|
رد على: رتوش
[quote=شموخ سدير]غرييييييييييييييييييييييييب
الى الامام والله اسلوب قصصي رائع تحياتي[/quote] ياحيا الله شموخ الفطاحلة حضورك اسعدني تحياتي وتمنياتي لك بالتوفيق والنجاح |
رد على: رتوش
[QUOTE=صعبة المنال][COLOR="DarkOrchid"][SIZE="5"]متابعه يا متكتك ؟؟؟؟؟؟
:D :D :D :D :D :D :D :D صعبة قاعدة لك[/SIZE][/COLOR][/QUOTE] مشرفتنا بحضورك ياصعبة اقعدي وش ورنا احنا متكين للصبح :) |
رد على: رتوش
قلت: أرسل رسالة وجس النبض ولا تدري اكتب قصيده شعرية وأرسلها لها قوله أبي اخذ رأيك في الأبيات ممكن أو الموضوع اللي تبي تطرحه
قال: هي ماهي شاعرة ولأكاتبه هي مشرفة القسم الإسلامي قلت: يعني مطوعه ، بسيطة أرسل له حديث واسألها هو ضعيف ولا صحيح ومن الراوي و وش المناسبة أو اسألها عن مسألة فقهية قال: مثل شنو قلت: شف أنت مالك إلا انك تسألها وتقولها إذا إلام خافت على جنينها من الجوع في رمضان تفطر ولا تصوم وهل الرضاعة تفطر ولا ؟ قال: وربي منت بصاحي يا الغريب هو وقت رمضان ها الحين قلت : له اسمع هما الصحابة كانو يستعدون لرمضان من ستة شهور اعتبر نفسك إنسان مقتدي با لصحابة بعد الرسول وتبي تستعد لرمضان قال: طيب إنا وش لي وشل الرضاعة قلت: له يخوي هذا مجرد سؤال عشان تجس النبض وإذا وافقت قولها انك رجل مطلق وأبي استفسر ، عندي بزر رضيع! قال: لا والله خوش سؤال عز الله جسيت النبض وش عرف البنت بسوالف الأمهات وبعدين وش لون اسألها سؤال عن الامهات و اقولها انا مطلق وش الرابط في السؤال بسيطه اذا كشفتك قولها ابي ارضعه صناعي وش عرف البنت ، أنت وش لون عرفت أنها بنت وش يدريك احتمال تكون متزوجة قال: متزوجة !!!! قلت: إيه ولا على بالك كل البنات اللي قدامك قصر يبه فيه المطلقة وفيه الأرملة وفيه المعلقة وفيه المخطوبة والخالعة خالعه!!!!! قلت إيه خالعه قال : يا بن الحلال وش لنا وش الخالعات يتبع |
رد على: رتوش
يمه منك يا غريب طلعت مو بهين ;)
ولا مفصفص الامور ومحللها بعد ....؟؟:eek: :eek: :eek: اخ من الرداله وعمايلها الرجال على نياته والاخ يعلم فيه ؟؟؟ دع الخلق يكتشوا بنفسهم طيب يا ابو ثنيان بروح اجيب عصير واجى كمل ترى بدى اعرف النهاية قبل الخميس اتفقنا :D :D :D :D |
رد على: رتوش
مستحيل قبل الخميس تراها طويلة وفيها اشياء ما تتخيليها:)
|
رد على: رتوش
قلت له يا مسلم هما الدين يسمح للمرأة إن تخلع زوجها ، المطلق وش يقاله رجل مطلق أو امرأة مطلقه واللي زوجها يموت يقالها أرمله صح طيب واللي تخلع زوجها يقالها خالعه لأنها أهي اللي خلعت الرجل
يعني المفروض انك ما طلقة مرتك المفروض انك طلبت منها عمارة قدام الحرام في مكة او شقة في القاهرة مقابل انها تفدي نفسها وهذا الشي أجازه الإسلام ليش ما تستغله ، شفت الفرق قال صحيح قلت خلاص هذي تعتبر خالعه والزوج مخلوع يعني ممكن أنت تحب ها البنت وتتزوجها وتذبل سبدها وتجيب لها قرحه في الشبكية ما تدري إلا وهي خالعتك وممسكتك الباب قال: افا قلت: افا ولا جبها كل شي وارد أنت قوي قلبك وأرسل وماعليك وخلنا على اتصال عشان أقولك وش تسوي في الخطوة الجاية طبعاً أنت إنسان محظوظ لأنك جالس تتكلم مع إنسان عنده خبره ومعرفه مو أي احد وهذي فرصة لا زم تستغلها مثل الاستشاري العالمي إذا جاء زيارة عندنا فرصة للي يبي يسأل ويستشير أنت ألان في فرصة عظيمة ما سبقك عليها احد والكل يحسدك على اللي أنت فيه وهذي ميزة المميزين إذا اعطو وقتهم وجهدهم للناشئين أنت تعتبر نشاء في رحاب المنتدى وانأ راح أحطك على الطريق الصحيح أبي أتبناك يعني بالعربي أبي أدرسك أصول لعبة المنتديات وهذا الشي يبيله ناس تعرف من وين تأكل الكتف ما اقول الا الله يستر لا خبرتك تودينا في داهية و تقابلنا بعد أسبوع ها بشر قال أرسلت الرسالة وحسيت بحجم الاهات اللى في صدره! حلو بشرني وش قالت و وين وصلتو أكيد استلطفتك البنية صدقتني اي شي بتخطيط وتكتيك نتايجه مذهلة ماني قايلك بس مبين من عيونك انك أعطيتها أيميلك وبصراحة حاس انك خشيت في العميق كل شي مبين في عيونك بالذات اليسار قال أبي أسألك سؤال ممكن اعرف في منتداكم وش لقبك؟!!!! |
رد على: رتوش
مكتوب تحت اسمي مستشار مجلس الادارة
طيب منهو مدير منتداكم ليه وش تبي فيه ابي اعرف رجال يقاله الدكتور عثمان العبدالله الطائر المهاجر قال ظلمك يوم حطك مستشار مجلس الادارة انت وجهك وجه مستشار ، انت تعرف وش معني كلمة مجلس ادارة عشان تتكلم عن الاستشارة لعن ابو دارك صارلي معهم فترة وكانت صورتي احسن صورة في المنتدى بس من عرفتك عرفة النكبات طيب ممكن تهدي من روعك وتعلمني وش صار وتقول روعك ،،، انت تعرف وش معني روعك انت وها المفردات اللى مدري من وين تجيبها قلت طيب انت سألتها ولا لا قال سألتها حلو بشر وش قالت قالت أنت تتميلح أنت و وجهك وأبشرك اشتكتني عند مدير الموقع طيب وش صار وش صار إنا أقولك وش صار! إنا من عرفتك ، عرفت المصايب والنكبات يا وجه النكبة قال ايش قال إنا خبرة وأنت إنسان محظوظ انك تمشي على منهجي لعن أبو دارك هذا منهج بذمتك هذي خبره هذا تميز! هذي مشكلتكم يا الناشئين تستعجلون النتايج وتبون كل شي في يوم وليلة لعن إبليسك تقدر تنكر إني نقلتك نقلة حضارية عشتو قال نقله حضارية الأقل وهقتني توهيقه حضارية طيب ها الحين وش صار بالضبط اللى صار انهم يتبع |
رد على: رتوش
[SIZE="5"]هههههههههههههههههههههه [COLOR="DarkOrchid"]الله الله يا غريب الاعتراف فى الحق فضيلة انت قلت مو انا[/COLOR] :eek: :eek: :eek: [/SIZE](وخلنا على اتصال عشان أقولك وش تسوي في الخطوة الجاية طبعاً أنت إنسان محظوظ لأنك جالس تتكلم مع إنسان عنده خبره ومعرفه مو أي احد وهذي فرصة لا زم تستغلها مثل الاستشاري العالمي إذا جاء زيارة عندنا فرصة للي يبي يسأل ويستشير أنت ألان في فرصة عظيمة ما سبقك عليها احد والكل يحسدك على اللي أنت فيه)
[SIZE="5"]لا الاخ صاحب خبرة وباع وذراع آآآآآآآآآآآآآه يا زمن :D :D :D [/SIZE] وهذي ميزة المميزين إذا اعطو وقتهم وجهدهم للناشئين أنت تعتبر نشاء في رحاب المنتدى وانأ راح أحطك على الطريق الصحيح أبي أتبناك يعني بالعربي أبي أدرسك أصول لعبة المنتديات وهذا الشي يبيله ناس تعرف من وين تأكل الكتف [COLOR="darkorchid"][SIZE="5"] لا ما اخاف عليك تعرف من وين ياكل ههههههههههههه;) ;) [/SIZE][/COLOR] لعن إبليسك تقدر تنكر إني نقلتك نقلة حضارية .....عشتو قال نقله حضارية ....الأقل وهقتني توهيقه حضارية [COLOR="DarkOrchid"][SIZE="5"]احلى شى [/SIZE][/COLOR] [SIZE="5"][COLOR="darkorchid"]لك احلى نقلة حضارية خراب بيوت يقال له ورطته مسكين هههههههههههههههه[/COLOR][/SIZE] [COLOR="darkorchid"][SIZE="5"]ها وبعدين هههههههههههههه مستمتعه انا معاك [/SIZE][/COLOR] |
رد على: رتوش
ياالله فاتتني كم حلقه وماعلقت
بس انت ياغريب شي ثاااااااااني اسلوبك ماشاء الله ادخل المنتدى ومتوجهه لرتوووووووووش هههههههههههههههههههههه كمل يامستشار متابعينك والله منت سهل ههههههههههههههههه |
رد على: رتوش
[QUOTE=صعبة المنال][SIZE="5"]هههههههههههههههههههههه [COLOR="DarkOrchid"]الله الله يا غريب الاعتراف فى الحق فضيلة انت قلت مو انا[/COLOR] :eek: :eek: :eek: [/SIZE](وخلنا على اتصال عشان أقولك وش تسوي في الخطوة الجاية طبعاً أنت إنسان محظوظ لأنك جالس تتكلم مع إنسان عنده خبره ومعرفه مو أي احد وهذي فرصة لا زم تستغلها مثل الاستشاري العالمي إذا جاء زيارة عندنا فرصة للي يبي يسأل ويستشير أنت ألان في فرصة عظيمة ما سبقك عليها احد والكل يحسدك على اللي أنت فيه)
[SIZE="5"]لا الاخ صاحب خبرة وباع وذراع آآآآآآآآآآآآآه يا زمن :D :D :D [/SIZE] وهذي ميزة المميزين إذا اعطو وقتهم وجهدهم للناشئين أنت تعتبر نشاء في رحاب المنتدى وانأ راح أحطك على الطريق الصحيح أبي أتبناك يعني بالعربي أبي أدرسك أصول لعبة المنتديات وهذا الشي يبيله ناس تعرف من وين تأكل الكتف [COLOR="darkorchid"][SIZE="5"] لا ما اخاف عليك تعرف من وين ياكل ههههههههههههه;) ;) [/SIZE][/COLOR] لعن إبليسك تقدر تنكر إني نقلتك نقلة حضارية .....عشتو قال نقله حضارية ....الأقل وهقتني توهيقه حضارية [COLOR="DarkOrchid"][SIZE="5"]احلى شى [/SIZE][/COLOR] [SIZE="5"][COLOR="darkorchid"]لك احلى نقلة حضارية خراب بيوت يقال له ورطته مسكين هههههههههههههههه[/COLOR][/SIZE] [COLOR="darkorchid"][SIZE="5"]ها وبعدين هههههههههههههه مستمتعه انا معاك [/SIZE][/COLOR][/QUOTE] صديق عمري ولازم اوقف معه والمخ لازم ينعصر ويشتغل وبعدين يعني هو بس انتو يا الحريم اللى تخططو على الشباب ، احنا كمان نخطط;) |
رد على: رتوش
[QUOTE=احلى الكلام]ياالله فاتتني كم حلقه وماعلقت
بس انت ياغريب شي ثاااااااااني اسلوبك ماشاء الله ادخل المنتدى ومتوجهه لرتوووووووووش هههههههههههههههههههههه كمل يامستشار متابعينك والله منت سهل ههههههههههههههههه[/QUOTE] :) كلامك هذا والله اعتز فيه كثير من اخت عزيزة من زمان وانا ماني بسهل بس المشكلة محد اكتشفني واكتشف مواهبي:p حضورك اسعدني |
رد على: رتوش
وقفو عضويتي عقب ما شهر فيني المدير
والبنت راحت مشرفه على التصاميم قلت تمام تمام تمام جات وجابها الله قال وش عندك يا وجه النكبة مايخالف هذي اخرتها صرت وجه نكبة لكن لو شبكت مع البنيه بتقول ياوجه الخير قلت شف يبيلك تمر على أي منتدى متخصص في التصاميم وتلطش لك تصميم وترسله لها وتقولها إني شغال عليه صار لي أسبوعين وبما انك مشرفه ومسئولة عن قسم التصاميم قبل ما انزله حبيت أستشيرك في تمازج الألوان وإبعادها وأبي اعرف هل الخلفية جيده ولا يبيلها تغميق أكثر. قال وش هوله كلمة تمازج قلت اسمع الكلام أنت وش عرفك بها السوالف وبها المفردات ما ني قا يلك الخبرة تلعب دور قال بس إنا موقف ها الحين وش لون قلت بسيطة عندك خيارين لا ثالث لهم قال وشهو قلت إما انك تطلب عفو من المدير أو انك تسجل باسم جديد ومن كمبيوتر جديد عشان الايبي لا يعرفه المدير قال وإذا عرف الايبي قلت يا حلو راح يعرف انه جهازك وبعدين يتابع تحركاتك قال تدري اطلب عفو بس وش أقوله قلت له لا تشيل هم إنا الليلة امخ مخ لك على صيغه اخلي المدير يعفو عنك ويتنازل عن الحق العام بعد واحتمال اهو اللى يعتذر لانه تسرع وش تبي أكثر من كذا يتبع |
رد على: رتوش
هههههههههههههههههههههههههههههه
وبعدين؟؟ صعبة |
رد على: رتوش
قال يا بعد قلبي والله يا الغريب ، إنا لازم ارجع للمنتدى بأي حال من الأحوال ولا ودي إن البنت تطير حاس إن روحي
تعلقت فيها واليوم اللي ما أشوفها في المنتدى يضيق صدري أحس أنها مريضه أو أنها تعاني من شي مكدر حياتها قلت له أرجوك هذي خبرة وعطاء سنين المهم وازين هاك ألصيغه اللي خلت المدير بعد ثلاث أيام من الإيقاف يعفو عنه ويقدم له خطاب شكر ودخل المليح للمنتدى وبداء يركز نشاطه في قسم التصاميم ومن بعيد لبعيد يراقب ردود البنت المهم مدري من وين جاب تصميم وأرسله لها برسالة خاصة عشان يأخذ رأيها قلت له شكلك استعجلت بس تدري أرسل رسالة ثانيه و قولها إن البرنامج نسخة أصلية عشان تركيب الألوان والإبعاد ما حبيت اشتري نسخة مقلدة حبيت كل شي يبان على طبيعته وبنفس العمق الوجداني والبعد الفني للتصميم عشان تحس انك موهوب وانسان مرهف الاحساس وش دعوه بتصميم اصير مرهف الاحساس يبه انت وش عرفك ماني قايلك هذا كلام يدرسونه في الجامعات وها السوالف لها ناسها انت وش عرفك انت حدك كلمة منقول وتخب عليك بعد اذا ما اغير من نمط حياتك ، برستيجك هذا لازم يتغير يبه انت مقبل على حياة جديده حياة مابعد الاربعين انت تنتظرك احلام ورديه بمشورتي لك راح تلامس النجوم يبه انا بخلق منك انسان مامر على المنتديات المهم طلعة هناك مفاجأة في الموضوع اتصلت فيه هلا أبو فلان قال الله لا يهليبك يا وجه النكبة تصدق اللي يمشي ورآك يا الغريب لازم يستخير ربه اول شي لان المصايب بتنصيب عليه من كل حدب وصوب قلت سلامات وش السالفة صار شي جديد قال وقفو عضويتي لاحول ولاقوة الا بالله ثاني مره قلت له ليش أكيد غلطت على المدير أو نزلت موضوع يخدش الحياء قال المشي معك اهو اللي يخدش الحياء لعن ابودارك ذبحتني كل ما اطقها عوجه وانت ماغير تزعط عندي قال ايش قال يدرسونه بالجامعات شف ابي اقولك شي تعرف زمان وش لون كان التعليم *(( الكُتَاب )) او يرسلونك عند مطوع اقسم بالله انه اصرف منك ومن خبرتك بذمتك هذا كلام يدرسونه في الجامعات شفت كلمة منقول والله انها ابرك من افكارك ، شفت لو اني استشرت راعي غنم او وحده من عجايز سوق المعقلية او سوق الحب في الدمام ها اللى باسطين وربي سان ابرك من افكارك انت وجهك وجه خبرة ومعرفه وكله كوم يوم تقول انت انسان محظوظ انك جالس تستفيد من خبرتي يلعن ابوها من خبره قم بس قم يا ابن حلال وش فيك عسى ما شر انت علمني وش صار ترك خذتني بشراع ومجداف فهمني وش السالفه قال شفت التصميم اللي لطشته.......... يتبع |
رد على: رتوش
[SIZE="5"][COLOR="DarkOrchid"]هههههههههههههههههههههه
شكله الاخ نسى شى بالغلط فى التصميم ها وبعدين صعبة[/COLOR][/SIZE] |
رد على: رتوش
ايوه ياابو الافكار
كمل متابعين :) |
رد على: رتوش
شكله مكتوب عليه اسم اللي صلح التصميم
ههههههههههههههههههههههههه |
رد على: رتوش
من ابها اشكركم على الحضور واقولكم الاجواء عندنا رووووووووووووووووعه امطار وضباب وبرد
بصراحه اجواء تصلح لابوعبدالله يقدر يكتب فيها كم من بيت :) على العموم اخليكم مع الحلقة الجديدة هماني أرسلته لها وجلست انصب عليها قلت لها إن البرنامج اللي استخدمته جايبه من ايطاليا مخصوص عشان الألوان والإبعاد وصورة البنت اللي في التصميم هذي تصوري لشكلك وعشان البعد الفني والعمق الوجداني التصميم طلع لخويتها وش في البنت ما تشتكيني للمدير وثاني مره يوقف العضوية بس ها المرة عقب ما فضحني ونشر نص الرسالة اللي أرسلتها للبنت يوم كانت مشرفه للقسم الإسلامي ويوم صارت مشرفه للتصاميم . هذا اللى صار إنا لو يفكني الله من فلسفتك ومفرداتك وجملك وتعابيرك اللي مالا أم أمها داعي وربي إنا بخير تصدق أنت ذكرتني با الرقاصة اللي طلعت من المرقص ورأسها كله جروح ليش لان اللي في المرقص حـ........... كانوا ينقطون عليها بهلل( قطع معدنية) لا والله ها اللي يبي يبط كبدي أحر ما عندي ابرد ما عنده بصراحة اضحك على حظك بعد أنت ما جيت تعجب إلا بمشرفة قسم إسلامي وش السوات ها الحين من ايطاليا لعن أبو دارك اكبر غزلنجي ولعاب في المنتديات ما قال إني جبت برنامج من ايطاليا لعن أبو دارك قل شريته من جرير قل انه برنامج أصلي مكلفني 2741 ريال و39 هلله ، من ايطاليا مرة واحده إلا على فكرة جفنشي مايقربلك بالمره انت وجهك وجه ايطالي لعن ابودارك فيضة السبسب بالصمان وتخب عليك ولا يكون قايلها إن ها الألوان أهي نفسها اللي استخدمت في الموناليزا بعد، الله يستر لايكون قايلها انك تتقمص شخصية فنسنت فان جوخ ولا بيكاسيو وماتحب تشتغل الا على انغام السمفونية التاسعة لبيتهوفن لعن ابو دراك تبي تشوت خل شوتاتك خفيفه اما انك تشوت من نص الملعب وتبي البنيه تصدقك والله لو انها مدمغه لاحول ولاقوة الابالله...... بس لا يهمك وهذي تعتبر من ابسط الأمور في عالم المنتديات أقولك عضويتي موقفه تقول بسيطة قلت لا تهتم كلها أيميل جديد وكمبيوتر جديد الله يخلي مقاهي ألنت وكل شي يصير تمام بس ها المرة بأسلوب جديد وستا يل يختلف عن القديم وش رأيك تمرني وأعلمك وش تسوي أنت فاضي ها الحين مر هو عندنا غيرك نطقطق عليه هلا والله با الرومنسي وش عليك يا الغريب تطنز يحقلك قهوة ولا شاهي يابن الحلال إن بغيت حلتيت بس شف لنا صرفه في ها الموضوع شف إنا لازم أغير من ستا يلك أول شي أبي أغير اسمك الحركي أبيه اسم جديد ورنان ولوك مختلف وأسلوب خرافي إنا لازم أتبناك تتبناني ، وش دعوه شايفني جاي من الشارع اسمع وأنت ساكت وخلى عنك ألبربره ولازم اصنع منك عضو خرافي كل المنتديات تتكلم بتميزه وبجمال أسلوبه قال إلا ما ودك أحط مكياج بالمرة قلت اسمه مكياج بذمتك هذا اسلوب واحد متعلق شفت الخبرة وش تسوي يبه صار اسمه ميك أب بعدين خطوط وجهك ما تسمح وصغر عينك ما تعطي مساحه لبروز الضل وألا سان سويتها بعدين أنت مو يبيلك تنظيف بشرة وبس أنت يبيلك سمكره من جديد ومنتجات شنيل ماتجيب معك نتيجه انتي يبيلك شغل وهذا مكلف قلت خل عنك الفلسفة أبيك تحفظ كم كلمة من كلمات الحب وهذي أمرها بسيط اشتر كم من ديوان واقعد أقراءة قال أنت وش ناوي عليه قلت أبيك ها المرة تخش قسم الأدب وتكتب خواطر وأبيات شعرية وأبيك تخش في مساجلة شعرية بين الشباب والشابات يعني أبي اصنع منك شاعر يا ابن الحلال إنا ما اعرف اكتب ربع بيت عشان أصير شاعر لا يهمك ثلاث أرباع الشعراء والشاعرات قصا يدهم فيها عجز وتلقى بيوتهم مكسورة وأمورهم ماشيه أخر حلاوة والمشرفين والشباب بس يجون ويسجلون حضور ولا من شاف ولا من دري رأس مالها صح لسانك وجزلة من رأس جزل ومن ها الحكي والهدف الأساسي رفع عدد المشاركات ومجاملات عشان اذا نزلت قصيده يجون يتواجدون على العموم مو بس الشعراء ثلاث ارباع منتسبي المنتديات كذاوبسلامة الطيبين بس المشكلة اللي تواجهنا إني أبي أدور لك على اسم فيه اكشن وإثارة وفي نفس الوقت يكون اسم جذاب ورنان ابيه اسم موسيقي حشا مو شاعر شكلي بصير ممثل وش رأيك اسميك خزان الإحزان بذمتك هذا اسم اجل الله خيرك بين اسمين المنسم او قاهر فتيات المنتدى الله واكبر ياوائل كفوري على غفله اقول خلنا على خزان الاحزان اصرف |
رد على: رتوش
متااااااااااااااااااااااااااااااااااااااااااااااااااااااابعه
والله يوسع صدرك بالعافيه مثل ما انت موسع صدورنا وجب لنا معك من ابها مطر ههههههههههههههههههههههههه |
رد على: رتوش
[SIZE="5"][COLOR="DarkOrchid"]غريب الاه فى ابها اله نيالك يا عم وجالس فى مقهى بعد آآآآآآآآآآآخ يا القهر :p :p :p
لك شو هيدى ابداع فى ابداع بالنسبة للشعراء شكلك عامل عملة صرت اخاف منك:eek: :eek: :eek: انا ليكون انت خزان الاحزان ولا اسير الشوق ;) ;) ;) علينا يا غريب بس :cool: :cool: الله يرجعك لنا سالم غانم :) :) :) ما شاء الله عليك حتى فى ابها احنا معك الفطاحلة يجمع فيه قلوب كبيرة وانت منها يا غريب :rolleyes: :rolleyes: ها وايش طلع اسم الاخ :eek: :eek: :eek: :eek: :eek:[/COLOR][/SIZE] |
رد على: رتوش
[QUOTE=شموخ سدير]متااااااااااااااااااااااااااااااااااااااااااااااااااااااابعه
والله يوسع صدرك بالعافيه مثل ما انت موسع صدورنا وجب لنا معك من ابها مطر ههههههههههههههههههههههههه[/QUOTE] تسلمين ياشموخ الفطاحلة ايوا كذا اضحكي و وسعي صدرك محنا مخذين شي من الدنيا:p انا توني نازل من منطقة يقالها حبلة برد وغيوم بصراحه عندهم اماكن جنان بس !!!!!!!:) افهميه:cool: |
رد على: رتوش
[QUOTE=صعبة المنال][SIZE="5"][COLOR="DarkOrchid"]غريب الاه فى ابها اله نيالك يا عم وجالس فى مقهى بعد آآآآآآآآآآآخ يا القهر :p :p :p
لك شو هيدى ابداع فى ابداع بالنسبة للشعراء شكلك عامل عملة صرت اخاف منك:eek: :eek: :eek: انا ليكون انت خزان الاحزان ولا اسير الشوق ;) ;) ;) علينا يا غريب بس :cool: :cool: الله يرجعك لنا سالم غانم :) :) :) ما شاء الله عليك حتى فى ابها احنا معك الفطاحلة يجمع فيه قلوب كبيرة وانت منها يا غريب :rolleyes: :rolleyes: ها وايش طلع اسم الاخ :eek: :eek: :eek: :eek: :eek:[/COLOR][/SIZE][/QUOTE] هههههههههههههههههههههههههههههه والله يا صعبة لو جيتي زيارة راح تنبسطين انت وابو العيال والعيال كمان:) اشكرك على دعواتك وعلى حضورك وتعليقك الا كيف الرطوبة والحر عندكم:p |
رد على: رتوش
يا ابن الحلال لازم يكون اسمك مميز وفيه جاذبية ولازم تحس انه اسم موسيقي يعزف نفسه بنفسه
لازم الاسم يوحي بشي من الواقع وأنت إنسان مليان إحزان وكتلة مشاعر ولازم تفضي الخزان فهمت القصد ولا لا والله مدري وش أقولك يا الغريب شكل العالم بتضحك على وأنت تقولي إثارة واكشن ما عليك أنت اسمع كلامي وكل الأمور بتصب في صالحك من عرفتك ما شفت شي صب في صالحي خل عنك ألبربره واسمع الكلام شف ها الحين أبيك تحفظ كم من بيت وتحفظ عندك مواقع الشعراء وتحاول انك تتفهم المفردات وتستوحي قصيدة من خلال مشاعرك يعني الخزان أبيه يصب مشاعر أبيه يغرق المنتدى أبيه يخلي قسم الأدب ربيع أبيك تصير وسم المنتدى وبدءا الأخ يغدق على المنتدى بخواطره كان هناك بعض الكتابات اللي ادري عنها وبعضها كانت بدون استشارتي ، وكنت أتخوف من اللي تنشر بدون علمي أو اخذ رأي فيها بحكم خبرتي ومعرفتي المسبقة تقابلنا بعد فترة قال أبشرك في قسم الأدب كان ميلادي، بصراحة أحس الكل يتفاعل مع كتاباتي قلت اتركني من الكل البنية رأس المال وش ردود الأفعال عندها قال أبشرك تتجاوب معي وتشجعني وتقولي بانتظار المزيد وفي احد الردود قالت خزان الإحزان والرومانسية وجهان لعملة واحده شف ياغريب وش رأيك أبي أرسلها رسالة خاصة واكتب لها كم من بيت وأقولها هذي الأبيات تصورك وتعبر نيابة عني قلت بهواك بس انتبه لا تجيب شي من برا وتقولها كلماتي قال لا تخاف المهم أبي أبيات تهز مشاعرها وتفجر عواطفها وتثور إحساسها قلت وش دعوه بتدخلون حرب شكلك بتنتق البنت ولانت مخلي فيها قطعه قال إيه حرب حرب الحب والآهات حرب العواطف وتحريك السكنات الله الله وش ها الكلام والله وصرت تعرف تعبر أتريك منت بهين يا الدب أسف قصدي يا خزان قال آه ه ه ه ه ه ه ه ه ياغريب لو تعرف وش اللي في قلبي كان علوم بسم الله على قلبك، هذا وأنت ما بعد شفتها، عيني يا عيني والله قمنا نتكلم عن القلوب والحب خلها على ربك ما يخالف اكتب لك بيتين واعرضهم على ويصير خير بعدين أبيك تعرف شي مهم لازم تفهم إن تعبيرك يدل على شخصيتك ويترجم أحاسيسك وهذا راح يكون نابع من حياتك ومعاناتك في الحياة يعني أبيك تعبر من ذاتك عشان يكون كلامك معبر ومؤثر مو مثل بعض الشعراء والشاعرات يكتبون أي شي بس أهم شي أنهم يظهرون على الساحة إنا مآبي ظهورك يكون سطحي أو وقتي أبيه راسخ وابدي فاهم ولا لا بعدين أبيك تصير ثقيل ممكن تشوف المدير ومجلس الإدارة يجوون ويمدحونك بزود اعرف أنهم يرفعون فيك وهذا شي معمول فيه في كثير من المنتديات يرفعونك وبعدين يهمشونك انتبه وخلك ثقيل وحاول انك تلعب معهم بأسلوبهم انتبه مو تطير في العجه الأخ ما قدر يتحمل الانتظار بعد محاولات فاشلة ما قدر يعبر ببيتين تفجر العواطف ما دريت إلا والأخ لطش من ديوان مليحة الفودري وأرسل بعد سهرة مع الدلال وشبت الضو في خيمته ما دريت إلا والأخ مولع شموع شي بريحه وشي بدون ريحه إنا انصفقت وقلت يا ولد أنت وش سألفتك قال ياخي مدري وش في البنيه كل يوم والثاني تسألني وش رأيك في الشاعرة الفلانية والشاعر الفلاني وأكثر شي تركز على الشاعرات الظاهر انها معجبة وتبي تعرف انا امشي على خطى من ، من الشاعرات والشعراء والله مدري بس احتمال أنها تكتب باسم مستعار ولا علمت احد واحتمال انها تبي تكشف لي حقيقتها الشعرية إلا على فكرة وش سويت بالأبيات اللي قلت تبي تكتبها وترسلها قال أبشرك راحت والبنية أعجبت بالأبيات بعد إصرار وإلحاح قلت له سمعني وش كتبت خلنا نتعلم منكم يا الحبيبة وش يدريك احتمال الله يرزقنا ببنت حلال تعجب أقوم أعطيها من أبياتك حسيت الرجال يتهرب قلت طبيعي أكيد الأبيات مكسرة وحالتها حاله بس مو مشكله البداية دايمن تكون كذا وكل الشعراء والشاعرات ابتدو صغار واليوم محد يفكر انه يعطيك وجه بعد إصرار ومعاناة عشان أشوف واسمع وش كتب طلع ديوان للشاعرة مليحة الفودري بعنوان(( بقايا كحل من عيون سود الصادر عام 2000)) قال بصراحة حاولت بس ما قدرت وقمت وأرسلت لها أبيات من الديوان وقلت هذي من تأليفي بصراحة جلست فترة أناظر فيه وارشف من القهوة وأناظر فيه وارشف من القهوة وأناظر و أقوله صب شاهي ولا يكثر حكيك يتبع |
رد على: رتوش
كمل
والله متااااااااااااااااااااابعه \ وقول لنا النهايه تراني مستعجله مرررررررررررررره غربرب بالتوفيق |
رد على: رتوش
[SIZE="5"][COLOR="Purple"]ايه يا غريب
انا قايله ما انت بهين من يوم ما شفتك كمل متابعين هههههههههههههه[/COLOR][/SIZE] |
رد على: رتوش
هههههههههههههههههههههههههه
تسلمون ياشموخ وياصعبة الا وين احلى كلام لايكون سافرت وتركتكم في ذا الحر:) |
رد على: رتوش
قلت له تدري ليه البنية تسألك عن الشاعرات
قال لا قلت صدقني أنها كشفتك وتبي تصيدك يخوي أنت متى تتعلم، متى تفهم الواحد إذا يبي يسرق أو يقتبس يجيب شي ما يخطر على بال احد يعني دور لك من ها المبتدئين الصغار والطش منهم مالقيت غير مليحة ، لعن ابودارك هذي أشهر من نار على علم قال وش السوات قلت مالك إلا حل واحد تقولها إنكم على صلة ونسب مع الشاعرة مليحة واهي اللي أهدتني ها الأبيات وأعطتني حقوق النص الأدبي والله مدري وش أقولك طيب بعد الأبيات وش قالت البنيه بصراحة ياغريب أعجبت كثير فيها وقالت أنت إنسان مرهف الإحساس ومبين عليك عاطفي وشفاف طيب أنت وش سويت قال على طول أرسلت لها الرد وقلت لها إنا معجب فيكي من زمان من قبل القسم الإسلامي قالت إنا حسيت بها الشي بعد التصميم اللي جبت ألوانه من ايطاليا مخصوص. قلت بصراحة ما عرفت وش لون أوصلك بحكم إني مالي تجارب سابقه ما عرفت وش لون أتقرب منك واستشرت صديق وشار على على العموم انسي اللي راح واعتبريه مجرد طريق للوصول لقلبك قالت قلبي مرة وحده طيب وش رأيك نتقابل في مكان ثاني ونتكلم قال ما عندي مانع حددي المكان والزمان ها وبعدين قال ما جاني رد قلت له بذمتك أنت شفاف، أنت حساس، أنت عاطفي ،بذمتك هذا وجه واحد عاطفي هذا وجهك وجه بيبي فيس لعن أبو دارك أنت بينك وبين الرومانسية والعاطفة والشفافية مجرات لعن أبو دارك أحاسيسك تعتبر من مواليد ق.م وش ق.م ذي بعد يعني قبل الميلاد قال وش فيه وش فيك انقلبت على يا غريب يا بني أدام افهم تبي أيميلك عشان تتقابلون على الماسنجر وتأخذ راحتها في السوالف الخاتره تبي تفتح قلبها تبي تفضفض تبيك تحتضنها بحنانك وعواطفها لعن ابودارك البنت تبي تحس بأنوثتها مع رجل خلقت من اجله وخلق من اجلها تبي تشم عبق رجولتك الصافية فهمت يأبني ادم يعني وش السوات وش السوات جب الكمبيوتر ها الحين وأرسل أيميلك وأرسل الايميل وبعد ساعتين جات بشاير ألإضافة وتقابله على الماسنجر هلا مين أنت خزان الإحزان ههههههههههههههههه دوم يأرب مو بس اليوم تدري إن اسمك حلو عيونك الحلوة ما شاء الله عليك تعرف تتكلم وتعبر والله وش أسوي اللي يعرفك لازم يعبر |
رد على: رتوش
[SIZE="5"][COLOR="Purple"]يا عينى عليك يا غريب
ابصم لك بالعشرة طلعت باشا يا باشا اشكرك على الصراحة الا متناهية متابعه[/COLOR][/SIZE] |
رد على: رتوش
متااااااااااااااااااااااااااااااااابعه
الله يوسع صدرك مثل ماوسعت صدورنا كمممممممممممممممممممممممممممممممممممممممممممممممممممممممممممممممممممل واحنا معااااااااااااااك ............. |
رد على: رتوش
خزان الاحزان :( <<اسم يبكي
باالله عليك من وين جبت هالاسم هههههههههههههههههههههه عليك افكار ياغريب عجيبه ياالله متابعينك ولا رحنا لايمين ولا شمال شكل السالفه احلوت ودخلنا بالاثاره متابعين بحمااااااااااس تحياتي للقلم المبدع |
رد على: رتوش
ههههههههههههههههههههههه
صعية و اول وش كنتي متوقعه:) شموخ الله يسعد ايامك ويوسع صدرك زود يارب احلى كلام احنا اتفقنا ان يكون الاسم فيه اكشن اتمنى ان النهاية تعجبكم شاكر لك الحضور |
رد على: رتوش
كم عمرك
39 وأنتي 30 العمر كله يأرب تسلم الله يسلمك تدرسين لا مخلصة كلية الاداب قسم ادب ياباني وأنت إنا موظف ممكن اعرف مواصفاتك الطول يعني طولي زين وشوي مليان شوي ولا واجد لا شوي يعني تقريباً 120 كيلو هذا شوي ارجوكي لا تحرجيني ههههههههههههههههههههههه وين الإحراج وشلونك الله يسلمك هههههههههههههههههههه لا اقصد وش لون بشرتك حنطي البشرة وأنتي إنا بيضه مسلوقة ولا مقلية هههههههههههههههههه وتعرف تنكت بعد اعتبريه تلطيف جو طويلة وزني معتدل تشتغلين لا والله عاطلة عن العمل برغبتك ولا ما لقيتي وظيفة والله ما لقيت ممكن اعرف الحالة الاجتماعية بصراحة مطلق وأنتي مطلقه عندك عيال إيه عندي الله يخليهم لك وأنتي عندي بنت الله يحفظها لكي وين تسكنين في الحفر ، حفر الباطن وأنت إنا في الجبيل ممكن اعرف سبب اختيارك لاسمك الحركي قصدك خزان الإحزان إيه خزانبصراحة واحد من الزملاء اهو اللي اختار الاسم قال لازم يكون فيه اكشن هههههههههههههههههههه ليش ناوي تروح هوليود دوم يأرب لا والله بس عشان لفت النظر بصراحة أول ما قريت الاسم ضحكت عليك كثير وبعد ما عرفت انه أنت ما تصدق لو أقولك انه بغى يغمى على من كثر الضحك يعني افهم إن الاسم اهو اللي جذبك بصراحة إيه طيب أنتي وش سبب اختيارك لاسمك حليمة كوارع |
رد على: رتوش
هه[SIZE="5"][COLOR="DarkOrchid"]ههههههههههههههههههههههههههههه:D :D :D :D :D :D :D :D
هههههههههههههههههههههههههه غريب تقبرنى لك هيدا الحكى الى هو:eek: ليكون انت غريب كوارع ههههههههههههههه:cool: :cool: :cool: :cool: الله يسعدك اضحتنى اضحك الله سنك ها رجعت ولا باقى؟؟؟؟:confused: متابعه [/COLOR][/SIZE] |
رد على: رتوش
حرااااااااااااااااااااااام عليك وين الباقي
يالله بسررررررررررررررعه ترى الوقت يداهمنا والضغط صار شديد <<<<<< خارج عن الموضوع هههههههههههههههههههههههههههههه الله يعين |
رد على: رتوش
حرااااااااااااااااااااااام عليك وين الباقي
يالله بسررررررررررررررعه ترى الوقت يداهمنا والضغط صار شديد <<<<<< خارج عن الموضوع هههههههههههههههههههههههههههههه الله يعين |
رد على: رتوش
[QUOTE=صعبة المنال]هه[SIZE="5"][COLOR="DarkOrchid"]ههههههههههههههههههههههههههههه:D :D :D :D :D :D :D :D
هههههههههههههههههههههههههه غريب تقبرنى لك هيدا الحكى الى هو:eek: ليكون انت غريب كوارع ههههههههههههههه:cool: :cool: :cool: :cool: الله يسعدك اضحتنى اضحك الله سنك ها رجعت ولا باقى؟؟؟؟:confused: متابعه [/COLOR][/SIZE][/QUOTE] هههههههههههههههههههههههههههه لا انا غريب فته:) يجعل ها الضحكه دوم ياصعبة كمان اسبوع |
رد على: رتوش
[quote=شموخ سدير]حرااااااااااااااااااااااام عليك وين الباقي
يالله بسررررررررررررررعه ترى الوقت يداهمنا والضغط صار شديد <<<<<< خارج عن الموضوع هههههههههههههههههههههههههههههه الله يعين[/quote] الباقي في الطريق ابشري ياشموخ بس اهم شي تكونين مستانسه وموسعه صدرك:) معي لاتحسبين حساب للوقت:) |
رد على: رتوش
ماله مناسبة بس كل ما كتبت اسم قالي موجود
يعني مالقيتي غير حليمة كوارع كان سميتي حليمة بولندا لا يكون ما فيكي من أشباه حليمة ههههههههههههههههههههههههههههههه ليه عا جبتك بنت بولندا لا مو القصد بس الاسم خلاني أفكر في حليمة ممكن اعرف وش برنامجك اليومي عادي مافي شي جديد اصح الصباح واصحي بنتي وافطرها وازين شعرها و أوديها المدرسة ليه ما عندكم با صات إلا بس أنها تجي بدري وبعدين المدرسة قريبه من البيت الله يعينك يعين الجميع أنتي ساكنه مع الوالد ها الحين لا أكيد مع الوالدة لا أنتي تقولين مطلقه صح ولا إنا قريت غلط إلا صحيح مطلقه اجل وين ساكنه أرجوك اجل الإجابة على ها السؤال أسف إذا قلبت المواجع ولا يهمك ممكن اعرف وش هواياتك إنا أحب طلوع البر وأحب السفر أحب القراءة تصيد جرابيع هههههههههههههههههههه وش معنى الجرابيع مجرد سؤال وش نوع الكتب اللي تحب تقراها والله مالي شي معين أي شي يطيح بين يديني ممتاز حتى إنا تعجبني القراية كثير وش لون طبيعة عملك إنا اشتغل Process engineer وش لون يعني يعني مهندس انتاج طيب أنت ساكن بروحك ولا عيالك معك عيالي معي وفي الإجازات أو نهاية الأسبوع يروحون لامهم ممكن اسأل سؤال شخصي أتفضلي يا عمري قولي كل اللي في خاطرك ما فكرت انك تتزوج؟ بصراحة الا بس أحيانا أتردد ممكن اعرف سبب ترددك والله مرة أقول إنا محتاج لإنسانه تملى على دنيتي وإذا فكرة في مشاكل الحريم أهون بس المشاكل موجودة في كل مكان كلامك صحيح ومرات أقول ما أبي أجيب لعيالي زوجة أب أخاف تنقلب عليهم ويحصل تفرقه بيني وبين عيالي بس إذا اخترت بنت حلال ما اعتقد أنها تفكر ها التفكير أكيد راح تحافظ على بيتها وهذا يعتمد عليك إذا قدرت انك تفهما وتصونها وتعاملها بما يرضي الله أكيد بتعاملك بس نفس المعاملة صحيح بس أحس إني حر وفي نفس الوقت عيالي هم شغلي الشاغل أبي ما تبقى من عمري لهم ممكن أتعرف عليكي أكثر |
رد على: رتوش
[COLOR="DarkOrchid"][SIZE="5"]بالسلامة ان شاء الله
هههههههههههههههههه:) :) :) :) نتعرف ليش لا؟؟ ياخوف قلــــــبى يطلع مقلب ههههههههههههههههه:eek: :eek: :eek: :eek: متابعين يا غريب فته;) ;) [/SIZE][/COLOR] |
رد على: رتوش
متاااااااااااااااااااااابعه
ويالله غريب عجل علينا لاتصيف |
| الساعة الآن 11:07 PM. |
Powered by vBulletin® Version 3.8.7
Copyright ©2000 - 2024, Jelsoft Enterprises Ltd.
جميع الحقوق محفوظة لمنتديات الفطاحلة