الصـــوت التـــــالي
 

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
لا لا تسيء الظنّ تكفـى لاتطيـع العاذليـن=قلبي تفطّر من صدودك لا تزيـد الامتحـان

يامالك ٍ روحي يمين الله وديـن ٍ باثْـر ديـن=ماني من اللي ينقض عهوده ولو شان الزمان

مبداي مبدا وافـي ٍ ماسـار درب الخاينيـن=ماكوّب الحرْوه وانا شقران وختومي ضمـان

قلته من اول ماسواك اللي سرى وسْط الوتيـن=ولا يجاريك الغلا حـي ٍ ولا ينـزل مكـان

عشرين ليله ماهجد بالصدر زفـرات وونيـن=ولا اهتنت عيني بمرقاده ولا ذقـت الامـان

ماغير ادولج بالخلا والليل بيـن (البازميـن)=واقول مال العاذل بفعْلتْـه يكسـب للرّهـان؟

مبغاي ياساكن فـؤادي ياوليفـي والضّنيـن=يامالكـي ياآسـري يامـن بكفّيـك العنـان

كبّ الصّدود ولاتفرّح في عنـادك حاسديـن=خسران في خسران حالي ،ردّت العشر لثمـان

ذبْلت غصوني من عظيم اشواق والوجد وحنين=والحال في حاله عسى الله مايزيد إلْي الهـوان

تعال ياآخر غـرام ٍ مالـه بكونـي وزيـن=يامن له العلْيـا تسيّدْهـا وغيـره بالطمـان

تِماكن اللي باقي ٍ من عـود ٍ ابلتْـه السنيـن=اسْعفْه في ردّة ضعونك قبل مايفـوت الاوان [/poem]

رد: الصـــوت التـــــالي
 

ماغير ادولج بالخلا والليل بيـن (البازميـن)
واقول مال العاذل بفعْلتْـه يكسـب للرّهـان؟
اما هذي صدقت وانا اشهد
صح لسانك
ولا هان راسك
أنت والإبداع تؤم لايمكن فصلهما
تحياتي الطيبة

رد: الصـــوت التـــــالي
 

رائعة
بارك الله فيك
تحياتي وتقديري

رد: الصـــوت التـــــالي
 

صح لسانك اخي سهيل
قصيده رائعه وابدعت ياجزل
سجل الاعجاب والتقدير

رد: الصـــوت التـــــالي
 

العزيز الغالي سهيل................
من طول الغيبات جاب الغنايم
وانت دايم مشغلنا عليك
تمر كما الطيف وترحل كما الضبف
ونكثر السؤال عنك ولا إجابه
مرحبا بك والعود أحمد
نسأل الله ان تكون ظروفك قد تحسنت وزال الكدر بإذن الله


لن اعلق على جماليات النص ومدحه ورأيي فيه وفي صاحبه سابق لقراءته
لك كل الشكر ووافر التحيه

رد: الصـــوت التـــــالي
 

صح السانك اخوي سهيل الشمري


وبيض الله وجهك على هذ النص الجزل

دمت بخير وصحه وسلامه ولا هنت

رد: الصـــوت التـــــالي
 

العزيز الغالي سهيل الشمري سلمه الله


بالحقيقه انا ربما اول مره اقراء لك لكني وجدت مايسد الرمق ويروينا شعراً

بارك الله فيك

ومليون صح السانك

قصيده رائعه جعلتنا نتلهف وبشوق لما بعدها

لله دررررررررررررررك

تحياتي
مع اسمى ايات الشكر والامتنان فائق الاحترام واطيب المنى رعاك الاله

رد: الصـــوت التـــــالي
 

صح لسانك يا سهيل

قصيدة جزله من جزل


لا هنت

تحياتي

ماجد المهدي

رد: الصـــوت التـــــالي
 

سهيل بيض الله وجهك على هالفاتنه


راااائعة رسمها الاروع


صح صح صح صح لسااااانك مليار


انتظر بلهفة القادم


فلا تطيل الانتظار

حضوووور مبهر



صاااادق الود

رد: الصـــوت التـــــالي
 

الصاعدي
صح السانك وبنانك
طيبة وجزلة من شاعر فحل متمكن
لاهنت
وشكرا لك عيني