شبيب بن جعيلان الدقباسي
 

شبيب جعيلان الدقباسي الرشيدي ولد سنة 1929م في الكويت

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سبت لطيف الروح قصوا معاشي=والتالية فنشت من سبتله
ابو ثمانٍ مثل حب القماشي=ماقص من خرجيتي فدوتله
مابي عملكم ريحوا منه جاشي=واخذوا معاشي ياهل الشغل كله
مزهبن شغلي وطاوي فراشي =وهذي سوات اللي نوى شوف خله
من سار فالدنيا مع الناس عاشي=كل ورزقه ياصله في محله
الرزق عند الله منشي الرشاشي=اخير من قصر القصا والممله
قصرٍ يمينه مع يساره عشاشي=منه يشيب الرجل قدام حله
نبي نخاوي مبعدين المعاشي=خدٍ جماعتنا تجيه وتدله
واشوف من قلبه صخيفٍ هشاشي=اللي بقلبي ثابتٍ منزلـله
مبيّنٍ حبه ولابه خشاشي=حبه علي وضح النقا منصح له
حليتها ريميةٍ يابو ناشي=القايده لصيد دقه وجله
هجت تنوش القاع قدمه نواشي=والصيد كنه من وراها تجله
اللي زها خده دقوق النقاشي=ياحلو دقاتٍ حدر مبسمله
بالهجس ولا منه ماشفت اناشي=ابو جديلٍ فوق الامتان هله
خده كما برقٍ سرى له تواشي = في ليلة الغدرا نشت مزنتله
يفرح بها راعي القطيع العطاشي=وقف يخايها وهي مستهله
اقولها والصبح ياسعود ماشي=وهذي علوم اللي نوى شوف خله[/poem]

رد: شبيب بن جعيلان الدقباسي
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بنت انا ديّنت واطلبك السموحه=سامحيني وادمحي ماجاك مني

هالسنه صاحبك بلشانٍ بروحه=يطرد العيشه ولاهو بمتهني

الغلا في مامضى زلت مزوحه=السنين اللي مضت مايرجعني

ياعيون اللي رمى الصقار لوحه=العصر يوم الطيور يطلعني

قلبي اللي منك ماتبرى جروحه=كل يومٍ بالضمير يجددني

لانحرتك خاطري زادت فروحه=وان تفارقنا عيوني يسهرني

اشهد انك بالغلا سوحه وروحه=مير عسرات الليالي يخلفني

بالمراجل دايمٍ نفسي طموحه=عايشٍ بالمرجله من صغر سني

المراجل دربها صعبٍ وشوحه=اتعبن غيري وانا كد تعبني[/poem]

رد: شبيب بن جعيلان الدقباسي
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
هاض الضمير وقلت بعض التعابير=من هاجس ٍ زين المثايل قصدهـا

ماني موجه ماطرالي على الغيـر=وربعي نهار الضيق كلن حمدهـا

لي لابةٍ تبيـن وقـت المعاسيـر=مثل الحرار اللي ينومس هددهـا

الكل منهم مايجـي منـه تقصيـر=عزالجماعه في اللـزوم وسندهـا

بني رشيـد منزحيـن الطوابيـر=اللابـه اللـي ماتخـون بعهدهـا

ريف الطروش ليا لفتهم خطاطيـر=وعز الرفيق وعز منـو قصدهـا

ربعي نهار الضيق ربعن مناعيـر=كم فزعةٍ بالضيـق بيّـن سعدهـا

هل فزعةٍ تبعـد جميـع التفاكيـر=ولاتلحق القلب الحسوفـه بعدهـا

حنا مع اهل الدرب مانخلف السير=لونجتهد تبقـا الصداقـه وحدهـا

نذكر هل المعروف والطيب بالخير=وقفة هل المعروف محدن جحدهـا

وربعي ارجالن ماتجيب المعاذيـر=في عزم نفسـن ماتـردا جهدهـا

ومن قام فالماجوب من غير تقصير=لاينثني يـوم الطويلـه صعدهـا

وان حالت الاسباب هي والمقادير=محدن يتـل اللـي يبيهـا بيدهـا

والعاقل اللي ياخذ الشور ويشيـر=خـلا سبيـل المقفيـه ماطردهـا

كلـن يبـي والله عليـه التدابيـر=سبحان ربٍ كـل خلقـه رصدهـا

ومن عاش بالدنيا يعرف المعابيـر=ويجهل بها كان العرب مانشدهـا

تقبـل لياليهـا ونوبـن مدابـيـر=ومن خالف الايـام نفسـه قردهـا

دنياه مادامـت لناسـن مشاهيـر=كلن يمـوت وغايتـه ماوجدهـا

وحنا بنعمـه والدعـاوي تياسيـر=بلادنـا كلـن عليـنـا حسـدهـا

الشعب عايش في معـزه وتقديـر=وكلن بنـوْ الخيـر نـاره وقدهـا

وعلى العدود الناس ورد ومصادير=بأمن وسلامه من بغاهـا وردهـا

بلادنـا حنـا عليهـا نواطـيـر=وفيها نضد اللـي حبالـه عقدهـا

يالله عسا تدوم مـن غيـر تغييـر=ولعلهـا فـي زود محـدن فقدهـا

وعلى النبي عداد ماغـرد الطيـر=صلاة ربٍ كـل مسلـم سجدهـا[/poem]

رد: شبيب بن جعيلان الدقباسي
 

محاوره جرت بين الشاعرين شبيب بن جعيلان الدقباسي الرشيدي
ومستور بن تركي العصيمي العتيبي .

شبيب
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا سلام علي راعـي الوطـن واهـل الزيـاره=عد رش الوبل فوق القـاع وعشـوب النباتـي
يا هبـوب النـود هبـي واقلعـي عنـا غبـاره=لين يصفي الجو وانشوف النجـوم اللامعاتـي[/poem]

مستور
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مرحبـا ترحيبـة حلـوه ولا فيـهـا مــرارة=تشرح الهاجوس واحلى من حليب المبهلاتـي
خلهـا بالرمـز وان الحـر تكفيـه الاشــاره=من معه جنحان طار مع الطيـور الطايراتـي[/poem]

شبيب
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
احمد الله كل جـار قـام ياصـل عنـد جـاره=من علاوي نجد يمشي حر الي شـط الفراتـي
بالامـان وبالكمـال الكـل يمشـي باختـيـاره=والحـلال مكيـف فـوق العـدود وبالفلاتـي [/poem]

مستور
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
بشروني يـا شبيـب وعنـك سلمـت البشـاره=والبـقـا لله والا عـلـي الديـنـا حـلاتـي
طب في سوق الشرى والبيع واحـذر للخسـاره=والخسـاره مانبيهـا والسنـيـن مطـولاتـي[/poem]

شبيب
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
وانت والله يا العصيمي مثـل در فـي غضـاره=ماتبـذ النفـس وتـوط النفـوس الطاغياتـي
والخسـاره لا توصـي باخـص درب التجـاره=قد شريت وبعت بالاسـواق مـا ضيـع حياتـي[/poem]

مستور
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مـا تغيرنـا ولا شفنـا مـن الدنـيـا غـيـاره=والنفوس اخـوات وان الباقيـات الصالحاتـي
مير بعض الناس دربه فيـه غـش وفيـه بـاره=جامـع الثنتيـن والثنتيـن فيهـن افتخـاتـي[/poem]

شبيب
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا العصيمي شب نـارك صاحبـك ولـع بنـاره=مانبي هاللون مدح ولا يصـح النـا السكاتـي
كـان سالـم دق قلبـه منـك خلـه حـول داره=فيه غيره يا ابو تركـي ينطحـون الموجباتـي[/poem]
مستور
[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
اول الاسـلام يـوم بــلال يــذن بالمـنـاره=مايحاسب يـا شبيـب الحـي قـدام المماتـي
وان دخلت اصخونة قستـه بميـزان الحـراره=وان سلمت من الصخونه ما سلمت من الشماتي[/poem]

شبيب
[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
لا وقف قدامنـا شاعـر نبـي نظهـر اغمـاره=لو يلف ولو يدور ولـو يجيـب المعجزاتـي .
والمعزه لك معزه يـا هـوى ناقـض اجمـاره=مير بالميـدان مثـل ذيـاب طـارده الزناتـي [/poem].

مستور

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
من غدالـه ديـن يفهـم صاحبـه ياخـذ بثـاره=وانت مانته جاهلن بالوقت مع سبـع اللغاتـي .
ما يحوص ولا يروغ الـي حصينـي المغـاره=مـن معـه مـن يمـده باليديـن الطايـلاتـي .
انت تكرم يا ابو تركي نمر مـن روس النمـاره=مير سامحني الى زليت واحـرص للوصاتـي [/poem]

رد: شبيب بن جعيلان الدقباسي
 

ابو سعود الطير
[rams]http://www.dwaihi.com/poem/32qnas20.ram[/rams]
قالها الشاعر / عندما ضاع طيره الملقب بالديش , وهو يعتبر من أطيب صقور الجزيره العربيه , والذي ذاع صيته بين أهل المقناص والصقاقير .
حيث ضاع الديش في بادية العراق أيام المقانيص , منذ أكثر من 15 سنه ,
ولازال العم شبيب يذكره دائما , وقد عرض عليه صديقه فهد سعود الحيان العجمي , صقر جيد ملقب بفرحان , ولكن الشاعر أنشد هذه الأبيات :

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا بو سعود الطير لو قلت هداد =ما هو مونس خاطري في هداده
لو قلت فرحان يطلع وصياد=مالي بغير الديش شف وراده
وجدي على الي ضاع بحدود بغداد=حول الجريبه في هذيك الحماده
ياعل يوم ضيع الديش ما عاد=ياوسع والله فرجته وابتعاده
متنومس بالديش ماني بنشاد=مثل الزعيم الي ثبت بالقياده
ما خاطري عقبه على الصيد منقاد =ولالي على المقناص صبر وجلاده
لولا الجماعة قلت يالربع معواد=كل يعود يم يمة بلاده
والوقت لو زين لك أيم ضهاد=كم من عقيد حوله من شداده
والطير وإبن ادم مرده للأنفاد=الدايم الله والفنا في عباده[/poem]

رد: شبيب بن جعيلان الدقباسي
 

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
قم سو فنجال ٍ على الكيـف سـوّه= يطلق نظر عيني ويطرد اعماسـي
واحذر تطول البن ياسعـود ضـوّه= لاحمسـةٍ حرقـه ولابـه يباسـي
بالهيـل كثـر فيـه حـبـه وروّه= وبنّـه ومـاه مقايسينـه اقيـاسـي
صبه على اللي يدركـون المـروّه =اللي تبيّن فـي السنيـن القواسـي
وعده عـن اللـي مابقلبـه جـروّه= لاصار في بعض العلوم إلتباسـي
واكتـب لنـا مبـداً بدينـاه تــوّه= فكري حظر عندي وهيّض احساسي
فكرٍ يصوغ اللعب لاطـاب جـوّه= صوغ الذهب ماهو بصوغ النحاسي
ولاتوخذ الطوله من النـاس قـوّه =والبيت مايبنا علـى غيـر ساسـي
لاخان ساس البيت يطـرح علـوّه= والريح ماهـز الجبـال الرواسـي
بني رشيد اهـل الوفـا والحمـوّه =لاصار في دور الزمان انعكاسـي
انشـد وتلقـا فعـل كـل السمـوّه= يـوم الحرايـب حدهـم مايداسـي
حنـا وطنـا مانجـامـل عــدوّه دون= الوطن فينا اندفـاع وحماسـي
مساهميـنٍ فـي رخـاه ونـمـوّه= ونحميه من فتنة ارخومٍ اخساسـي
وعدونـا مـردود كيـده وســوّه= ليا إلتحلف بالكم خطـو الهداسـي
فعلـن قديـمٍ شـاع ماهـو بتـوّه= بين القبايل منـه مرفـوع راسـي
والناس فيهـم مـن شجـاعٍ ولـوّه =ومن يكسب الطولات مافيه باسـي
وإلا مـرد النـاس لأدم وحــوّه= مافيه فـرقٍ بيـن كـل الجناسـي
إلا بتـقـوى الله وتـبـع النـبـوّه= اللي ذكر ربـه بصبـح ومماسـي[/poem]

رد: شبيب بن جعيلان الدقباسي
 

ويقول في الغزل قصيدة طويلة منها

[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]

ياراكب اللي دق سلفه ابمفتاح=توه يمرن فوق خد(ن)سماحي

رزريز منوة من يهوجس بمرواح=يدراه سواقه له الفكر صاحي

منصاك نشمي كسب طيب وامداح=ياعل تفداه الرخوم الشحاحي

سلم على مرشد عدد بارق لاح=اعداد ماذعذع نسيم الرياحي

عد الجميري في صواته ليا ناح=ياقل صوته في حلول الصباحي

قله يقول اخوك ماهو بمرتاح=مشغول فكره هلسنه ما استراحي

على عشير(ن)ماشي لي بالانصاح=وانا بعد له مجهد(ن) بلنصاحي

من يوم فاختناه والبال مانساح=من عقب قربه خده اليوم ناحي

وادعتهم والدمع من محجره فاح=سافرت عنه ولارضى في مراحي

طال السفر ماشفت عجاج الارياح=غديت انا كني كسير الجناحي[/poem]

رد: شبيب بن جعيلان الدقباسي
 

رد الشاعر/شبيب بن جعيلان الدغباسي على الشاعر/عايش الجويسري::


[poem=font="Simplified Arabic,4,darkblue,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يامرحبا باللي أكتابه قريناه=عد الجراد اللي أنتهض في رفيفه
ترحيب(ن) أحلى من العسل يوم ذقناه=صفي وقلط بالصحون النظيفه
أحلى على اللي غط من عقب مسراه=ماشدته عنى وعنك الوظيفه
بالصاحب اللي تبذل الطيب يمناه=عز الرفيج وعز جاره وضيفه
راع الصخا مهو شحيح(ن)بدنياه=ريف الهشالا بالسنين الكسيفه
يابو((علي))ليته صمل في مخاواه=ماشدت عني وعنك الوظيفه
شفت الكتاب وكن عيني تحلاه.=وهلت إعيوني بالدموع الذريفه
يوم أنتبهت وشفت ماني بوياه=وبيني وبينه أدروب(ن)كليفه
أنا بوسط((الشام))وأسكن قراياه=وهو مداهيله ((جنوبي منيفه))
با((لسالميه))مسكنه لاعدمناه=يسكن بها دايم خريفه وصيفه
يسكن بهالديره مقيضه ومشتاه=يم البحر بيته على جال سيفه
نجد((الكويت))اللي عسا الوسم ياطاه.=ويل(ن) على صيف(ن) تتابع خريفه
تمشي أبحاره والشعيب بشقاياه=وأم العماره))تمتلي والرديفه
من شان راع البر يطرب لمنداه=يشد من عده وينزل بكيفه
نصف الشهر لطاف تشبع رعاياه=يشبع حلاله ماتعب بتعليفه
الرجل لونه راح يرجع لمرباه=أيام وإلا الخد هذا نعيفه
أيام لينه يبرد الوقت وأنصاه=يقفي سموم(ن) يحرق الوجه هيفه
لو كان مسكان العرب ماشكيناه=مير الوطن غالي ولامن وصيفه
يابو((سعود))اللي بغيته بغيناه=هذا طرب قلبي وعيده وريفه
ليا ذكر صيدن بعيد(ن) ((نحرناه)).=لو كان في خد((الحجر والحتيفه))
من فوق((هافن))يقطع الدرب ممشاه=منوة وليف(ن) مبطين عن وليفه
ماأذكر تعطل يوم ولا ((قلصناه=وجهن مبارك والسعد له حليفه)) [/poem]

حيث ارسل له عايش هذه القصيدة

[poem=font="Simplified Arabic,4,darkred,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا((علي)) وصل لي سلامي لملفاه=سلام(ن) أحلى من حلاة الطريفه
سلام من قلب(ن) سليم(ن) بمعناه=سلام نفس(ن) يم نفس(ن)شريفه
ألذ وأحلى من غدير(ن)بمضماه=وألذ من در البكار بعطيفه
ينصا الرفيج اللي على العسر يلقاه=أبو هلا يوم الوظايف ضعيفه
أهو((شبيب))اللي عسا النذل يفداه=إله السلام مع المعزة نظيفه
سلم عليه عداد مزن(ن)نثر ماه=وقل له يجي للدار ((يترك مصيفه))
القيض راح وبرد الوقت بتلاه=عقب الرطوبه هب شمل(ن) خفيفه
أتلى نجوم القيض بين وشفناه=إلا سهيل النور ماأطلع رديفه
هذا كلامي يا((علي))وده إياه=الزود إله والفرق معه النصيفه[/poem]

رد: شبيب بن جعيلان الدقباسي
 

[align=center][size=4][color=#008080]تحية تقدير و إعجاب لإختيارك الراقى المتميز
دمت و سلمت و غنمت[/color][/size][/align]

رد: شبيب بن جعيلان الدقباسي
 

لك كل الشكر