منتديات الفطاحله - نادوا الدكتـــــــور ياللي تعرفونه

[poem=font="Simplified Arabic,5,darkred,bold,normal" bkcolor="transparent" bkimage="" border="none,4," type=3 line=0 align=center use=ex num="0,black"]
جزل القصيد
نادوا الدكتور ياللـي تعرفونـه
ودنا بـه لـو ثوانـي نشغلـه
وكان هو مشغول روحو لاتجونه
مانبي تثقـل عليـه المسالـة
المشرف العام
هات علمك كان تشكي من جنونه
القرايـه مهنتـي فـي اكمـلـه
وكان راسك يوجعك عندي المعونه
مطـرق حامـي يفـك المعضلـه
جزل القصيد
ياهلا واهلين باللـي مايخونـه
غير شخصٍ في نظامه يجهلـه
مانويت اشكي من اللي تونسونه
يالعويد اللـي تـدور مشكلـه
المشرف العام
وهات معك العود نكشف عن عيونه
اقشط المويه بشـرط مـا افضلـه
وكان يشكي من الركب وإلا سنونه
ادفنه في الشمس وسـط المرملـه
من سمع هرجك تأكد من ظنونـه
شايب مسمكر وليله مـا اطولـه
ليه فحيح ولا ركض عرقت متونه
ولا جلـس لابـد منـك تحملـه
جزل القصيد
شايبي خله مادام الذيب دونه
لوبغاك بظرف ساعه معجلـه
شد حيلك دام راسك في متونه
لايجيك اللي بلحظـه ينشلـه
المشرف العام
اعرج اركى على محرول شئونه
خايف من الذيب يهرج ارجلـه
ما خبرت الظبي من كثرة وهونه
يبتعد والذيـب عظمـه ينسلـه
جزل القصيد
الله اكبر كن عودك به ليونه
طايح ثاوي ويـدك مخملـه
من يشوفك قال هذا فيه بونه
كل شينٍ شين لازم يعملـه
المشرف العام
صايدك يالظبي لو رحت لحبونه
عارف مسـراك مانـي باجهلـه
خل شعرك في الغزل يعطيك مونه
او يفكـك مـن شـواظ ارسلـه
جزل القصيد
اه ياوجدي عليك من المهونه
كل قافٍ في ظهـرك نحملـه
شارد ابياتي لقى عندك زبونه
كل بيتٍ جـزل فيـك نكملـه
المشرف العام
انتبه للقاف لا تكـرر بنونـه
ووط رمحك كان تشعر بثقله
دور اللي ما دريتَ عن ظعونه
ينخدع لا شاف طير وشولـه
جزل القصيد
قاف شعري مستريحٍ في ركونه
لابغيته فـي ثوانـي مسهلـه
كان عقلك فيك لاتمشي بدونـه
ثم تطيح بنارك اللـي مشعلـه
عبدالله الشويمان
انت يا دكتور قوس بلا مرونه
ون حذفت السهم مارح انمله
مير دورلك على أحدٍ يصونـه
خايف انك تنجدع بالمهملـه
المشرف العام
انت مع عودك ترى اتعب نمونه
في المحاور لو يقلك ما اجزلـه
خل عنك الشعر انا ياخوك دونه
ارسم الأهداف خطي ما اعدلـه
جزل القصيد
عودي اتسلى معه وابحث شجونه
عـارفٍ قـدره ولانـي مهملـه
لايروح بعيـد لاتخطـي ظنونـه
والله انـي وافـيٍ لـه مخذلـه
المشرف العام
من تحزم بك هدم عالي حصونه
في الرمل غرز وتعجز تنشلـه
دم بنقالي وجفنك من جفونـه
سايق تريله وتمشي الحنشلـه
جزل القصيد
انت شايب ماتفيد ابك المعونه
ارفعك وتطيح باسفل منزلـه
الاوادم كلها نفـس النمونـه
وانت مثل العود وسط المكحله
المشرف العام
موترك بوش ولا تقـدر تصونـه
دام مـوت المـحـاور بأجمـلـه
نصف ساعه والشعر يشكي شطونه
وانت في الألعاب شعـرك تهملـه
جزل القصيد
ياطبيبي موتري تسمع لحونه
وخر عن الدرب مابه فرملـه
الشعر عندي يلاقي من يصونه
وانت قاف الشعر لازم تخذله
المشرف العام
بان لك علمي ترى ادري كنونه
لاتحـزم فـي حـزام تنسلـه
قاضي قازه ولا ينطح خشونه
اتركه عنك بـدرب الحنشلـه
موترك خبط وتنشق من دخونه
اشتر السيكل بظهرك تحملـه
سايق تعبان ما يدري فنونـه
لو ركب صاروخ جته القنبلـه
جزل القصيد
قافك مكرر ولاعنـدك مرونـه
ماتعـرف الا تـردد حنشلـه
بيت شعرك شاب واثقلته ديونه
والتـردد بالقوافـي مهزلـه
المشرف العام
شايفٍ شوفك واظن بك الصخونه
ارجع وصحح لشعـرك وعبلـه
كانني كررت في شعرك لحونـه
عـدل المايـل وليـا تفتـلـه
عبدالله الشويمان
كان فيه الضغط لا لا تزعلونه
وسكره بشوي مر إن نزلـه
الله انه يجعل الصحه سكونه
شايبٍ قاضي ضعيفٍ معولـه
جزل القصيد
امتهنت الشعر تاطا في بطونه
كل عـشٍ بالقوافـي تنخلـه
اركد اركد كل شيٍ في حتونه
بالتانـي كـل شـيٍ تشملـه
المشرف العام
خادع مخدوع يا عود الرعونه
لا توهـق بالهنـود وبنقلـه
سرع مايقلب على اللي يتبعونه
وش تبي به خل عنك البهذلـه
وانخلك ياطير برمان بعهونـه
وش بقى بك غير صوت الدخله
لا جناح ولا خوافي او زقونـه
منتهي من امس بابك واقفلـه
جزل القصيد
شايب النيبال ربعي يزعلونه
والاقامـه تالفـه ومعدلـه
الكفيل ماخره ماعطاه شونه
والرسايل ماتجيـه معجلـه
عبدالله الشويمان
الخوي ابداً خويه مـا يخونـه
وانت اضنك مع خويك تزعلـه
باي لحظه تتسذح الرمل بعيونه
خوتك ما توومن لـه تخذلـه [/poem]