منتديات الفطاحله - (صدى لصوت أخي الشاعر القدير ابن خزيّم )

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - (صدى لصوت أخي الشاعر القدير ابن خزيّم ) (http://ftahilah.com/showthread.php?t=19260)

(صدى لصوت أخي الشاعر القدير ابن خزيّم )

أحبتي هذا صدى لصوت أخي الشاعر القدير الاستاذ / عبدالكريم بن خزيم
الذي شرفني بتوجية مشاركته لي عبر هذا الرابط 0

[url]http://www.fatahilah.com/showthread.php?t=19211[/url]

[poem=font="Simplified Arabic,5,red,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
حي الذي يبدع على كل طاروق = ويشكي لبن ماضي حجيم الفراقي
الشاعر اللي هده الحب والشوق = باسباب غــِروٍ فـرقـته ما تطاقي
يقول ساكن بالحنايا وبالموق = والله مابنسـاه مادمت باقي
وآنا اقول اصبر عسى خلك يروق = ويِحن لأيام الوصل والتلاقي
ماظنتي هذا تجاهل ولاعقوق = منه 0 ولاهو مثل ما انت هاقي
يمكن له ظروفٍ وهو بعد مخنوق = شفقان يرجوا شوفتك باشتياقي
صابر وقلبه من لظى الشوق محروق = متعذبٍ في البعد عنّك وشاقي
وامثال ماترجوا وصاله لك يتوق = هو وين مثلك يالسنافي يلاقي
دامه يحب مايستمع هرج مطفوق = مادام عهدك له شديد الوثاقي
حتى ولو في خاطره شيٍ يفوق = ويقول حبك ساكنٍ في اعماقي
باكر لشمس حبيّبك يطلع شروق = وتعيش باذن الله معه في وفاقي
محدٍ يلومك دام لك نبض وعروق = وانك شفوق لشوفته والعناقي
ويابن خزيم دمت يالشاعر الذوق = من ماعرفتك وانت مبدع وراقي

***********
مبروك بن سالم بن ماضي[/poem]