قوم صالح ترى كم بينهم هم وهود = ومنهو الي سبق منهم وكم من سنين
فهمونا عن التاريخ ياهل الصمود = شغلوا الذاكره بالله ياحاسبين

بين فكرة غرام وبين فكرة عذاب = ضاعت احلام عمري دوك غدر السنين
بين الآمال كني من يطارد سراب = كلما قلت هانت جد وقتٍ حزين

ينجي الله غريقٍ تحت موج العباب = جره الموج واسكت صرخته واخرسه
طار حلمه وطال الليل يطرد ضباب = والنهايه عجاج الوقت ركب فرسه

رسها في مواني الحب خل الكراب = دام دار الفطاحل للوفاء مدرسه
فتنة النت ردتنا لوقت الشباب = كل ماحد نشدني قلت ذي هندسه

ايش الجمال هذا يافلاح ، كلما مالك وتستأسد ، الله يعيني عليك ..

رس هذي مدينه وبير عنها العجاب = الله اللي ذكر وش صاب للغطرسه
يوم اهلها عصوا ربك ورد بالكتاب = كيف صاروا بعدها بحالةٍ متعسه

ماعليك زود ياستاذنا انا احتج على كلمة (تستأسد) اشكر لك اطرائك

عسها في حنايا القاف جتك انسكاب= تنشد الحكمه ماجاء بينها وسوسه
انت شاعر ولك بالعلم فصل الخطاب = احترامك ترى لاهنت مانبخسه

[poem=font="Simplified Arabic,5,,normal,normal" bkcolor="transparent" bkimage="" border="none,4," type=0 line=0 align=center use=ex num="0,black"]
خس هاك الديار وخس ذيك الهضاب =خس حمر العلابي هرجهم مانجسة
ومن تطاول علي ذا الرسول المهاب=رايته طول عمره دونة منكسه[/poem]

سهونا في الصلاة وينغفر بالسجود = وسهوكم في القوافي لازم ندمحه
من يشوف الصعيبه ماعرف للصعود = ومن يحاول رقاها والفكر ما ارجحه

في حالة انتهاء القافية بكلمة حرفيها او ثلاثة حروفها الأخيره نادرة فمن حق الشاعر
أن يستخدم الكلمة كاملة ...

ح هري القاف بالمصري وشرحك سرى = كل ماقلت هذا قال ذا سر ذاك
شاب راسي من افكاري وهمي سرى = من فتن ذا الزمان ومن كثير الشراك