اللي خذا عقلك..

[النداويه]

الي خذا عقلك وقلبك تهنى=انشهد انه مايعرف التعاسه
يحق له لامن تمشى وغنى=موال طيّر من عيونك عماسه
يجر مسحوبٍ يشيله مهنى=ويجر منكوس العيافي بفراسه
من ما حصل قلبي توجد وحنى=حنة خلوج ماتعرف الشراسه
في ديرةٍ تجلي هموم المعنى=في ديرة الصمان حلت مداسه
او وجد من هو مالقا ماتمنى=حظه نحيس وزاد حظه نحاسه
واللي على شوفه دفعت المجنى=ياجعلني فدوة عيونه وراسه
هو شوق قلبي والحشا له مبنى=يامر وينهي ويبتدع في لباسه
الدر والمرجان منا ومنا=ومن الغلآ فصل غلآه بمقاسه
ياحوف قلبى من ظنونٍ تظنى=وياويل حالي من حدوث انتكاسه
وجدي عليه وشوفته لاتسنى=مثل البدر نوره تجلا انعكاسه
لو يوم واحد فالعمر باتهنى=يوم ان هدب عيني لعينه حراسه