منتديات الفطاحله - حبنا يا نور عيني لاتطيع

منتديات الفطاحله (http://ftahilah.com/index.php)

- همس القوافي للشعر النبطي (http://ftahilah.com/forumdisplay.php?f=10)

- - حبنا يا نور عيني لاتطيع (http://ftahilah.com/showthread.php?t=26465)

حبنا يا نور عيني لاتطيع

كتبت هذه القصيدة مجاراة لقصيدة الشاعر الكريم ( ساري ) وهي قصيدة ( نور عيني ) التي يقول فيها :

[poem=font="Simplified Arabic,6,darkred,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حبنا يا نـور عينـي لا يضيـع=احفظه حتى يلـم ابنـا اجتمـاع
اشتري حبـك ولاكـن ماتبيـع=كيف تنهي عشرة العمر بضيـاع
ياخلي القلب قلبـي لـك وديـع=آمر امرك ياهوى بالـي يطـاع
عينك بنظراتهـا الخجـلا تبيـع=ماتخفى في اللقا وعنـد الـوداع
عجل بوصلٍ على قلبي سريـع=وارفع لحبي مدى عمرك شـراع
والعجب من صورة الحسن البديع=خدك الصافي تقل برق الشعـاع [/poem]

وكانت مجاراتي لها بهذه القصيدة التي كان لي شرف إدراج اخي العزيز والشاعر ابراهيم بن حمد ( منيع ) من ضمن الطرح التخيلي في القصيدة أرجو ان تنال على جزء من استحسانكم

[poem=font="Simplified Arabic,6,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
حبنا يـا نـور عينـي لا تطيـع=اهجره من غيـر تلويـح و وداع
دام فينا الوصل مذبـوحٍ رضيـع=اقطع حبال الهوى وفض النـزاع
مايفيد الصبر باحسـاسٍ وجيـع=ولا تفيد العبرة من غيـر اقتنـاع
الخفوق اللي على خبرك ضليـع=في دروب الحب له خبرة و بـاع
بعد بُعدك طاح من همه صريـع=والهوى العذري رخص دمه و باع
صحت فزعة ياهل الشان الرفيـع=ماستجاب الصرختي حتى الرعاع
لين ما اقبل قايد الحـرف البديـع=من شعاع الشمس للخفَـاق سـاع
قال من لاياصلك ما هـو ربيـع=و كم مغرم في مدى الأوهام ضاع
لا تغرك نظـرة الحمـل الوديـع=من دواهيها يروح الذيـب قـاع
دوس قلبك بس سـرك لا تذيـع=وحد شرعي للجفا الفيـن صـاع
قلت ودي ميـر مانـي مستطيـع=انسى من حبه نخر حتى النخـاع
شق صدري وانت تدري يا منيـع=ان مافي القلـب خانـة للخـداع
قصتي يرويها لك طـرفٍ دميـع=له ثلاث شهور عايش في صراع
كلما قلت الهجـر خـان الوسيـع=والقلوب الخضرا تعشق باندفـاع
حب أعمـى للنصايـح مايطيـع=مركبه ساري بلا صاري وشراع
ينخدع يسكت يداري بـلا شفيـع=في رجا يتغيـر الحـال ويـراع
يا خلي الهم انـا لهمـي رجيـع=شايل جروحي على متني متـاع
مابقى لورود قلبـي مـن ربيـع=جفت الدمعـات وانكـف اليـراع
ليت هذا الحـب يذبحنـا جميـع=دام مافي العمر فرصة لاجتمـاع [/poem]