هههههههههههههههههههههههههه


ياسلااام


تعال يبو عبد الله




منهو اخور مرّه


الله يكفينا الشر

[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
انا باصفي حسابي معه وارجع المنهدي= شويب يحسبه توه صغير ولابدى ختانه
وابرجع رويسه لك يا ابن منشار وآهدي= لأنك صاحب ماخبر مثله عالي شانه[/poem]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ثلاثه ضـــــربها فواحد أكيد الضرب بالجلدي = قسمناها جمعناها وصارت حيل نقصانه

واذا الشايب يبي الفــــــزعه نريده يمّنا يبدي = ويبشر لا انتخا فينا على شارون واعوانه[/poem]


هع هع

طبحنا


اقصد بالشايب ابو عبد الله

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
وحيد وسيفي المسلول من دم العرب يندي=غزيت الفرقه اللي ليلها دانه لدن دانه
يابن منشار نص المجتمع شايب على فندي=ولاتقدر تفريق بين شيبانك وشيبانه [/poem]

[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
ونص المعركه شيبوب حط الرجل محتدي= والى من عنترٍ قفى يبارز ظله اوزانه
احسبك قبل هذا فارس الفرسان من نجدي= وثاريك الحطيئه جيد بالهجو بازمانه[/poem]

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
اشوفك ياغراب البين تنعق وانت متغدي= على جثة بعيرن من قديم الوقت خرثانه
جناحينك كساها الشيب لامن طرت ماتودي=وانا صقرٍ يشيلك لوبغيت بريش جنحانه[/poem]

خالد بن منشار...سلام يا الغالي


[poem=font="Simplified Arabic,5,red,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
بطاط النخلة العوجا يبط بخارج الحدي=مثل خالد بن منشار يومه نسي شقانه
يبي يفزع لعود ما يعينه لا ولا يلدي=ويمكن يفترك يمه بكابونه وعصيانه[/poem]

ههههههههههههههههههههههههههه


يالله حيّ الشيبان


[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
أنا شفت الحصين اليوم ينبش في ثرى اللحدي = سرق عظـــــمه من الجثّه وودّاها لورعانه

وجانا شاهده يسعى وهو فالخــــــلف ممتدي = حلف بنّ الصحيح انقال وان الحق برهانه[/poem]

[COLOR="Purple"][B][B]ههههههههههه

والله محاوره شيييييي

بس اشوف ان الفريق الثاني المكون من ( المشرف العام & عبدالله المرشدي ) عندهم التمااااس افاااا

انا ناويه اشجعكم ^___^

خالد بن منشار & عبدالله الشويمان ..

ماشاء الله عليكم ماتخاصمتم <== مانيب معطيتكم عين خخخخخ ذكرت الله ^___^

يالله انا متابعه لكم...

شدوا حيلكم يالطيبين .

.الفريق الثاني خلوكم يد وحده واذا خلصتوا من هالمحاوره ابدأوا في محاورة ثانيه وتهاوشوا فيها على كيفكم يالصقور...

تحيتي لكم / مشاعر حالمه ..[/B][/B][/COLOR]

لا يامشاعر


انا توي بديت معهم وانا وابو عبد الله فريق عنيد هههههههههههههههههههه

والله يستر من تواليها هذولي الشيبان خطيرين ويعصبون بسرعه هههههههههههههههههه


تسلمين على حظورك الطيب

[poem=font="Simplified Arabic,5,purple,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
الا يالمرشدي هونك سهامي صعب تنصدي = ومثلك كالحبارى لافترسها الحر شبعانه
وشوفك باديٍ ترفس فحر الموت له ردي = بدا ماطورك يخبط يبي توضيب وصيانه
انا بدلتك بخالد رفيق الدرب في الشدي= فلا لي في رفيق بالظهر ما يترك اطعانه
ونا اعلنتها هدنه مع الشايب فهو سعدي= ومع اللي فالح دربه فلاح الطيب شيهانه
[/poem]

[poem=font="Simplified Arabic,6,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
انا باروح مادام التفاهم معك منلدي=واخلي شلةٍ تلعب على الالحان طربانه
ابن منشار بشويمان متجود ومنشدي=ولاهمه ولا فكر بقوم جات عجلانه[/poem]

الله يصلح الشان ويغيب الشيطان

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
سلام الله على الدكتور والصاحب ومن ضدي= سلامٍ من صميم القلب والتقدير شريانه
تقابلنا على المعروف مابنصعر الخدي = نقدر شيخنا والي صغيّر نشد بنيانه
الا وين الشويمان ازهموه اليوم بالردي = نبي صلح العرب والي مضى في درب تبانه
انا مارضى يروح المرشدي زعلان ويصدي = فنون الحرب والملعب تراقص فيه شيطانه
الا صلو على احمد واذكروا الله واطبخوا المندي= وياخالد تركد واعرف الملعب وفرسانه [/poem]

[poem=font="Simplified Arabic,5,,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
نبي نقلط على ضيفة طويل الباع والمدي=ونرفى زلة المخطي ولو يخطي على شانه
وكبار السن هاليومين لاتاخذ ولا تدي=ولا تهتم في ساير ضعيف الهرج وامتانه
وانا اتشرف بنظم القاف بين البني والهدي=مع امثاله وشايبنا وشايبهم وغلمانه
نبي ننسى كلامٍ فات اذا بده واذا بدي=مادام ان القلوب الطاهره بالود رويانه
وخالد نشمله بالعفو اذا هوناويٍ يدي=ويقلط جنبي الايمن وابو عبدالله اوزانه[/poem]

[poem=font="Simplified Arabic,5,blue,bold,normal" bkcolor="transparent" bkimage="" border="none,4," type=2 line=0 align=center use=ex num="0,black"]
إبن شويمان جاكم مسرعٍ من فوق مصعدي=يبي يعرف عن اللي صار بالطاروق وشجانه
عسى ما شر بالخطر بدت إتجيب وتودي=ووش اللي مزعل ابن المرشدي ترضيه شيبانه
على وضح النقا نمشي ونرفع للعتب بندي=ولا جا بيننا شيٍ يثير اغبار بركانه
يابن منشار لا تقدح بزندك العرب تغدي=تضن السالفه صدقٍ وحنا الولف واقرانه
وفلاح وخالد وعبدالله بن المرشدي سندي=وشيبان الفطاحل للسند يوفون ميزانه
[/poem]