نصف الحب في الصوره
 

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
عُقُب فرقى سنه طافت تجين بنفس هالصوره= تجيني مثلما أذكر وتسري داخل اعماقي
تجين بشوق وبلهفه واحسّك صدق مقهوره = واعضّ اصبع ندم فيني وافجّر ثورة اشواقي
واعيد الذكريات الّي بقلبي فيك محصوره = وارتّب أحلا كلماتي واجيلك مثل برّاقي
نسيت انّا توادعنا نسيت الحزن وشعوره = وجتني لحظة الفرحه ودمعي سال بحداقي
وجيتك في يدي ورده وجملة حب منثوره = كتبها القلب فغيابك ودوّنها على اوراقي
وصلت لبيتك اتغنّى بحبك واجمل عصوره = وجيتي توقفي جمبي وساقي يدق في ساقي
تذكّرت اللقا الأول واحسّ الوقت في دوره = طرى نفس الشعور الّي قبل أعوام ياساقي
مسكت ايدينك بيدّي وكنتي حيل مغروره = وفجأه اختلف حكيك وزدتي الجرح بحراقي
بكلّ برود قلتي لي اريد انساك مجبوره = وزدتي صدمتي صدمه وزدتي الهمّ واعواقي
خذيتي نصّ حبي لك قبل عامٍ طفى نوره = صبرت ورحت في حالي ونصّي ميّتٍ شاقي
وجيتي تآخذي صوره ونصف الحب فالصوره = واخذتي أغلا ماعندي من الحب الّذي باقي [/poem]

الشاعر العذب خالد بن منشار


صح لسانك على هذه الابيات الجميله

اخوك

صح لسانك ياخالد

نص راقي وفكره غير


لاهنت


تحياتي وودي

الشاعر المميز


خالد بن منشار


صح كلك

مليون

ولايكفون

تقديري

الفاضل خالد بن منشار ....................
مطربه جدا جدا جدا
وهو ما ينسحب على معظم نصوصك التي قرأتها هنا
لك الشكر على ما اتحفتنا به

يااااااااه يابو وليد ...

أطربتني والله بهذه المقطوعة الفريدة ...

صح لسانك يا بعدي ...

دمت بهذا التألق ؛؛

الشاعر / خالد بن منشار


صح لسانك صح لسانك

هنا تحفه من الشعر الراقي

هنا جمل المفرده وعذوبتها

هنا الأبداع والأمتاع

هنا شاعر متمكن ومبدع

هنا اسجل اعجابي الشديد

تقبل كل الود والتقدير

عذب عذب عذب
يااااخالد
صح لسانك وفكرك المتقد

قصيدة راااااائعه ,,,,,,,,

واحساس صادق ,,,,,,,,

صح لسانك,,,,,,,,,,,

والله يعطيك العافيه ,,,,,,,,,

خالد بن منشار

صح لسانك وبيض الله وجهك
قصيدة رائعه وجزله
لله درك من شاعر مبدع

تحياتي