منتديات الفطاحله - شبيب بن جعيلان الدقباسي

اشكرلكم هذا الاثراء من الشعر الجميل

واشكرلكم اضافة ديوان الشاعر الكبير شبيب بن جعيلان بن مبارك الدقباسي (( عسى الله يشافيه ويطول بعمرة ))

فهو الصراحة من اعمده الشعر الشعبي

كما اضيف الى جعبتكم قصيدة له

وهي مرثية للمرحوم - بإذن الله - براك سالم الهيفي .

اقتباس :-

[align=center][align=center]بسم الله الرحمن الرحيم

اقدم لكم قصيدة للشاعر الكبير شبيب جعيلان الدقباسي

رثاء للمرحوم : براك سالم الهيفي - بأذن الله -

[poem=font="Tahoma,4,black,normal,normal" bkcolor="transparent" bkimage="../backgrounds/8.gif" border="groove,3,gray" type=1 line=0 align=center use=ex num="0,black"]

علمٍ لفاني كدر البال يابداح=ياليت والله ماسمعنا ردوده

سمعت به والدمع من محجره ساح=والعين عن حلو المنام محدوده

تبكي على ركنٍ من اركوننا طاح=من الركون الثابتات الصموده

اليوم راع الطيب والمرجله راح=عنا رحل مافيه رده وعوده

مرحوم ياماشي على درب الافلاح=اللي على الطولات كرس جهوده

من اول شبابه مدرك طيبٍ وامداح=براك مافخت من عوايد جدوده

لاجيت ديوانه بها البال ينساح=مجلس نشاماكل يومٍ تروده

الضيف والعاني ليا جاه يرتاح=نفسه على درب المراجل تقوده

وبين الجماعه دوم يسعى بالاصلاح=ماقط صارت فتنةٍ في وجوده

براك ابو سالم ياراحن الامزاح=مفراس ماصٍ ماتهزهز عضوده

في زلة الصاحب ليازل دماح=والا العدو يازل يصفع اخدوده

ولاهو على الدنيا بخيلٍ وشحاح=ماحسب المدخول نقصه وزوده

رافقت ابوسالم بمسرى ومرواح=رفقه شريفٍ وافي في عهوده

ياما قنصنا في عكاشات وارماح=في خايعٍ عشبه تهزع افنوده

مسقيه نوٍ بالوسم بارقه لاح=سيلٍ بثر سيلٍ ترازم رعود

تشوف فيه الريم في كل مضياح=قفرٍ ولا مره موده لذوده

اللي يجزيهن بحسه ليا صاح=وقوايد الحذرات دايم شروده

من فوق هافات بها طيور واسلاح=مقربات اللي بعيده احدوده

ينقل ابو سالم على الكف وضاح=لاتل سبقة من يديه امهدوده

جثل المناكب لبرق الريش ذباح=راكد وعن الطلع مابه ركوده

انعاك ياللي للمواجيب نطاح=لو ضاق صدرك مايبيح سدوده

لاشك جاك الموت كفاف الارواح=والروح في ايام الحياه معدوده

يزور خلق الله بممسى ومصباح=ولحدٍ سلم من قبضته في وعوده

الحي في الدنيا كما زرع فلاح=لابد مايحصد ولو طال عوده

عسى يقابل بالتهلي والافراح=في جنةٍ خضره تفتح اوروده

لاجا نهارٍ فيه خاسر ورباح=عسى شهود الخير تظهر اشهوده

وتمت بذكر الله عدد هب الارياح=وعلى النبي ازكى صلاة امحموده[/poem]

وصح لسان شاعرنا شبيب جعيلان الدقباسي

منقول