مساء النور يا نور المسا و الصبح لامن بان

[داعي الشوق]

http://www.stocksvip.net/p/af/(26).gif


مساء النور يا نور المسا و الصبح لامن بان = مساء الخير يا ورد الربيع و ريحه اطيابه

جمالك حيـّر افكاري و غيـّر حالي اللي كان = مريح البال ما يوم اشتكينا الحب و اسبابه

انا ما شفت في حسنك مثيل بجملة الاوطان = ولا ظن العرب فيهم بناتٍ فيك تتشابه

فريد بنوعك الباهي و ذوقك عالي و فتان = على خدك شذى وردك حلا و عيون جذابه

انا في بحرك الدافي غريق و حاير و ولهان = اعاني ثورة امواجه ولاني حاسب حسابه

صحيح الحب له نظره نناظرها من الوجدان = تترجمها عيون اللي جهلنا صيغة اعرابه

ولا لي حيلةٍ غير اشتكي للواحد المنان = يا عل يروف في عاشق حياته راحت نهابه

يذوب القلب في حبه و انا في مركب النسيان = غريب و تايه بدربي مع اللي ضيّع اصحابه

ضحايا الحب في درب الهوى يجمعهم الحرمان = و يفرق حالهم جرحٍ سكن بقلوب مرتابه

دخيلك ياهوى بالي تراني عايش بنيران = جريح و جرحي الدامي يطيب بشوفة احبابه


http://www.stocksvip.net/p/af/(85).gif