اكلتي حبة التمره .. ونا مصّيت عجوتها

[فارس القوافي]

غريبه يوم غبتي امس شبّت بالحــــشى نارين = الاولى نار تحرقني والاخرى تزيد حرقتــــــها

اطفّي نار ثم تحيا بقلبي نار من صوبـــــــــــين = حرمتيني ظلام الليل ونـــــــــــجومك وقمرتها

سريت بليلةٍ عميا اقلّبها على الجــــــــــــــنبين = عسى ما اخطيت في كلمه وجافيتي بــــــسبّتها

ذبحني الشك ساعتــــــها اجل معقوله اتخونين = وش الي ناقصك مني وش الي انتي بحاجتــها

دلع؟ دلّعتك وسامرت طرفك لين با تصــحين = واذا قمتي ؟ اقول الله ياعيونك ونــــــــظرتها

ارتب لك كلامٍ زين لنّ الزين عشق الزين = واجيب احلا ورود الكون بين ايدين ضمــتها

اغار من الهوى لا! مسّ شعرك يومك اتفـــلين = ومن طفلٍ حبا جنبك يبي يدّك ولمـــــــــستها

انا ماحـــــبك بإخلاص.. انا آحبك ليوم الدين = اموت بوطية اقدامك وتربه فيــــــها جرّتها

انا ضحيت ؟ ماضحيت عطيتك كل ماتبغين = اكلتي حبّة التمره وانا مصّيت عــــــــجوتها