لاتعتذر ماعاد للعذر داعي (بالصوت)
 

[rams]http://www.fatahilah.com/up/LaTi3tathirMafeeh.mp3[/rams]
[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
لا تعتذر ماعاد للعذر داعي = منك انتهى قلبي ولا لك بقيّه
ما كنت اظنك ماشيٍ في خداعي = حتى انكشف سترك وخبث الطويّه
ويلك من اللي للخلايق يراعي= وشلون قلبك طاوعك بالأذيّه
كنت احسبك سيفي بوقت الدفاعي= ودرعي الى من جار وقتي عليّه
واثرك بظهري خنجرٍ طول باعي = مزق حشاش القلب وارهاه كيّه
تبيعني في سوق سقط المتاعي = بيعة سروق والبضاعه رديّه
وانت الوحيد اللي تعرف بطباعي = وتدري بقلبي طيّبٍ بالسجيّه
ما اخفيت شيٍّ عنك حتى استماعي= يومن كذبت وقلت عني الوشيّه
والمشكل انك جيت تلوي ذراعي= وتنبش سنينٍ ماضياتٍ عتيّه
اللي سببها منك لو كنت واعي= وتذكر بدايتها بعقل ورويّه
يومك تبيني مثل بعض الضفاعي = اللي ولا زالوا بحالٍ رثيّه
نسيت يوم انك تجي باندفاعي = تقول احبك بين كل البريّه
يا فارس احلامي ومصدر شعاعي= نور الأمل في دنيتي والهويّه
صدقت هرجك وابتديت بضياعي= آلفّ في كونك بلا جاذبيه
حتى انكشفت وبان حبك صناعي= المصلحه ساقتك يمّ الضحيّه
مافيه داعي نفض باق الشراعي = ماني من اللي خنجره في خويّه
رح في امان الله هذا وداعي = ما ظن لي بك دامت الروح حيّه[/poem]

المشرف العام ..........
ان قلت جميله فلم آتي بجديد وان امتدحتها فكأني جالب التمر لأهل هجر
فقط أردت تسجيل حظور والحظوة بالمقعد الأول
لك تحيتي وشكري

رح في امـان الله هـذا وداعـي +++ ما ظن لي بك دامت الروح حيّـه

ايه يامالا الغنيمه
عطنا من الجديد
صح لسانك والله لايهينك

تحياتي

ياسلام ياسلام ..




هالمره غزليه يابوعبدالله ..




بس وربي أروع من الروعه ...



كلماتها جدا خفيفه على القلب .. سهلة الوصول ..




الف صح قلبك وفكرك ... لاهنت .




تحياتي وغلاااااااااااااااااااي




مبارك .،،،،،،،،،،،،،،،،،،،،،،،،،،،،،ن

كنت احسبك سيفي بوقت الدفاعي
ودرعي الى من جار وقتي عليّـه
واثرك بظهري خنجرٍ طول باعي
مزق حشاش القلب وارهـاه كيّـه


صح لسااانك

جد ابدعت بهالقصيده القويه ..

صصصصصصصصصصصح لسانك مشرفنا
قصيده رائعه بحق الكلمه00
كل الشكر لك

تحياتي ياحياتي

صدقت هرجك وابتديت بضياعـي
آلـفّ فـي كونـك بـلا جاذبيـه

[U][COLOR="Sienna"]مشرفنا ............ابو عبدالله
نص جميــــل بجمال مداخلاتك وتوجيهاتك

اقول
صح لسانك
مليوووووووووووووووون[/COLOR][/U]

نسيت يوم انك تجـي باندفاعـي
تقول احبـك بيـن كـل البريّـه
يا فارس احلامي ومصدر شعاعي
نور الأمل فـي دنيتـي والهويّـه
صدقت هرجك وابتديت بضياعـي
آلـفّ فـي كونـك بـلا جاذبيـه


صــــــــــــــــــح لســـــانك

قصيده اكثر من رائعه يعطيك العافيه يا شاعرنا المبدع دائما

تحياااتي اواحترامي لك :)

رح في امـان الله هـذا وداعـي
ما ظن لي بك دامت الروح حيّـه

استاذي .. ابوعبدالله
مبدع في كل المجالات .. قصيدة وجدانية مؤثرة .. صح لسانك يالجزل

مافيه داعي نفض باق الشراعـي


ليتك ما تهاونت معه كان وش بنشوف
الف صح لسانك
فانت متمكن