منتديات الفطاحله - من قصائد السكيبي

[COLOR="Red"][SIZE="5"]من قصائد صالح السكيبي[/SIZE][/COLOR]
الذي شارك في شاعر المليون
وخرج من المسابقه والكل يثني على قصائدة التي شارك بها
ورأي اللجنه ومنهم الدكتور غسان الحسن الذي قال بأن قصيدته التي شارك بها من أجمل ما قرأ في الشعر النبطي
ومن وجهة نظري أن خروجه يحمل أكثر من علامة إستفهام

[COLOR="Red"][SIZE="5"]من اللي غيرك[/SIZE][/COLOR]

[poem=font="Simplified Arabic,6,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ياصاحبـي دنيـاك هــذي عجيـبـه=والوقـت يـا (فهـاد) للنـاس خـداع
كيف الخوي يانـاس ينسـى صحيبـه=من عقب مـا كـان لمشاكيـه سمـاع
اليـوم صـدري ودي آشــق جيـبـه=ياكود انا القى لضيقة الصـدر مطـلاع
جتني على صـدري همـوم ٍ عصيبـه=وابحرت فيهـا دون مجـداف وشـراع
يامـن رمـى ذاك الحجـر فـي قليبـه=وحرك سكون الجّـم والنـاس هجـاع
قلت: الطفـل معقـول؟؟ ينسـى حليبـه=يمكن..ولكـن كيـف؟! يذكـر الياجـاع
واخـذت افكـر بالفـيـاض الرحيـبـه=يمكن بعد تنسـى وفـا الغيـم للقـاع!!
يـا وقتـنـا والله نـاسـك غريـبـه=هذي صحيح وجيههـم اوهـي قنـاع!!
اشـوف نـاس ٍ مـن بعضهـا قريبـه=واشـوف نـاس ٍ قربهـم كـنـه وداع
واليـوم يا(فهـاد) بالنـفـس ريـبـه=يا صاحـب ٍ كنـت بيمينـه لـه ذراع؟!
قل لي: وخبر صاحبـك ويـش عيبـه؟؟=او عيبـه: انـه للـوفـا دوم تـبـاع
وقل لي : من اللي غيّرك لأجـل اجيبـه=واعلمه مـن كـان يشـري وينبـاع!!
ان كنـت مـا تـدري فهـذي مصيبـه= وان كنت تدري شف مسافات الاوجاع...
ترى الخـوي وقـت الشدايـد يجيبـه=والا الرخـا كـل ٍ يجـي فيـه فــزاع
نسيت عشـرة صاحـب ٍ تلتجـي بـه=ونسيـت يـوم نقسّـم الهـم بالصـاع!
اي والله اشره والعتـب ويـش ابيبـه=دام العتب مثل الصدى وسط الاسمـاع
واحـذر تـرى دنيـاك هـذي عجيبـه= ووقتك ترى يا صاحبـي دوم خـداع...[/poem]

[SIZE="5"][COLOR="Red"]شتات الجرح[/COLOR][/SIZE]

[poem=font="Simplified Arabic,6,indigo,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
هذا المدى طال وسنين الوصل ممحلـه=يبست مواعيدواخّضرت فروع النـوى
طلح الشقا ياشعيب الهـم ليـه اسئلـه=دام الشقا في غصونه مـورقٍ مـاذوى
صحيح دمعي ونزف الجرح قـد سيلـه= البارحه سال قلت: اشوى غديه ارتوى
وشلون يروى؟وسيل العـام مـابلله!!=وش عاد لو سال باكر دام سيله سوى
تعبت اشوف(النهار)...الليل يتسربلـه=والنوم غادي وذيبٍ بالمحانـي عـوى
وايدينـي اللـي بقـل الحيلـه مكبلـه=ان قلت:هانت يرد الجرح:مالك لـوى!!
حزن الفرح باد ثوب الهـم مـا بدلـه=مليت جمر ٍ طويل الصبر منه اكتـوى
كيف؟؟ اجمع الشوق بغيابه وألم الولـه=تعبت اجّمع شتات الجرح وين الدواء؟؟
نخيت حظي بغيت الطيـب والمرجلـه=أثره ردي ٍ بخطواتـه تعثر..ثـوى!!
الله لا يرحـم فـراقـه ولا يــحلله!=لامن طرالي يشق العين ملـح الجـوى
واللي عطاه الدلال وصـار قبلـة هلـه= انه نبت في خفوقي من عروقـي روى
حدثت قلبي وقلـت: العلـم قال:ازهلـه=عز الله انه بحبه يـوم شافـه نـوى
والله لاحبه واضم الجرح واستقبلـه=مدام روحي تشمه فـي حياتـي هـوى[/poem]

بواسطة سناعيس