منتديات الفطاحله - موضوع التبني للأخرين ؟؟؟؟؟؟؟؟؟؟

تاخرت كثير على الوعد يا الطامي لكن اللي يشفع لي اني ماوضعت تاريخ محدد

بخصوص التبني يعني اكيد انه لقيط او يتيم ما اعتقد انه له حال ثاني

خليني اتكلم عن تجربة سابقة وعن نفسية اليتيم او اللقيط وقتها كنت اطبق عملي وجاء حضي اني اكون في دار التربية الاجتماعية بالرياض وبصراحه التصقت فيهم عن قرب كنت اشوف في عيونهم الدمعه بس مساكين مايسمحون لها ان تنزل وفي يوم من الايام شفت احدى النزلاء واقف عند الباب ويتفرج في الماره وفي السيارات جيت جنبه قلت له تبي تطلع وتشوف العالم على حقيقته رد عليا رد والله يا الطامي اني بكيت والان وانا اكتب لك القصة دموعي نزلت لان ها النزيل مازالت صورته في مخيلتي تعرف وش قال قالي تضمن لي ان المجتمع الخارجي يقبلني ومايرفضني تخيل نزيل صغير يقول مثل ها الكلام اللي استفدته عرفت انهم يعرفون حقيقتهم ولكن يكتمون مشاعرهم لانهم مايتحملون احدى يجرحهم او يستنقصهم والله لو تعرف مطالبهم والله انك تنصدم 98% منهم يبون يشوفون امهاتهم وابائهم الحقيقين ولو من بعيد وكلهم يتفقون في شي واحد بالذات اللقطاء حقدهم على ابويهم الاصلين اليتيم احسن حال من اللقيط لانه يعرف انه عنده ام واب وعنده عمان وخوال بس مشكلته ان اهل امه او ابوه مايقدرون يتكفلون في معيشتهم فيودعونهم دور الايتام اما القيط مشكلته الكبري اذا كبر وعرف ان ها العائلة اللي تبنته ماهم اهله الحقيقين ينصدم ويكره المجتمع وقف على قصة بنت تربة من الصغر في احدى البيوت الكريمة و بعد ماكبرت كان لابد من مصارحتها انها لقيطه والله البنت دخلت في حالة حرجه لولا لطف الله ........ بس تعرف يا الطامي من اكثر من يرحم اللقيطه تصدق انه اللقيط اللي مثلها لانه يحس بمعاناتها ويحس بمشاعرها

الطامي والله موضوعك اذرف الدموع