بسيطة رح لديواني في النداوي وتشوف الصورة

خخخخخخخخ :) أبو عبدالله شوي ومانتب داري ألا أنا واقف قدامك وأشوفك على الطبيعة :)

ابقولكم سالفه غريبه صارت لي ..............................

في يوم من الايام كنت شاريه تنوره وكانت فتحتها طويله بزياده وجالسه اخيطها ,,

ما دريت الا وحده اعرفها داخله علينا وسلمت وقاعدين نسولف , يوم شفت انها مطوله

قلت خل اخيط عندها عادي(كل هذا عادي ) ما دريت الا وهذيك الشهقه فلانه مشاء الله عليك

تعرفين تخيطين ,,في هذه الاثناء انا طقتني البوهه ( احسبها تتطنز ) ابتسمت وقلت ايه عادي

قالت : انا ما عرف اخيط ,, قلت لها طيب لو انقطع زرار زوجك وش بتسوين ؟ ردت رد ليتها ما ردت

قالت : اذبه (ارميه ) قلت لو هو جديد ؟ قالت : ايه

وش رايكم وهي ام لطفلين وعمرها طاق 30 ؟

لا بسيطة البنت اللي ما تعرف تخيط ولا تطبخ ، يجيب الله لها زوج يعرف لكل شئ ويدربها ، المهم ترسم عليه
الين يتولع بها ولاعاد يقدر يرفض لها طلب ، شوي إلا وهو اللي ينظف عنها ويطبخ ، ولكن الحب بذبل مع مرور الوقت ، وعندما تتضح الرؤية يدرك الزوج إنه لم يأخذ حرمة بيت ، فتتغير التعاملات ، والله اعلم بالنهايات.
المفروض إن البنت ما تطلع من بيت اهلها ، مهما كانوا اثرياء إلا وهي تجيد اعمال المطبخ وأعمال البيت
ليكون دورها الإشراف على الشغالة فيما لو احتاجوا لها بعد الإنجاب .
شكرا لك
تحياتي

شموخ ماشاء الله عليتس:)

أبو عبدالله كلامك = كلام العقل :)

تحياتي:)

لوووووووول الله يرجك يا شموخ :p

من جد مالها داعي ذي صراحه لالا عيب عليهاا<==الي يسمعها يقول سنعه وخروا عنها:o :p

فيه كلمه اسمعها دايم وهي زوجوا فلان عشان يعقل

بالله عليكم فيه احد اذا اعرس يعقل ممكن تقل تحركاته

وممكن البعض يتجاهل هالي في البيت وتصير كانها مو موجوده,,وفي الاخير يبتلش ببزارين ,,

والبعض ما يقدر يتحمل هالمسئوليه ويطلق , وهذا احس ان فيه ظلم على البنيه,,, وعلى الوليد

لان البنت بتكون فرحانه بالعرس وبالدهره ,, بس المشكله لما يكون واقع وتنصدم مية الف مره

والكلام ينطبق على الشاب لا والمصيبه اذا كان اهله هم اللي يصرفون عليه ( ما عنده وظيفه )

اي والله صدقتي شموخ مو شرط ان الي يتزوج يعقل الكلام هذا مو على العيال بس حتى البنات

الانسان اذا نضج وغالباً ينضج بعد ما يعدي فترة المراهقه اكيد بيعقل بزواج والا بدون ,,,

واكيد شموخ الرجال مفروض ما يتزوج الا وهوو قد المسؤولييه وقدود لانه اكيد مو لعبه هذي عشرة عمر,,

ماشاء الله على سواليفكم حلوة بس لازم تعرفون أن كثير من الي تزوجوا عقلوا لكم لأن التشخيص للعلة كان صحيح لكن مثلاً يزوجون واحد ثور هذي المشكله :)

والله العظيم أن فيه ناس مايعرف وش معنى زواج زين وتلقونه كل يوم في مشكلة ووالله أني لين عرفت المشكلة وقسم بالله تافه بس لأن مايعرف يتعامل من الحرمة يخرب أمها وقسم بالله أني أحل بعض الأحيان مشكله بأن أعطي الشخص حل يعني وتنحل فأقول في نفسي والله حرام هذا الي مايعرف الطبخة يعرس وبعض الأحيان يطلق الحمدالله والشكر وحنا يالي نعرف ماكلين تبن في البيوت بس ياله الله الي يقسم الأرزاق :)

لكن الحمد الله الي رزقنا القناعة :)

يا عيني على الحكمه بس انت ما تحس انك ودك تذبحه ؟