نـــــــــــــــوفــــــــــــ ـــ

[احمد الجريفاني]

سموك نوف وكنهم قبل دارين=انه على اسمه نوف تطلع عظيمه







احرجتي بذوقك كبار المزايين=اللي لهن رزًه وفزًه وقيمه







الزين يتبع سكتك وين تمشين=يا من تعديتي بوصفك (حليمه)







والملح يمسي وين يا نوف تمسين=نديم ما يقدر يفارق نديمه







انتي كما (الجوري ) بوسط البساتين=يسري عبيره لين ذعذع نسيمه







يهدى بعيد الحب بين المحبين=تذكار لاصحاب القلوب الرحيمه





لويشبهك في كوكب الارض ثنتين=صارن بنات الكون دقه قديمه







عز الله انك للمعاليق تسبين=جريمتك يا حلوها من جريمه







سبحان منهو صور الحسن من طين=لين اودعك يادرة الكون ريمه







لو ما ذكرتيني وقت ما تنامين =بسهر على شانك واخليك نيمه

















حبيبتي ليتك عن الوجد تدرين=في قلب منهوا زود البعد ضيمه









بعيد عن دارك ومتلفني البين=تايه بصحراء وارتجي عطف غيمه