــــــر عبيده من روس قحطانه
ظهرنا على مـــــــــــاقال راكان قبلنا=كلام ٍ دليل وزبدة الهرج نيشـــــــــانه
وتمت وصلى الله علــــى سيّد الورى=شفيع امته وآلـــــــــه من نسل عدنانه
[/poem]

رد: عمير بن راشد بن عفيشه
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
القلب يا ابني فهد به دار هاجوس = روابع ٍ بين الرجا له وياسه
في بني ساس ٍ عاد له دثر ورسوس = متهدم ٍ ساسه ومن مر داسه
من مختلف وقت ٍ به العدل منكوس=تشارك الطاهر وراعي النجاسه
والشرك به مكشوف والدين مدسوس=حتى ولو بين سريع ٍ اخلاسه
وفي الناس ناس ٍ عضوا الدين بضروس=وناس ٍ عاونت على هدم ساسه
هذا الذي يذكر بالالواح مدروس=شفناه شوف العين قبل الدراسه
وعادوا لنا الماضين حيين بعكوس=واكبر غلطنا نعتجب في العكاسه
دنياً تقلب كنها ريش طاووس= تمسي وتصبح بين كره ٍ واناسه
وحنا نعرف ان ضد الاقبال بتعوس =واطيب لنا يا ابني فهد الجلاسه
قم قام حظك دك للنار دهلوس=حيث ان شبوب النار يبري الحساسه
واجعل عليها من حطب رمث غاموس =ماهو بدغث اللي وقيده قباسه
واصنع لنا فنجال ماهو بمكبوس=ريحه يفك الصوع عند احتماسه
لا اجتال في محماسه البن محموس=وارتد من عقب الغتار بدهاسه
كبه بضباح ٍ لاطق مرفوس=يقنب قنيب الذيب ولاا الجراسه
واحشه بصفرا كن بها التبر مطلوس=تصفاتها كالورس حل اختراسه
ماها وطبختها مع الهيل مقيوس=وانت البصير بها وراعي البهاسه
بدلال مافيهن مكنسل ومشموس=رسلان مثل موقعات القباسه
منهن منزل ٍ وسطها الكيف مخموس=لا ذاقه المستصاع تبري عماسه
تهيل لمن يردون لاثار عكبوس=لا اختلط عج الرمك واقتباسه
خطلان الايدي مورية كل ناسوس=وسيوف هند يقسمن التراسه
ربعي قصاصيب الفنا كل دابوس=في الضيق لاعيق الطمع والتماسه
قوم ٍ تكافح كل كساب ناموس =وكل ٍ بحوض المدح يشرب بكاسه
والمدح له ني وفقار ٍ ونسنوس =وحزنا سهمنا الجزل ماهو دساسه
الاوله مانمغث الجار بحسوس=والثانيه فينا الكرم والحماسه
واللي تبقى منه بين العرب روس=كل ٍ يحوز من المراجل قياسه
قلته وانا من نازلين الخطر جوس=بيوت ٍ تبنى فيه قبل العساسه
اهل النبا الطيب من دقيانوس=واهل السموت الطيبه والفراسه
هواجر ٍ يدري بنا كل منحوس=لاضده اقوى منه ضد ونحاسه
ونتبع هوى القطعان والضد مكلوس=وما زان من قفر ٍ رعينا مساسه
وحنا لها بالخوف جيران وحروس=جوس ٍ ولا نبغي منه احد ٍ حراسه
وننزل لا من قالوا الحبل ممسوس =في قافر ٍ ماداس به كون حاسه
وحنا لمن في هامته زوم فاعوس=نخلف هقاويه ونكمل عطاسه
ولا ثار عكنان ٍ تقابس به الطوس=وكل ٍ لبس للضرب درع ٍ وطاسه
الله كسانا راية العز ملبوس=سبحان من فصل علينا لباسه
نمسح بالانفس يوم دايس ومديوس=لا صار ميدان ٍ وسيع ٍ مداسه
وتنحي بنا الزلبات في الضيق كردوس=مثل الوحوش اللي هوت بنتكاسه
ونخوض بالميدان لو فات بنفوس=لو صافي الخمسين خمس الخماسه
لعيون من عدل شفاياه بلعوس=غر ٍ خذاله مدة ٍ في عناسه
وان رمانا ضد ٍ غترنا بجاسوس=عود بغبنه بالفشل والتعاسه
وناتيه لو دونه جبال وطعوس=معطان لو بالليل حزة نعاسه
وفينا لمن يصفى لنا لين ملموس=والجفس ماله عندنا الاا الجفاسه
قاسين ماطعنا لحكم ابو كبوس =ومنا البحر والبر ثار اعتفاسه
فيما مضى واليوم روس ٍ تحت موس=وتشابه الراعي وراعي الرياسه
والحكم للي يرفد الناس بفلوس=واخلف مروات الدول بالسياسه
عبد العزيز اللي تهاضع له الروس=مرهق اسود الغاب الي اشتد باسه
اللي جعلنا بين مطلق ومحبوس=كل ٍ بكفه يلتمس وين راسه
وامن ميادين وبلادين وغروس =ونزح محسنة اللحى بالمواسه
وخلى الفهد والظبي والذيب والعوس =متوالفين ولف بغض وغلاسه
وتمت وصلوا عد ماهبت الكوس=وعد مخضر ٍ دنا به يباسه
على شفيع الخلق لامدوا القوس=في موعد الخلق المبعوث ناسه [/poem]

رد: عمير بن راشد بن عفيشه
 

هذي القصيده قالها ردًا على رجل من عمان يساله عن بني هاجر :
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ياسعيد كـان تسـال جـد وتحفيـد=لـك معنـوي باصلنـا تستفـيـده
يمكن عليك نـزل بالخبـر ونزيـد=الا انشـد التاريـخ تلقـا وكـيـده
حنا الذي يضرب بنا الوصف ياسعيد=ضياغم مـن روس جنـب وعبيـده
وهواجر يوثق بنـا فـي المعاهيـد=وقحطان ابونـا حافظيـن رصيـده
والسمت والشيمه وقسم من الجيـد=سلـم لنـا كـل القبايـل تـريـده
نزهين من قرب الدنـس والمناقيـد=وعروضنا مثـل الثيـاب الصفيـده
وقصيرنـا ماحـن لبيتـه رواويـد=لا غاب منـه ليـن حتـى يعيـده
ولا نختبي دونه بالاشيـا المزاهيـد=وايدينـا فـي غالـي الـزاد بيـده
ونتبع مراضي جاهله لو على الديـد=ولكرام جار البيـت نفـرح وليـده
وان مـر كلبـه ماحذفنـاه بالحيـد=لو كان مانرجي ورا الكلـب صيـده
ونطنف مراحيله ولو هـي مغاميـد=وعلى كرامه ضيفنـا هـو قعيـده
وخوينـا نكمـد مشاكيـه تكمـيـد=لـو مايهوجـس يمنـا بتعـويـده
وان زارما العاني لبعض المقاصيـد=متعلـث ماننشـده عـن سـديـده
نذبح سمان الضان لـه والمفاريـد=ومن جـاد للعانـي فرحنـا بجيـده
وان جاو اهل جيش ونايا مضاديـد=ماذاقوا امـس الا شـلاوي قديـده
نقحص لهم بالهيل تـرس المباريـد=والبن يحمس جمر الارطـا وقيـده
ونقحص لشتويـا دفوفـه ملاهيـد=ويفهق لهم عقب العشا بـه بريـده
وان زارنا المجـرم يقـزي لذاويـد=ينزل ويرحل ماجعـل لـه نضيـده
فوق العلا نرفـع مبانيـه ونشيـد=اليـن يبعـد مـن وطنـا شديـده
وان رامنـا ضـدا عمدنـا بتكويـد=عود بغبنـه عبرتـه فـي وريـده
نجعل علـى زوره رسـوم مجاديـد=ويبطي وكبده مـن سنعنـا غديـده
وايلا انتزح منا ورا واسـع البيـد=فالجيش يقطـع مستـواه وقويـده
ماهـو علينـا لـو بغينـاه بعيـد=نصبر على حـر الزمـان وجليـده
ناتيه في الكنـه حلـول المواريـد=معطـان والا نرضمـه بتهجـيـده
يصبح قطيعه بين الايـدي تباديـد=ويفرح ايـلا ردوا عليـه الشريـده
واقفوا على ابله شايليـن التغاريـد=ومن الحسايف يصفق ايده على ايده
ومن زان حنا لـه خيـارا اجاويـد=ومرجـام للشيطـان لفتـل قـيـده
لحركوا الاسباب بعـض المقاريـد=نوطي على الزرب الصريع وهميـده
وان صار من بعد التساهـل تلاديـد=فالرابـح اللـي مقبلاتـه سعيـده
سلم النضا والخيـل مافيـه تبنيـد=فـي كـل وقـت لابسيـن عديـده
وان ثار عكنان كشف غـره الغيـد=ندعي النفوس الغاليه بـه زهيـده
نلقط على الهيجا وحـس البواريـد=لو كان ماينفـع عضيـدا عضيـده
لاوصلـت الذلـه معلـق لـواريـد=واللي معه جريـا تقاصـر فديـده
ونفرج ايلا من صار صكا وتسنيـد=الى استغرب الطارد بقيضه طريـده
صار اجتوال الخيـل تـن وتفاريـد=وكـلا يخايـل غـره فـي نديـده
هـذا عليـه معـوديـن تـراديـد=ونحيي الامور الماضيـه بالجديـده
وعشنا على صايب ومصيوب وشهيد=وهـذاك ممنـوع تعـزف ذويــده
وهـذاك معتـدي وذا كاسـب فيـد=واصبح يوزع بيـن الادنيـن فيـده
تمت وصلـى الله وسلـم بتجويـد=علـى نبـي مخلـص بالعقـيـده [/poem]

رد: عمير بن راشد بن عفيشه
 

هذا ماقاله في عصر شبابه وهو نازل من الرياض الى المنطقه الشرقيه :


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ياهجـــن حاذور بعــد السلـم تشكنــــّه=والعـــذر منكـن على الممـشى والاصلافـــي


كــم طرقـــتٍ قبلكن رسمــه تقصنـــّه=رسمـــه جديـــدٍ وغيــره رسمـــه العافــــي


يسقـــى ليا قالـــو ( بريشـن ) فهقتـنــّه=عقبتــــن ( الدغـــم ) وأنحيتـــن مع الجافـــــــــي

ومـــرّن علـى سعـــد يقضـــّن حاجــةٍ منـــــّه=وقال الدليلــــه ( دليــلٍ ) قـد هو خلافـــــي


ومـــرّن على ( هجــر ) يقضــن شانهـنّ منــــّه=ومــــن زيـــن الأصنـــاف نأخذ حقنا وافـــــي


وجـــوّ ( النعامـــه ) صلاة الصبـــح مرنــــّه=.ومــرّن على ( جــوبة الحمـــرور ) زلافــــــــي


ومــــرن على ( دايـرٍ ) فـي مامضــى جنــــّه=مـعّ صحصـــحٍ فيــــه تجحـــد ضلعها الحافـــــــــي


لازم عليــــكن لطيـــف الروح تنصنـــّه=وشـــعذركـــن يالنجـــايب حيــــل وأخفافـــــي ؟؟


تلفــــــن على صاحـــبٍ فنـــّي على فنــــّه=عــــن القريا يذكـــــّر حول الاسيافـــــــــــــــــــي[/poem]

رد: عمير بن راشد بن عفيشه
 

كان في احد الايام في حكم الشيخ قاسم آل ثاني ان طلب بعض اقارب الشاعر النخوة لهم فكانت هذه القصيد التي وجهها الى الامير
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

منصاك شيخي يجعل الشره ما دوب = ابو فهد نور الوطن غوج الاطـلاب

الشيخ قاسم زبن من جاه مكروب = فرز الوغى لامن هبا كـل هيـاب

نجم لعفاريت الفراعيـن مكتـوب = مفـراص فـولاد وللحـرب دولاب

حصنن لنا عن سود الايام منصوب = وحن سيفه اللي ما يبقي بالارقاب

هو درعنا الضافي الى مسنا الدوب = سورا لنا عن جور الايام وحجاب

اربط ولا تدرا غضب كل مذهـوب = حن خزنتك لا بار من بار او عاب

نفوز بأفعالك الـى نلـت مطلـوب = وبأفعالنا تفرح ولو كـان غيّـاب [/poem]

رد: عمير بن راشد بن عفيشه
 

وهذه قصيدة لعمير بن راشد في الدنيا واحوالها يقول:
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ارى في وقتنا الحاضـر غيـاره = وميزنـا طوالـه مـن قصـاره

وصـار مقلطـه الاول موخـر = ومفهوقه قلـط عقـب انثبـاره

وبانت لـي مناهيـج المعانـي = واخرص البعد وقايـس امتـاره

وقلت لطارشـي قـم لا توانـي = ودور زملـة الـطـارش دواره

وهيبيّـه تبـوج بـك التنايـف = من اعلى الجيش من نقوة انظاره

جماليـه سفينـة بـر وجـنـا = تعالى شان من هي من وشـاره

نحيفة ما يصـك القـاع منهـا = شراريـه جمالـيـة فـقـاره

وسيعـة مبطـن ولهـا ثميلـه = وزور مـا يقلـط لــه ازواره

ومفجوجة نحر عوجـا مرافـق = براجمها كما شهـب الحجـاره

وعنق مثل رطب الغصـن ليـن = وعلبـا زاهـي نقشـة اوبـاره

كبيـرة هامـة والقحـز نابـي = وفيها من وصوف الذيب شـاره

واذنين مثـل بريـان القلامـه = ورمز عيونهـا مثـل الفنـاره

تخنوج بالمسيـر تقـول عـذرا = الى هلت على العاتـق خمـاره

وفي الريم الفريد بهـا مـواري = جفال ولا اعترض صيغة شقاره [/poem]

رد: عمير بن راشد بن عفيشه
 

ومما قاله في قبيلته بني هاجر:




[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا غتيرٍ بالقبايـل وتاريـخ العـرب = جدنا اللي سبع الأفيا شكوا حرايبـه

من بني ضيغم عبيده عريبين النسب = من بني هاجر وقحطان حن ضرايبه

جمعنا يشدي قنيف يزايفـه المهـب = الهنـادي بارقـه والقنـا سحايبـه

والرعد حس المحبب الى منه نحـب = والغثير وعج صم الرمـك سكايبـه

ما نعيل الا إيلا من حرك العايل سبب = وإعتمد بأمراً وكبرت بنـا مصايبـه

ما يفك المنتشب من مدورة النشـب = كون من لا يحسب القبر كم نصايبه

لامشينا بالسلايل وحذفنـا السلـب = واحتمى سوق الفناء والتقت مصايبه

نرد ميراد الظوامي على جال الثغـب = ماردٍ للخيل بيـن المـرج والعايبـه

ذا لا عني صافي الخد مزفوف الهدب = جادلٍ يضفي على منحـره ذوايبـه

نلتقي للضد شروا قصاصيب الجلـب = لين مجلبنـا يوقـف مـع جلايبـه

مجزراً لاولاد به مثل عمري الخشب = لاحدر به جارح السيل من شعايبـه

وإن بغى زودٍ عطيناه حايشة النكـب = ضربةٍ في الرأس والا مـع ترايبـه

وان تنزح ناصله فوق زينات الودب = نقصر العنوه على من بدت سبايبـه

ننثر الغاره على ابله ولو فيها الجنب = لين يظهـر كـل متوجـد وجايبـه

[/poem]

رد: عمير بن راشد بن عفيشه
 

يقول عمير في احدى قصائده
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
الا يا النشاما ودي أقضي أغراضي = على موتر في طاعة اللي يسانع به
مسيره على القانون ماسارفي الفاضي= ثمان الدقايق له تودي وترجع به
من احسانكم حثوا مسيره على حاضي= له السيد معتدل وخلوه يجزع به
نزوز الذي زادت من اسبابه امراضي = صديق ولاوافقني الحظ يحمع به
صبرت الشتا عنه وذا وقت مقياضي= وانا عبرتي في الصدرتنحي وتطلع به
ولاشوف شايل حمل للعلم نقاضي = يقولون هذا به لياقه ونطمع به
والاسرار ماتبدى على كل فضفاضي = هبيل يبذر بالخبر حين يسمع به
لها واحد مثلي وشروايحفاظي = عنا البيض قد شيب براسه ولقع به
كما وجد راعي بكرة له تقباضي = قبض في الشداد وهي على صوب تربع به
على بوجديل صاغ تجديله العاضي = وله مفرع يدهش الى منه فرع به
مدامع وخشم وخد كالبرق لا ناضي = وبيض الثنايا كنها الحص تلمع به
وعنق دقيق ولبة لونهاياضي= والانهاد بيض اللي لها الفن تسجع به
مزوح ذبوح بالخطا له تعراضي = رما بالسبب لي لين قلبي تولع به
وجعلني بحبسه مثل محبوس الارفاضي= وخلى لي الحزن الشديد اتجرع به
يعيل ويميل ويخلف الغيظ بغياظي= على مايريد يحيسني لاعب لع به
ولاشوف لي حيله يكون التوعاظي = اربه الى سمع التوعاظ يخشع به
ابي مطلب منه بلا ايا تعكاظي= يجي بالتراضي مايحكم المطوع به
الى عودت بالحق باروح مغتاظي = اعرف أن قوانينه بتاتي علي صعبه
هو المدعي والمنكر الشاهد القاضي= واخير اني اخذ ماحصل منه واقنع به
وابي منه بالمعروف ماودي اقاضي = وهو ميسر والوصل ماهوب يقطع به
وانا مثل عطشان قطع قلبه اللاظي= وعذب السجايا مورده مايشرع به
( ولوكان حيضان اريش العين فياضي = شراب بلا مسفوط ماودي ادنع به )
شفوق على وصل الحبيب وهو راضي= كما يشفق المحرم على حبة الكعبه
لاجل الوداد قاطع عرق لظاظي= وصوابه بقلبي ماادري ويش باصنع به
وهو دختري كانه على الخل غضاضي= عسى منه ياتي طب للسو ندفع به
والاسباب يومه ذكّر الدارس الماضي = وخلى العيون تفيّض الما وتدفع به
عسى جلسة عنده بها حلو الالفاظي= بعد موقف الفرقا ويوم الموادع به
وانا باتصبر منه لو كان ما اعتاظي = ولو كان غيره بيحصل ماتمتع به[/poem]

رد: عمير بن راشد بن عفيشه
 

عميره بنت راشد
تقصد بأخيها عمير
فالت عميره بنت من يمنع التلا
[rams]http://www.sadanajd.com/poem-3562.rm[/rams]

رد: عمير بن راشد بن عفيشه
 

[COLOR="Teal"]تحية تقدير و إعجاب لإختيارك الراقى المتميز
دمت و سلمت و غنمت[/COLOR]

رد: عمير بن راشد بن عفيشه
 

[center][glow=003333][size=6][font=comic sans ms][color=#ffffff][color="deepskyblue"]
[color=#00ccff][size=7]
[color="plum"] اختياار موفق للغايه

قصااائد بغاايه الجمال


شكرا على الطرح الراقي[/color][/size][/color]

[/color] [/color][/font][/size][/glow][/center]

رد: عمير بن راشد بن عفيشه
 

[size="5"][color="purple"]يعطيك العافية


صعووب[/color][/size]

رد: عمير بن راشد بن عفيشه
 

شكرا لك ابو عبد الله
على النقل الرائع
وتسلم ايدك
تحياتي

رد: عمير بن راشد بن عفيشه
 

تسلم على نقلك
ولا هنت بو عبدالله..

رد: عمير بن راشد بن عفيشه
 

مجهود رائع لشاعر مميز
والف شكر

رد: عمير بن راشد بن عفيشه
 

يعطيك العافيه على النقل

رد: عمير بن راشد بن عفيشه
 

سلمت يالطائر على ماكتبته فقد أوردت معلومة

وافية ومفيدة عن هذا الشاعر وعن تاريخ الشعر

النبطي فكم نحن بحاجة ماسة لقراءة مثل تلك

القصايد القيمة لفحول الشعراء كونهم هم المرجع

الذي يقاس عليه شعر هذا الزمن

رد: عمير بن راشد بن عفيشه
 

[color=darkblue][font=simplified arabic][b][center]لك الحمد يامـن خـص طـه بقرآنـههداه السبيـل وخـص بالطـب لقمانـه[/b][/font][/color][/center]
[color=darkblue][font=simplified arabic][b][center]مدير الفلك مالك على كـل مـن ملـكتعالى جلالـه عامـر الكـون سبحانـه[/b][/font][/color][/center]
[color=darkblue][font=simplified arabic][b][center]مقـدر علـى ليلـه نهـاره بقـدرتـهسميع ٍ بصير ٍ عالـم ٍ عالـي ٍ شانـه[/b][/font][/color][/center]
[color=darkblue][font=simplified arabic][b][center]مصخّر نجومه خالق الشمـس والقمـرلكل ٍ خلق بـه سابـح ٍ طـول ميدانـه[/b][/font][/color][/center]
[color=darkblue][font=simplified arabic][b][center]الهٍ خلـق فـي ستّـة ايـام مـا يشـاسماوات وارض ومـد للحـق ميزانـه[/b][/font][/color][/center]
[color=darkblue][font=simplified arabic][b][center]عساي اهتـدي بهـداه وِقْـداه واذكـرهولا اكون حزب اللـي تبيـن بعصيانـه[/b][/font][/color][/center]
[color=darkblue][font=simplified arabic][b][center]اسالـه ثوابـه واستعيـنـه يدلـنـيبقيـل ٍ يولـفـه المـولـف بديـوانـه[/b][/font][/color][/center]
[color=darkblue][font=simplified arabic][b][center]جواب ٍ ابـادر بـه الـى كاسـب الثنـاحميد المقام احمد حمى الحـق سلطانـه[/b][/font][/color][/center]


صح لسان الشاعر
لاهنت ودام طرحك

رد: عمير بن راشد بن عفيشه
 

[font=arial black][size=4][color=slategray]صح السانه[/color][/size][/font]
[font=arial black][size=4][color=slategray][/color][/size][/font]
[font=arial black][size=4][color=slategray]وسلمت على نقلك[/color][/size][/font]

رد: عمير بن راشد بن عفيشه
 

[font="comic sans ms"][size="5"]تسلم يمينك على النقل المطول ولابد من العودة
يعطيك العافيه يالطائر لاهنت[/size][/font]

رد: عمير بن راشد بن عفيشه
 

[font="comic sans ms"][size="5"]تسلم يمينك على النقل المطول
ولابد لنا من العودة
يعطيك العافيه يالطائر لاهنت[/size][/font]

رد: عمير بن راشد بن عفيشه
 

سلمت استاذنا لا هنت ابد

مجهود تشكر عليه