منتديات الفطاحله - من ثماره قطفنا زهر نادي وراح

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - من ثماره قطفنا زهر نادي وراح (http://ftahilah.com/showthread.php?t=14955)

من ثماره قطفنا زهر نادي وراح

[poem=font="Simplified Arabic,5,indigo,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
مارد الشعر مايرحم كبير وصغير = من تهاون في امواجه تردى وطاح
مايتوب الذي يلمس بحور الغزير = لو يصل عمره التسعين غنى وصاح
يبدع الهيض للجلاس من غير زير= كيف يسلى المشاعر من يذوق القراح
ماسلى حبها عنتر وقيس وزهير = واذكر النابغه من قبل بالهيض باح
والفرزدق يساجل بالقوافي جرير = صطروا المجد والحرف المتيم رماح
واذكر عبدالله الفيصل وشوقي الامير= واسمعوا خالد الفيصل يطيب الصباح
ناضروا للزلامي واسمعوا بن طوير= وابن مصلح وماننساك يابو فلاح
والعتيبي خلف لو جيت عنده عُصيّر = عاشق العيس بالجزلات يشجي المراح
والحبابي ومستور العصيمي خبير = والعطاوي وبن ثايب شديد المزاح
اعذروني في الاسماء عددها كثير = اهل نظم الجزاله منهم الطيب فاح
اشهد ان القوافي عشقها مستطير = يسكن الروح بين افراحها والجراح
قلت باترك بناها وادرس العلم خير = واطلب الله يصبرني فهذا كفاح
عشت حيران واشاهد عيون الفقير = واتصبر وحملي مايشيله صلاح
قلت باخفي المشاعر جعل ماطار طير=واهجر القافيه واسلى بما في الصحاح
واثرني في هواها صرت مغرم كسير=كل ماغبت عنها ضاق صدري وناح
حلّ بالروح من هجر القوافي زفير = واصبح الفكر والهاجوس ساحة صباح
يضوي الشقر روعه والخبيتي ينير = والقوافي لها بالروح سحرٍ مباح
مارد الشعر موجاته تعم الأثير = من ثماره قطفنا زهر وادي وراح
قبل شهر الصيام اهديك منها عبير= واطلب الله يبلغنا الشهر والصلاح[/poem]