منتديات الفطاحله - بيني وبين اخي المرحوم سالم بن حمد

قمت بوضع هذه الابيات في منتدى اخر وقد تفضل مشكورا بالرد عليها اخي الشاعر سالم بن حمد رحمة الله

وابياتي هي

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
صديقهـم وقـت السعـة بــس لاغـيـر=ولامن دروبي صرت محتـاج صـدو

ربـع لهـم فـي ماقـف الضيـق تبريـر=تخـسـا الحـاهـم ويــن راحـــو وردو

مالـي بهـم القـى العـوض بالمناعـيـر=الـلـي خـويـهـم عـنــه مـاســاع لـــدو

ماهـم مـن اللـي للـورى مشيهـم طيـر=قــدام وجـهـك ويـــن مـاقـلـت ســـدو

يمـنـاك لاضـاقـت علـيـك الطوابـيـر=ولاتـأزم المـوقـف تــرى فـيـه جــدو

مايخلـقـون اعــذار مـامـن عـواثـيـر=حاجـتـك قـبـل الـلـي لـهــم دوم بـــدو

تعـرف بهـم كـل المعـانـي المسافـيـر=وصعـب الامـور الكايـدة لـك تـحـدو

ان غيـرت دنيـاك بـعـض الجماهـيـر=ضـــد الـلـيـالـي عــزوتــي مــاتــردو

يقـولـه الـلـي فــاق مــن بـعـد تخـديـر=وصافح كفوف اهل الوفـا يـوم مـدو

اقطـع رفـيـق عشـرتـه مابـهـا خـيـر=يخـذلـك يـــوم الـعــرب قـيــل شـــدو

عنـدك الا احتاجـك كثيـر المشاويـر=ويخـطـر عـلـى بـالـك منـهـم لاعــدو

اخـو طـمـع جابـتـه عــوج المقـاديـر=لاحـلــل الله ايـــام ســامــو وحــــدو

على ابيض القرطاس حررت تقرير=عــكــس الــعــواذل مـايـبـونــة وودو

جــرت قـلـم فـيـهـا مـعـانـي وتعـبـيـر=توضـيـح لـلـي سـلـم الاجــواد هـــدو[/poem]

وهذا رد اخي سالم بن حمد رحمة الله

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا بو حمد هذا من الوقت تقصير = والا ترى ربعك حشا ما تردّوا

لاغبّرت واحتاس فيها العوافير = ظفران لا جا حزة الجد جدّوا

إن هبّ ريح الشر صاروا أعاصير = وان جا هبوب الخير زادوا وعدّوا

صِلب العزايم ماتهاب المحاذير = يا ما لشدّات النوايب تحدّوا

تلقى لهم في الضيق صرفة وتدبير = وان غاب عنك الغير هم لك تبدّوا

تعلى سجاياهم على كل تقدير = يرخون للمرخي واذا شدّ شدّوا

يجلون همّك لاغدت بك تفاكير = ربعٍ عن الشدّات ما يوم صدوا[/poem]

وهذا ردي الاخر عليه

[poem=font=",6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black""]
اهلا هلا بمسخر القـاف تسخيـر=عزي وتـاج راسـي ولاعنـه بـدو

سالم سلمت مـن العنـا والعواثيـر=(سبعك)لفتنـي وبيـح القلـب سـدو

يابوهـلا كـم واحــد يــورد البـيـر=ولايسقي الظميان من ورد وردو

واناترى استثني حبيب الجماهير=اللـي رصـيـده بالـكـرم زاد حــدو

اللي على ربعـه كثيـر المخاسيـر=متواضـع لاصغـر الــلاش خــدو

قلته وبي عـلام منشـي المساييـر=سحب ينوض البرق فيها ورعدو

اني اقدر راعي الصيـت والغيـر=ولاالــردي معـلـوم ملـعـون جــدو [/poem]

وهذا رد اخر من اخي سالم بن حمد رحمة الله

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا بو حمد يا بعد كل المذاخير = شرواك بحرٍ ما حدٍ قاس حدّو

حتى البحر يا صاح يحتاج لبحير = وانت بحر زاخر بجزرُه ومدّو

قلّب صحايف دنيتك بالمجاهير = واللي من رْفاق الرّخا لاتعدّو

الناس فيهم عنصر الشر والخير = واللاش تلقى مْن المناعير ضدّو

وإن كان ما عندك رِشا جنّب البير = وبابٍ تجي لك منّه الرّيح سدّو

من مد يسرى الشر يجزى بتكسير = ومن مد يمنى الخير ربي يمدّو

ومن حاس صافيها لقى ماه تكدير = ويهنا بعذب الماي من كان قدّو

نلهث ورا الدنيا وحنّا نواطير = واللي تحوشه اليوم بكره تهدّو

لا ينشغل بالك بكثر التفاكير = إدفن قليب الماي ويقلّ وردُو

وصلاة ربّي عدّ ما غرّد الطير = على النبي وساير الآل بعدُو[/poem]

وهذا كذالك رد مني وقد تم تغيير القافيه بعد ان شاب القاف

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
فــي نـفـس يـعـقـوب كـثـيـر وعـيــا=يفصح بهامير ارتجل بضع كلمـات

حــي الـجـواب الـلـي لـفـانـي هـنـيـا=مـن شاعـر مايبـدع الا الجـزيـلات

الـقــاف شـــاب ومطـلـبـي مـاتـهـيـا=لاقلـت بخـتـم نــط رجــل المهـمـات

اعـنـي ابومحـسـن كـريــم المـحـيـا=اللي يقول احسنت وايضا بعد هات

يارجـل مـاودك علـى الــراس كـيـا=ولا علـى خـدك تجـي كـم سطـرات

لالا تـــصـــدق مـانـويــتــك بــنــيــا=(الحـب يقتل)وايضاابليـس مـامـات

نـرجـع لـمـن صيـتـه تـعـلا الـثـريـا=اخــوي كـسـاب الثـنـا والجـمـالات

نـعــم نـــاس الـيــوم مـاهــي سـويــا=وكـل بفعـلـه لــه محـاسـن وسـيـات

هـــذاو بـعــد تـفـكـيـر مــنــي مـلـيــا=مايرضي المخلوق مخلـوق هيهـات [/poem]

وهذا رد اخي سالم بم حمد رحمة الله

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
منيع , يا مرحب هلا بك وحيّا = ولا هان بو محسن عريب السلالات

إن كان في نفسك من القول شيّا = إفصح به ولا ترتجل بضع كلمات

وان شاب قافك والطلب ما تهيّا = ما شاب راسك والعمر فيه رجوات

لا يعتريك الياس ما دمت حيّا = الياس يدعي الحي ما بين الاموات

لاشكّ خلق الله ماهم سويّا = والزّين ما يوسم جبينه بْشارات

لكن تخيّر لك سليم الطّويّا = اللي تسرك صحبته في الملمّات

والاّ لبيبٍ ما نطر قول هيّا = يعرف مرامك , وش تبي منه بسكات

وان كان لا هذا ولا ذا تهيّا = ولقيت لك من دون قصدك صعوبات

عوّد وخذ من ذات نفسك خويّا = لا يقول لك عطني ولا تقول له هات [/poem]

وهذا رد مني على ابيات اخي

[poem=font="simplified arabic,4,black,normal,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قلـت الصحيـح ولاحـصـل فـيـك غـيـا=وفتحـت فـي فـكـري قـديـم السـجـلات

بـقــعــا يــاولـــد ابـــــوي والله بــلــيــا=وخــوك منـهـا شــاف غـــم وويـــلات

خـــذ الامـــور الـواضـحــات الـجـلـيـا=ماجيت ادور بالعـرب بعـض شرهـات

لاشـــــك بـالـخـافــق امـــــور كـمــيــا=نبـدي بعضهـا لاحصـل لــي مـجـالات

ولاطـويــت ارشـــاي يـاخــوي طــيــا=والنفس ماراحت ورى الغير حسرات

لاكـن نفضفـض لاحـصـل مـنـك شـيـا=ونـدلــه الـخـاطـر بتسـطـيـر الابـيــات

حـيـثـك وفـــي وفـيــك لـــي دوم فــيــا=وايـضـا لبومحـسـن اسـجــل تـحـيـات

وتمـضـي الحـيـاة امــا بـكــذا اوكـذيــا=ولابـدمــن ثنـتـيـن حـــزن ومــســرات

ومــن دم ابـــن يـعـقـوب ذيـبــي بـريــا=رضـيـت بالـواقـع وخــل الــذي فـــات[/poem]

وسلامتكم