[poem=font="Simplified Arabic,5,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
مدام انا ركبنا كلنا مثل ماقلت بالصندوق=أجل وش قصة النيران واللي كنت تطريها
فلاح انته بلاك من الفكر عندك غدا مشقوق=ولاتعرف طبايع نجد ولا انته فاهم فيها
ورى هزلك مثل جدك سواة اللي بدا مخنوق=عجزنا نفهم ألغازك من الرمعات معفيها
الا ياصاحبي خلك مثل طيرٍ قطع لسبوق=يكفخ بالسماء يهوي على الصيده ويهفيها[/poem]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
هلا ياصحابنا والعذر بالتاخير رغم الشوق = نسيت البارح الموال غارق في بلاويها
انا قصدي انتعرف بالرجال وما نويت البوق = على وضح النقاء والمخطيه ماحدن يعديها
وما دام اجتمع شمل الاحبه واشتباك حلوق = فهات الي نشدنا عنه ياناكر مراميها
علامك مخفي اسمك يارفيقي كنك المشفوق = اخاف الانفصام يصيب نفسك كيف ترديها[/poem]

[poem=font="Simplified Arabic,5,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
اذا كانك تعد المشكله باسمي وعجزت تروق=هلي شمر (سناعيسٍ) تراهم انتخوا فيها
وانا ماظنك محقق وانا لك ماأكلت احقوق=ويلا من حانت الصمله أمدك في معانيها[/poem]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
هلا بك ونعم في ربعنا شمر عزاز عروق = وساع اصدور ياحيا قبيله نفتخر فيها
انا ياصاحبي من هالاسامي يخطي الزاروق = ولكن عقب علم الطيب هات الليله صافيها[/poem]

[poem=font="Simplified Arabic,5,green,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
بالمهلي هلا ومن الهلا الف وعليه طبوق=وترانا كلنا منها خلقنا وربي حطنا فيها
ولاعن ربعنا زهران ان كانك تنمي مخلوق=زياده مدح بالطيبه ولاتحتاج طاريها
ترى ماهو دليل هالأسامي معرضه للبوق=كل حر في نكه يسمي النفس ويخفيها [/poem]

[poem=font="Simplified Arabic,5,,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
بنينا قبل مع بعض الاسامي بيت من طابوق = وقبل انشد سقف البيت راح المختفي فيها
سنه ياصاحبي وانا ورى طيف يجي غرنوق = واثاره من اعز الناس واثرى جدب اراضيها
غريب احساس يمي صار قلبي دوم له مسروق = يجاملني ويمدح وان بغيت الروح يرهيها
واثاره صاحبي صالح بنجديه وانا محنوق = وعقب العام دز ارسالته والعذر يرقيها
[/poem]

:rolleyes: تراي داخل بس ما سلمت علشان ما قطع سالفتكم:D

واصلو وخلونا نستمتع

هلا والله
اخوي الطيار
جيه عزيزه
وعليك بــــ شعر الفطاحل لانه مقلع اقلاعي

تحياتي لك

عذرا أخي فلاح على التأخير فلم أنتبه
ترى هاليومين الطاسه فعلا ضايعه

[poem=font="Simplified Arabic,5,darkred,normal,normal" bkcolor="transparent" bkimage="" border="none,4," type=1 line=0 align=center use=ex num="0,black"]
أنا ياما حصلي من عنا المبهم بذات السوق=أجي شراي ويشريني بكحلها واعميها
غدينا مثل من ينفخ صميل ممتلي بشقوق=وضعنا وضاعت الطاسه ولاصرنا نقديها
واذا كانك سنه وحده ترى لي مثلها وفوق=خديعة واحد يبغى يحوس الطين صافيها
ولكني تنبهت وتقل من نومتي افوق=ورجعت لعقلي الفطري وعفت النت وماضيها[/poem]

[poem=font="Simplified Arabic,5,firebrick,normal,normal" bkcolor="transparent" bkimage="" border="none,4," type=2 line=0 align=center use=ex num="0,black"]
هلا يامضيع الطاسه تراني مثلكم مرهوق = نسامر همنا واما النفوس الله يشفيها
تكدر خاطري ياصاحبي عيا الخفوق يروق = اشوف جروح في قلب الزمان ومن يداويها
عقب سيرة محمد واذكر ابو بكر والفاروق = وعثمان وعلي واليوم من يحصر بلاويها
تغير وقتنا صارت بطولتنا مع مرزوق = ولا ننكر على الي زاغ لبه في هقاويها[/poem]