منتديات الفطاحله - لهجة اهل الرياض ...... لغير الناطقين بها

منتديات الفطاحله (http://ftahilah.com/index.php)

- وسع صدرك (http://ftahilah.com/forumdisplay.php?f=81)

- - لهجة اهل الرياض ...... لغير الناطقين بها (http://ftahilah.com/showthread.php?t=34508)

لهجة اهل الرياض ...... لغير الناطقين بها

[center][size="5"][color="black"]
[color="red"][size="6"][u][i]لهجة اهل الرياض ...... لغير الناطقين بها [/i][/u][/size][/color]

[color="red"]تسذا [/color].. المعنى واضح يعني كذا ولازم تقولها وانت ماد براطمك لتحت

[color="red"]فيذا [/color].. يعني فيذا . هنا . " حط العشا فيذا " يعني هنا

[color="red"]مير [/color].. هذي مالها معنا بس تستخدم أحيانا بمعنى ثم واحيانا بمنى لكن ....

[color="red"]
كوده او كودها[/color] ... (( بمعنى لعل وعسى)) ,,,,,,,,, مثل ما يقول الابو لولده التسبير " رح ادرس كود اخوانك يغارون منك ويذاكرون "

[color="red"]صزز[/color] .. يعني صدق والا صززيه يعني صدقيه

[color="red"]زلابه[/color] .. يعني بطه مالها معنى ثاني

[color="red"]
دبووووج [/color].... هذي شينه يعين اذا واحد قالها لك تراه يسبك اقرب شئ له كمخه

[color="red"]دلخ [/color].. انظر اعلاه

[color="red"]ء ء .. [/color]وتطلع من الحلق مثل اذا جيتا لبزر وقلت له عطني الكوره بيقول لك "[color="red"] ءء [/color]" وبيرفع خشته فوووووق وهو يقولها ... معناها منيب او لا

[color="red"]أهزع[/color] .. يعني طمن او انزل شوي ,,, اللي تبي

[color="red"]منهو [/color].. افصلها لكلمتين وتعرف معناها

[color="red"]مهوب او مهيب.. [/color]بالعربي ( ليس ) [color="red"]مثل[/color] " هذا التفتر مهوب لتس يانوير هذا التفتر لاختس دليّل "

[color="red"]هقوتي [/color].. يعني ( اظن )[color="red"] مثل[/color] " هقوتي انه فيذا

[color="red"]توحي .. [/color]معناها تسمع ,,, اذا جيته تسلم على شايبن من شيابكم تهزع على راسه وتقوله مساك الله بالخير بيقول لك وشوووو ,, بتقول له انت توحي (( في وسط اذنه عشان يسمعك ) وبيقول لك من انت ولده ... الخ "

[color="red"]كتر .. [/color]ويقول الوا! حد لاخوه وهم يتغدون من صحن واحد " لا تاكل من كتري يعني لا تاكل من نفس المكان اللي اكل منه "

[color="red"]جغمه [/color].. يعني جغمه[size="7"] !! [/size][color="red"]مثال[/color] : صديقك راح الدكان وشرا ببسي واحد وقعد يشربه لحاله وانت عيونك شوي وتناتق تقوله ياااخي عطني جغمه ( اعتقد فهمتوها )

[color="red"]بصرك [/color].. يعني بكيفك .... تقول لواحد تعال معنا ... ويقول لك لا منيب جاي ,, ترد عليه " بصرك

[color="red"]بعدي ..[/color] يعني [color="red"]مثلا[/color] يقول الابو لولده ,,, بعدي ابوي . بس مدري وشلون تنشرح المهم معناه زين مهوب شين

[color="red"]
امصع ..[/color] يعني اسحب بقووووووه مثل الام اذا قالت لولدها تراني بمصع اذنك لو ما درست

[color="red"]امحق [/color].. هذي والله نشبه ما ادري وشلون اشرحها لكن ابحاول اعطيكم مثل اللي بيفهم زين واللي مهوب فاهم احسن يعني حبكت الا يفهم هذي .[color="red"] المثل [/color]: الابو يقول لولده ترااا باتسر ابيك توديني لزواج قصرانا يرد والد ويقول والله اسمحلي انا مواعد ربعي في الاستراحه عاد الابو يقول امحق من ولد عاد يرد الولد اقول خلاص نيتل

[color="red"]يدربي[/color] .. يعني يدحرج [color="red"].. مثل[/color] المسترخي يدربي راسه

[color="red"]دحرب[/color] يعني الدب

[color="red"]كنادر[/color] .. تكرمون جزمه

[color="red"]زبيريه[/color] .. نوع من النعال تكرمون وهو احسن مبيد للصوارير والضواطير [size="7"]! [/size]والحشرات الزاحفه الاخرى

[color="red"]برندا .. ميراندا,, [/color]لان اول واحد قالها في الرياض كان مزكم وقال براندا

[color="red"]عسكريم[/color] .. يعني ايس كريم

[color="red"]محلي[/color] .. مكاني

[color="red"]يا خزياه[/color] .... اكثر من يقولها العجز الله يخليهم لنا ولا يحرمنا من حتسيهم يعني انها استحت

[color="red"]سماط ..[/color] ماله داعي تروح للجنادريه , رح لاقرب محل مواعين وقل عطني سماط ,,,,, مفرش ناكل عليه ومنول نسميه سفره

[color="red"]ملاس.[/color] ..ملعقه كبيره مخفسه ننتسب بها الغدا

[color="red"]مراصيع[/color] .. ، اسالو الحريم ويعلمونكم عنه تراها تنوكل

[color="red"]صبيب.. [/color].انظر اعلاه ,,, هو نفسه بس بطريقه ثانيه

[color="red"]ترم ترم..[/color] فلم كرتون نسميه منول ترم ترم وبعض البزران
يسميه ابو تتنه (! ( اللهم لك الحمد )) وغيرهم يسميه
ابوذنب (( ياربي لك الحمد )) وعيال النعمه يسمونه النمر الوردي
وهو[color="red"] اصلا [/color]بنك بانثر

[color="red"]

عوافي الله ..[/color] هذي الكلمه عقدت كل البزران دايمن تستخدمها
الامهات لتخويف البزران اذا بغو يطلعون للشارع بالليل وتقول
ترا بتجيك عوافي الله[/color][/size][/center]