رد على: @ان من الشعر لحكمه@
 

سقى الله يوم انا طفلة انام ولااحد قدي
ولااحاكي هموم اليوم ولا انطر امل بكره
تلاعب يدي الدميه وعندي هالزمن وردي
همومي لعبتي ضاعت وعندي هم وش كبره
كبرت وزادت همومي واحس ان الزمن ضدي
كبرت ونظرة الطفلة تعيش بداخلي فطرة
كبرت وعشت هالدنيا كبرت ولاهو بيدي
كبرت بشكلي ورسمي وقلبي باقي بصغره

رد على: @ان من الشعر لحكمه@
 

الضيق ماهو بالسعه والمساحه
الضيق لا ضاقت بك قلوب وأرواح
والبعد عن ما تكره النفس راحه
من لا توده فارقه يوم ترتاح
والكبر لله والتكبر بجاحه
والوقت نصه جد والباقي مزاح
والصوت حشمه وارتفاعه وقاحه
كذاب من قال انطح صياح بصياح

رد على: @ان من الشعر لحكمه@
 

اذكرك كل ما شرقت شمس
وكل ما غنى عصفور
اذكرك ما دام بي نفس
والعين ترى النور

رد على: @ان من الشعر لحكمه@
 

جار الزمان ولوع القلب تلويع
وصارت بـلاوي دنيتي تمتحني
يالله دخيلك طالبك قبل لا اضيع
تاخذ بيديني وتبعد الهـم عـني
الحزن قطعني على شكل تقطيع
صار الحزن ياخذ تواصيف مني

رد على: @ان من الشعر لحكمه@
 

ودي اني ما تعداك يالبيت الحرام
وودي ان اعيش فيك العمر كله واموت
الله اكبر لا اذن المؤذن وكبر الامام
واصبحوا زاكين الانفاس من خلفه صنوت
وابتدأ يرتل ونظم بترتيله زحام
وانتهى من ركعته وابتدأ يدعو..قنوت
يجعل بيوت الشياطين في عقلي حطام
كن صوته ينتشلني من بطن حوت
لاسمعته..يصغر الكون فعيوني وانام
وأمن اني مؤمن ابما يقول.. بلا مقوت

رد على: @ان من الشعر لحكمه@
 

غوص غبات البحور المراويس
واجيب من قاع البحر در غالي
وارافق اللي يكسبون النواميس
وارفى الخطا عن صاحبي والخمالي

رد على: @ان من الشعر لحكمه@
 

وين أنت ياصوتن له القلب خفاق
ينعش مسامع من يحبك ويغليك
غيرك من الاصوات بالفين طقاق
الا أنت قلي بالغلا وين أوديك

رد على: @ان من الشعر لحكمه@
 

ياصاحبي لا تشتكي اليوم تندم
ويزود همك غم وتصبح تعاني
لكن تصبر دام ربي فتق فم
واصرخ بأعلى الصوت هالعمر فاني

رد على: @ان من الشعر لحكمه@
 

كبرنا وشفنا والليالي عرفناها
توافيق وحظوظ.. والرياجيل تلعب دور
وانا قادر آغني معاهم واشاركهم
وحظي معاهم طيب ولا عليه قصور
ولكن انا في بعض الاحيان تلقاني
احاول احس احساس ابو جعفر المنصور
لو انه يجي ويشوف بغداد وش صارت
سماها كفن للناس.. وترابها كافور

رد على: @ان من الشعر لحكمه@
 

الحب مايعرف قبيله ولا دين
نكس حكومات وكسر اشده
جوه عقال وراحو مجانين
كم واحد خاضه ولاهوب قده