خــايف مـن الـديـان حـتى فالـمسـجد

[سعود القت]

صليت لي في مسجدٍ ليـل الاثنيـن = وليـا حـدا ديانتـي قـدم عيـنـي
ودخلت مسرع في صفوف المصليـن = خشعت لا يسره ولا انظـر يمينـي
واقصر على صوتي ليا قالـو آميـن = من خوف لا يسمع لصوتي يجينـي
وسلمت فالتسليـم برماشـة العيـن = فـي ثانيـه خلصّـت تسليمتيـنـي
وسبحنت باكثر من ثـلاث وثلاثيـن = وجلست حتـى راحـو المسلمينـي
وطلعت وانا عينـي يسـار ويميـن = وليـا البليـه واقــفٍ يحتريـنـي
وزرقني بصدري وانا اقـول بعديـن = اصبر عليّه ليـن وضعـي يزينـي
وعند المساجـد رافعـات المواذيـن = ماهـو بحـق يقـال متهاوشيـنـي
قال انت باير مير خلّـص وهالحيـن = ولا فيـه فكـه قاضبتلـك يديـنـي
وضغط وقمت اغيب وافيق في حيـن = وانا نحيـف وهـو جسمـه متينـي
قلت اله تكفى طالبك بـس يوميـن = مطلـوب تمهلنـي يبـا الله يعينـي
وجانا الامام وحال بين الخصيميـن = وتليت عمري مـن يدينـه بحينـي
وفريت هارب عن صعوط المجانيـن = متبحلقـه عينـي وتومـي يدينـي
وليا هل الحـاره يشوفـون بالعيـن = وتقامـزو مـع ساقتـي مقتفينـي
معي لا رحت يسـار اورايـه يميـن = وهـو بولهـم غـادن لـه رطينـي
ونجيت وجاني خوف من يوم الاثنين = لاحـل ليلـه قلـت يمكـن يجينـي