[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
خلاص لك عذرك ولافيك باسي=وعتبر الموضوع مسكربمغلاق
واسلم سلمت ولايصيبك عماسي=وكل على قده من الحمل ماطاق
وقدرك على عيني وخشمي وراسي=ياطيب السيره تحيات واشواق[/poem]

تقدمت التاء على الياء مع الإستعجال

طيب وين مثلك اخي الخواطر مهنتي

اتق شر الحليم اذا غضب

+++++++++++++++

لا من لقيت اللي بصدره رحابه = لاتغضبه فالشر في حلم الاجواد

[poem=font="Traditional Arabic,6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
وانت يامشرفنا وين المثل

( يجوز العيد بلا حنا )[/poem]

يجوز العيد ابلا حنا = مدام الكل يتهنا

احد يقول حلبه واحد بحل به

[poem=font="Arabic Transparent,6,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
ماينعرف وشهو ومن أية فصيله=احد يقول حلبه واحد بحل به

قال قه قال مايفقه[/poem]

لا ونا اخوك احد يقول حلبه واحد بحل به
ان الناس تجهل والقائل يعرف ولكن لايريد الكلام لأنه بحل به
فهذي قصة الفلاح اللي كان عنده عامل ، وارسله يجيب القهوه والقدوع ، من البيت ، ويومه تباطاه شوي
دك في قلبه هاجوس شين ، ويوم فاجأ العامل ، واثاريه يقردن حرمة الفلاح وعلى وشك ... فاخذ له
هالكشليخه يبي يضربه بانحاش العامل ، ومر على شرب الحلبة او موقع زراعته واخذ له غمطه ، وهذا يلحقه
ويصيح للناس وقفوه ، فينشدون العامل وهو يركض وهو يقول لهم على شان هالحبة اللي اخذتها يبي يضربني،
فزعلوا الناس من الفلاح وشل لون تلحق هالمسكين على شان جمع حلبه ، فرد عليه احد يقول حبه واحد بحلبه..
فهو لايستطيع الكلام لأنه رايح يفضح بحرمته ..

قال قه ، في ... من لايسمع ولا يفقه ..

مثل يضرب عندما تواجه بشخص غبي لايستفيد من تجاربه
فمهما تعلمه ومهما مر به من تجارب لايستادب ..


عنز لو طارت

ماشاء الله عليك يابو عبدالله لأول مره أعرف هالمثل والقصه
بس ترى البيت ينفع كذا
والمثل حقي يقال كذا في بعض المناطق بس عاد تراك ماجبته في بيت شعر

قال قه ، في ... من لايسمع ولا يفقه
هذا اللي اعرفه ، فيه كلمة ما تنقال في الفراغ..
وما اوردته جاء بصيغة اخرى

والنظم لو صبرنا شوي حتى تجتمع ونحاول ننظمها في قصيدة كاملة

كفو يابو عبدالله
لكن ترى كل هالأمثال اللي قلناها يبيلها معلقه يالله يالله تكفيها

ابن الوز عوام
اتق شر الحليم اذا غضب
اتق شر من احسنت اليه
احد يقول حلبه واحد بحل به
الرمح من أول ركزه
الدار دارابونا والقوم طردونا
اذا كان بيتك من زجاج لاترمي بيوت الناس بالطوب
الذيب مايهرول عبث
بقيناها طرب صارت نشب
حلات الثوب رقعته منه وفيه
قال انفخ ياشريم قال مامن برطم
قال قه ، في ... من لايسمع ولا يفقه
الحر تكفيه الاشاره
الباب اللي يجيك منه ريح سده واستريح
الصمت حكمه
اطرش في الزفه
عنز لو طارت
عين الحسود فيها عود
البيت اللي مابه مره ولا بقره مابه ثمره
العين ماتعلى على الحاجب
القرد في عين امه غزال
اللي في القدر يطلعه الملاس
اللي ما يعرف للصقر يشويه
امشي عدال يحتار عدوك فيك
النار ماتورث الا رماد
أهل مكة أدرى بشعابها
كل شئ يزيد على حده ينقلب ضده
كل مطرود ملحوق
ما تهون العشرة إلا على الردي
ماطار طير وارتفع الاكما طار وقع
مالك الا خشمك ولو كان عوج
مثل الكحل في العين الرمدا
من علمني حرفا صرت له عبدا
من لم يؤدبه والداه ادبه الليل والنهار
وعد الحر دين
يجوز العيد بلا حنا
يكبر ويدبر
ـــــــــــــــــــــــــــــــــــــــــــــــــــــــــــــــــــــ


الف اولف بالمثل درّ قيفان = نسج الفطاحل من عقولٍ كبيره
ما قل دل وزبدة الهرج نيشان = والهرج يكفي صامله عن كثيره
اضرب مثل يفهمك من كان شيهان= تكفي الاشاره لو بدت لك قصيره

أنا ما أدري وش انت ناوي يامشرفنا
لكن هقيت انك بتسويها ألفيه وهذا حرف الباء
والموضوع عن الأمثال السابقه

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الف اولف بالمثل درّ قيفان=نسج الفطاحل من عقولٍ كبيره
ما قل دل وزبدة الهرج نيشان=والهرج يكفي صامله عن كثيره
اضرب مثل يفهمك من كان شيهان=تكفي الاشاره لو بدت لك قصيره
والبا بنيت القاف ولانيب حيران=والنفس خضرا والليالي ستيره
وابجمع من الأمثال لربع وخلان=ومن المعاني اللازمه والخطيره
ياكود يفهمها مضيع وبحلان=ويحطها نيشان لعين(ن) بصيره[/poem]

[QUOTE=سناعيس]أنا ما أدري وش انت ناوي يامشرفنا
لكن هقيت انك بتسويها ألفيه وهذا حرف الباء
والموضوع عن الأمثال السابقه

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الف اولف بالمثل درّ قيفان=نسج الفطاحل من عقولٍ كبيره
ما قل دل وزبدة الهرج نيشان=والهرج يكفي صامله عن كثيره
اضرب مثل يفهمك من كان شيهان=تكفي الاشاره لو بدت لك قصيره
والبا بنيت القاف ولانيب حيران=والنفس خضرا والليالي ستيره
وابجمع من الأمثال لربع وخلان=ومن المعاني اللازمه والخطيره
ياكود يفهمها مضيع وبحلان=ويحطها نيشان لعين(ن) بصيره[/poem][/QUOTE]

[poem=font="Simplified Arabic,5,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
والتا توق ولا يجي منك نقصان=ترى الحليم ان غضب بين سعيره
واتق من اللي فايز منك باحسان=يقلب عليك وكل شر(ن) يثيره
والذيب وان هرول فلا شك له شان=وان ما شريت الطيب جالك عبيره[/poem]

[poem=font="Simplified Arabic,5,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
والثاء ثلاث عض فيهن بالاسنان=الحر وعده دين ماهو بريره
والعين تحت وحدها الله بحجان=ماتعتلي عنها ولو هي كبيره
والثالث اللي كل يوم بميدان=ما يقضب ارضه ياا يقلل قديره[/poem]

[QUOTE=ابو زياد][poem=font="Simplified Arabic,5,black,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
والثاء ثلاث عض فيهن بالاسنان=الحر وعده دين ماهو بريره
والعين تحت وحدها الله بحجان=ماتعتلي عنها ولو هي كبيره
والثالث اللي كل يوم بميدان=ما يقضب ارضه ياا يقلل قديره[/poem][/QUOTE]
[poem=font="Simplified Arabic,5,,bold,normal" bkcolor="transparent" bkimage="" border="none,4," type=0 line=0 align=center use=ex num="0,black"]
والجيم جينا نطرب وكان ما كان=كانت بكيفي ثم صارت جبيره
جارك قبل دارك تخير والى زان=تعيش جمبه في حياة سريره
واللي يشوفك شوف نقص وحقران=احقر نباه وشوف عينه حقيره
والحا حلاة الثوب لا جاه نقصان=يرقع من اصله لايبين قصيره
والعنز عنز ولو طارت بجنحان=والنار توقد من صغير الشريره
وان كان بيتك من زجاج ولكزان=فاحذر تحذف بالحصاة الصغيره[/poem]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
الخاء خذينا من قديمات الأزمان=ان الليالي للمنايا سفيره
وان الرماد اللي بقى عقب نيران=وان الذيابه ماتهرول غريره
والصمت حكمه ونتكلم بميزان= ولامن وعدنا نلتزم بتحريره[/poem]