وصندوق صدري ملّ كثر اقتراحاتك
 

[poem=font=",6,,normal,normal" bkcolor="transparent" bkimage="" border="none,4," type=1 line=0 align=center use=ex num="0,black""]
سواقي شعر تجري وتسقط غصون التوت=كأنها قوارب حب ترسم مساحاتك
مُدام المحابر يشربك والشعر حانوت=إلى حد ما يثمل جديدي بصفحاتك
نوارس على مينا قديم التقمه الحوت=قوارب نجاتي طافيه بعد روحاتك
ومن باب قلت اصمد صمود الفقر للقوت=ومن باب قلت ارحل واخاف اكتساحاتك
تناقض غريب وفلسفة حبري المنحوت=تلجم حروفي قبل تضبح بساحاتك
حبيبي أتمتمها حروفك واجيب ابيوت=وصندوق صدري مل كثر اقتراحاتك
هنا جرّت ام سالم لحنها وانا مبهوت=وهنا هزّت شعوري عناقيد واحاتك
عروقي كما سدره يبس جذعها المفتوت=عصافيرها ما بين حزني وصيحاتك
خريف ٍعلى غصون الشجر والهوى مسموت=يحّطب وانا بردان وآشب أحاتك
تناسيت برد الليل وارمي عليك الكوت=وفنجال سهرتنا وضحكة صباحاتك
قطفت الورود ومثل مقطف امل ويموت=احبك .. تحبني ... لين كملت لوحاتك
عذرت الغياب اللي يجاوب صداه الصوت=تقطع حبل صوتي على حر بحاتك
وعشنا على قشرة امل والغلا مثبوت=يطيح المسا وراحات يدي براحاتك
وتسكب رحيق الريق في كاسة الياقوت=وتغزل دفا صوتك على نول كحاتك
متى شمعة التأبين والحزن والتابوت=توقّف ثلاثتهن على دورة ارحاتك
اهادن عيونك قبل تبرز سيوف الموت=واعرفك اذا عزمت تفتح فتوحاتك
تأففت لرموشك وهي ساجده للنوت=صوامع محاجرها ومحراب لمحاتك
آمانتك امانه لا تجيك الفرص وتفوت=دخيلك تجاوبني وش اكبر طموحاتك
مدام الحكي فضه يكون الذهب بسكوت=ومدام الزهر بتلات وشلون نفحاتك[/poem]

رد: وصندوق صدري ملّ كثر اقتراحاتك
 

ماشاء الله
كل الروعة والابداع
تسلم ياعناد
تحياتي لكم

رد: وصندوق صدري ملّ كثر اقتراحاتك
 

نعم ماشاء الله

قافية ولا اجود

وقصيدة ولا احلا

صح لسانك ياعناد مليووووون ولا يسدووووووون

يعطيك العافية

دمت بخير

رد: وصندوق صدري ملّ كثر اقتراحاتك
 

منيع تسلم طال عمرك على المرور ولا هنت وحياك الله

رد: وصندوق صدري ملّ كثر اقتراحاتك
 

فارس القوافي

ما على اطلالتك المشرقه زود

دمتم سالمين يا بعد حي والف شكرا على المرور اللطيف

رد: وصندوق صدري ملّ كثر اقتراحاتك
 

صح السانك يا اخ عناد

نص عذب وجزل ونطمع بالمزيد

دمت بخير ولا هنت

رد: وصندوق صدري ملّ كثر اقتراحاتك
 

عنــاد الرواد
ياسلام ياسلام
صح لسانك وفكرك وقلبك
قصيده في غاية والروعـه والجمـال
ابدعت في قافهـا وسبكهـا وحبكهـا
لله درك
تقبلني وتقبل مروري المتواضع لاهنت
ودي وتقديري

رد: وصندوق صدري ملّ كثر اقتراحاتك
 

[font=comic sans ms][size=6][color=navy]جزلة يا عناد جزله بالحيل[/color][/size][/font]
[font=comic sans ms][size=6][color=navy][/color][/size][/font]
[font=comic sans ms][size=6][color=navy] صح لسانك مليوون ولا يكفون[/color][/size][/font]
[font=comic sans ms][size=6][color=navy][/color][/size][/font]
[font=comic sans ms][size=6][color=navy]ابدعت يالشاعر ولاهنت[/color][/size][/font]
[font=comic sans ms][size=6][color=navy][/color][/size][/font]
[font=comic sans ms][size=6][color=navy]**********[/color][/size][/font]

رد: وصندوق صدري ملّ كثر اقتراحاتك
 

عبد الله الشويمان

لا هنت وافي جعل عمرك طويل

رد: وصندوق صدري ملّ كثر اقتراحاتك
 

عبد الله الوقيدي

لا هنت وما عليك زود

دمتم سالمين يا بعد حي

ومشكور على حسن الثنا والاشاده