|
انتقاد
[poem=font="Simplified Arabic,5,royalblue,normal,normal" bkcolor="transparent" bkimage="http://www.fatahilah.com/images/toolbox/backgrounds/20.gif" border="double,5,royalblue" type=2 line=0 align=center use=ex num="0,black"]
لاانتقدت الوضع قالولك تدارا= اندمج بالمجتمع عيش الحضاره عيش عمرك بالهنا افرح وغني= والابكره اتقول ضيعته خساره العمر ذا كنز ماتقدر تعوضه= فاز اللي كان بالدنيا شعاره الحياه حلوه على قولة فريد = وعالجروح الماضيات ارخي الستاره مايفيدك غير نسيان المتاعب= يالله سير انروح للفرحه زياره قلت لاوالله ذا ماهو بطبعي= وش بلاكم ماتعرفون العباره صار حلمك ياعربي انك اتهاجر= وكم مبدع للاسف غادر دياره صرنا اجساد بلا روح ومعنى= نفتقر للطيب ونحب الاثاره وننتظر باكر عساه يكون افضل= كلما اقبل دجا نبكي نهاره احنا اهل العلم اصحاب المراجع= احنا اللي ارضنا للعز مناره احنا اصل الكون والدنيا بااسرها = واحنا احفاد الصناديد الغيارى شاهده الايام للي طوعوها =علموا حتى الزمن ياخذ قراره مو صحيح اللي اشوفه ياجماعه= والله اني احترق حسره ومراره تلعب الاعداء فينا مادرينا =بااغلب النيران سبتها شراره وش بلانا كل شي فينا تساوى= لين شفنا الوقت عدانا قطاره مابقى بالكون حد الاسبقنا =واحنا عالانغام نقضيها سهارى مانشك خيط في ابره صدقوني= الا ومن الغرب تاتينا استشاره مااعتقد باقي امل اننا انتقدم =واللبيب الحر يفهم من اشاره[/poem] مع تحياتي وتمنياتي ان تحوز القصيده على اعجابكم والله الموفق تحياتي |
رد على: انتقاد
صح لسانك وبيض الله وجهك
على هالجزلة من ضمير يقظ صار حلمك ياعربي انـك اتهاجـر=وكم مبدع للاسـف غـادر ديـاره إلا منهو قابلٍ ما كان صاير= مؤمنٍ بالنصر لو طال انتظاره لاهنت يالغالي تحياتي الطيبة |
رد على: انتقاد
هذا من طيبك اخوي عثمان تسلم على هذا الشعور الطيب يعطيك الف عافيه
|
رد على: انتقاد
انت ذكرتني بعدما خلصت الدكتوراه في امريكا 1982
عرضوا علي الوظيفة في نفس الجامعة ، ورفضت فعندما يؤمن الإنسان بأهمية تواجده ويحاول ان يفعل شيئا وحسب ما يتاح له فهذا المطلب الوطني حتى ولو ضحى بمصلحته الخاصه. |
رد على: انتقاد
نعم اخ عثمان يجب ان نتجاوز انفسنا في سبيل مصلحة المجتمع والوطن
|
رد على: انتقاد
عيد الماجد
صح لسانك قصيدة جزله ورائعه تحياتي |
رد على: انتقاد
لك التحيه والتقدير ويعطيك الف عافيه
|
رد على: انتقاد
والله مادري شقول
بس صح لسانك وفكرك وقلمك وكلك صعب اوفيك حقك علي هالابداع ( وعلى فكره ابداع ماقولها لاي واحد ) :) تقديري لك |
رد على: انتقاد
تسلم اخوي ابو عيسى والله انت المبدع بهالكلام الحلو شكرا لك مليون
|
رد على: انتقاد
الله الله
صح لسانك ياعيد نص واقعي وافكار راقيه لاهنت تقبل مروري وودي |
| الساعة الآن 12:50 AM. |
Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
جميع الحقوق محفوظة لمنتديات الفطاحلة