منتديات الفطاحله - سلام يانجد العرب والناس معطى ومحروم ..!!

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - سلام يانجد العرب والناس معطى ومحروم ..!! (http://ftahilah.com/showthread.php?t=23003)

سلام يانجد العرب والناس معطى ومحروم ..!!

[color=#FF0000]من باب التواصل يالفطاحل أضعها

أمامكم

آملاً

في أن تنال الرضى

,,
,[/color]

[poem=font="simplified arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا ضاق صدري وابتدا المشوار مع ركب الهموم=والناس كل"ن" في حواله منشغل ما لد لي
يطري علي الموتر اللي ما توخر فاللزوم=الموتر اللي فالخليج اليعربي ماله حلي
اللي ليا مني زهمته قال فالدرب مخدوم=جر القوافي فوق متني يالمقاطي وازهلي
واشر تبا السيل المسمى ..أو تبا خط الجموم=ما فيه درب يالمقاطي فالوطن يصعب علي
ودقيت سلفه وابتدى المسرى تحت لمع النجوم=السيل قدمي والبلد قافيه ومودع هلي
ومحدن معي في طرقتي كود الطواري والعزوم=والسبحه اللي لا توامت كل غيمٍ ينجلي
والديره اللي صوبها يممت مرباع القروم=نجد العذيه والحشا ..يطبخ مراده ويغلي
سلام يا نجد العرب والناس معطى ومحروم=وأحدن يقنع بالجمل واحدن يقنع بالطلي
وأنا بعد حمد الولي قسمي من خيار القسوم=ورد العدود الراويه نعمه لها حمد الولي
أسرجت خيل المرجله منذ الصغر والعز دوم=أما رقى فيه الفتى ولا بحيله ينزلي
ولا هوب عيب إن الفتى لا طاح في دربه يقوم=العيب والله لا بغا الوقفه تعثر فالخلي
ولو كل عيب فالزمن تقدر تغطيه الهدوم=عيب اللحى ما ينتغطى باللباس المخملي
وسلام يانجد العرب واليوم في صدري علوم=ماحت على قلب العنا وسط الحشا ميح الدلي
والعلم لا منه بدا من صاحبه قيل محشوم=إن جمله ولا ترى ما قيل عنه مجملي..!!
وأنا ليا مني نويت أبدي بها بين القروم=أحسب مخارج كلمتي قدام لأحسب مدخلي
الوقت قاسي والزمن ساوى القروم مع الرخوم=واللي علا به طمنه ,,واللي طمن به معتلي
حتى الصبي وهو الصبي عقب العصا شال الختوم=وليا سألته قال ورثٍ عن أبي لا تسألي
وإن شاف عمه ينتفخ علباه من كثر السموم=ويموت سمه ما تحرك فالعلابي ممتلي

الله وأكبر يالزمان اللي عن الطيب تشوم=فيك السعف ياقف مواقف سيف أبو طالب علي
شي عجيب ولا يصدق فالحكاوي والحلوم=ولا له مدى فالمذهبين الشافعي والحنبلي
مار أسترح ياهاجسي والله يبارك فالوسوم=ابها نميز في حلال الهاشمي والعبدلي
صحيح مالي فالقضيه لا خصوص ولا عموم=ما جيت أدور ناقتي ما جيت أدور لجملي
مار الحقيقه طيرها لا من بدا فوقي يحوم=رمية هدف من بندقي لا من بدا ويحولي
ويالله يارب السما يالحي يالرب الرحوم=تقلع من ضروس الليالي كل ضرس يرقلي[/poem]