منتديات الفطاحله

منتديات الفطاحله (http://ftahilah.com/index.php)
-   همس القوافي للشعر النبطي (http://ftahilah.com/forumdisplay.php?f=10)
-   -   ( الدلة اللي ماتبهر من الهيل ) (http://ftahilah.com/showthread.php?t=30406)

الخنساء 27-08-2009 03:25 PM

رد: ( الدلة اللي ماتبهر من الهيل )
 
[quote=احمد الجريفاني;719594][poem=font=",6,black,bold,normal" bkcolor="orange" bkimage="" border="double,4,black" type=2 line=0 align=center use=ex num="0,black""]

مثل الجبل ما هزني قالن او قيل=ما دمت اميز هامتي من رجولي

ابعد عن دروب الخفاف المهابيل=ولا يهمن هرج كل امهبولي

وان خاطبن عاقل سليل المشاكيل=اقف واهللي به وانوخ ذلولي

اعطيه من راسي علوم وتفاصيل=واخذ علومه وابتعد عن فضولي

ولد العرب لاصار ما ينطح الشيل=ولا يعرف المرجله والاصولي
ولا بهر الدله وحاف المعاميل=عزيمته جبنه ولبنه وفولي
وخر عنه يا عل دربه تساهيل=من شان يبعد لايصول اويجولي

من كلمتن تعرف نصوف الرجاجيل=ومن كلمتن يعرف سليل الفحولي

كبر الجهامه ماتهنا به الفيل=لاسمعتن زينه ولا زين زولي

طير الرخم يدبك بليا محاصيل=يخاف من ظله رعاعن جفولي

والصقر له سمعه وقيمه وتبجيل=لا ضاع صاب اللي يهده ذهولي

خشم الجمل يفرق كثيرن عن الذيل=والبشت حشمه والردى للنعولي

زين الرجل لاصار عاقل وحلحيل=يعجبك لامن صار فعلن وقولي

ياويل حالي ويل ويلن على ويل=هذا الزمن شاهدت شين يهولي

شفت الهمج ما تعرف الجدي وسهيل=يضيع لو عمره ثلاثين حولي

ويبدا يصيح اليا امطرت واقبل السيل=يشكي على ربعه يقول افزعوا لي

خطوه بخطوه لا تعدون با الحيل=وليا مشوا خطوه يقول اوقفوا لي

(الدلة اللي ما تبهر من الهيل )=ما تشربه حتى السلق والعجولي[/poem][/quote]

صح لسانك مليون ولايكفون
قصيدة جزلة من شاعر جزل متمكن
سلمت ودام نبضك الرااائع


الساعة الآن 09:53 AM.

Powered by vBulletin® Version 3.8.7
Copyright ©2000 - 2025, Jelsoft Enterprises Ltd.
جميع الحقوق محفوظة لمنتديات الفطاحلة