منتديات الفطاحله - \-...سيرة الاحباب...-/ .. *صوتية* ..

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - \-...سيرة الاحباب...-/ .. *صوتية* .. (http://ftahilah.com/showthread.php?t=25304)

\-...سيرة الاحباب...-/ .. *صوتية* ..

[align=center][media]http://almobile.maktoob.com/org/uploads/e16cc18f21.mp3[/media][/align]

[size=4]
[color=#4169E1]
[align=center]^ ^ ^ ^ ^
^ ^ ^^ ^^ ^^

في عالم الحب المجنون
يستحوذك الغرور والطمع
فتريد المزيد والمزيد

^ ^ ^ ^ ^
^ ^ ^^ ^^ ^^[/align][/color][/size]

[color=#000080][size=5][align=center]\-...سيرة الاحباب...-/[/align][/size][/color]

[poem=font="Arabic Transparent,6,darkblue,normal,normal" bkcolor="transparent" bkimage="../backgrounds/8.gif" border="solid,4,darkblue" type=2 line=1 align=center use=ex num="0,black"]
طرت لي سيرة الاحباب ثم خطت عناويني=وشفت الحب يجبرني واخطه قصة" دانه
واخطك يا حبيبة شاعري والهرج ماليني=مهو هرج" كذا صدفة شموخ" طال بنيانه
لزوم الهرج ياصل لك كلام" بيني وبيني=ابي حكيي وابي صمتك يعم بقافية آنه
توالت قصة وقصة بها العشاق تغريني=الين قليبي المرهف مضى في درب وجدانه
قدرنا بالهوى واحد مداهيل المحبيني=ولكن فرقنا واجد وكل انسان وانسانه
أحد فارق حبيبه بين وردات البساتيني=واحد لاقاه في نار" تفجر سيل بركانه
واحد عادا مواليفه سبب عذال" وعيني=واحد غنى مواويله على قيثارة الحانه
وانا مثلي مثل غيري عشقتك عشق معميني=اشوف لزلتك اسباب والابصار عميانه
وانا لبيت لك يوم" سمعت انك تناديني=جمحت لصرختك واسرجت من قلبي لك حصانه
توقعتك تعشقيني من احزاني تشيليني=شوية عاطفة قلتي خلاص اليوم تعبانه
وانا معرف ارحمني وانا ربي معنيني=حزينه من سنة بيك على فرقاه ندمانه
عسى الله يغفر ذنوبه ويجمع دينك بديني=ولكن قبل ذا كله ابي للحق برهانه
ابي عشق البشر كله يشكل وجهك بعيني=وابي رسم القلوب يكون بأجمل وأحمر الوانه
ابي حب" يغيرني يبعثر زيني بشيني=وابي حرف" يصادقني ويملى فيني الخانه
يفارقني يعاشرني يضايقني يواسيني=يفرغني من احزاني ويملى فيني احزانه
واذوق الحزن من كاسك واتوقه لين يرويني=واذا باقي منه رشفه واشوفك حيل ضميانه
والاحظ شفتك تهمس تقول ارجوك اسقيني=اكبه مع مهب الريح لين تفيض غدرانه
مهو بخل" حشا لله ولكن منية سنيني=غلا مجنون يجمعنا ونسبح وسط وديانه
ولو حتى جفيتيني نسيتيني طعنتيني=تجيني دامعة عينك من الصدمات مليانه
واشمك وردة" فاحت من اوساط الملاييني=واضمك حيل في صدري الين تجمّر اركانه
واشوف الحسن بعيونك واقول اشلون تبكيني=واشوف الحزن بعيونك واقول الله حليانه
وننسى ما مضى كله مداهيلك عناويني=وابدل عينك بعيني واعيد الحب لازمانه
عشان اشوف من عينك عواذل ماضي سنيني=ولكن خايف تشوفي غريب" فاقد اوطانه
أنا ماهوب ذا نظمي ولكنك جبرتيني=جبرتي شاعري يكتب قصيدة توصف اشجانه
توالت سيرة الاحباب سجان ومساجيني=وانا اول واحد" فيهم حكم في قلب سجانه[/poem]

[color=#144273]تقبلوا تحيات اخوكم الشاعر: محمد عبدالعزيز الغنام.[/color]