الحـظ للـي كـل حسـنٍ يـدره

[عبدالله الشويمان]

طلع معي هذه الابيات اتمنى ان يكون لها متلقي.لو ماهيب بذاك المستوى..
لكن يالله الحمد لله على كل حال.


الحـظ للـي كـل حسـنٍ يـدره
عدي طريقك يا جديدات الابيات=بحلا المعاني لجل كلٍ تسره
بملا سطورك من جميل العبارات=درٍ ثمين وسالم من المضره
درٍ وهبنياه رب السماوات=إلى نظمته لاق بالعين دره
أبيه جزلٍ ما يجي فيه عاهات=ما ينقطع لو جاه احدٍ يجره
لانيب ادور من وراه المباهات=اسوقه بدرب السعي للمبره
لبيك ياللي راغبٍ بالجزيلات=اللي تبيه انجيبه امن المجره
هاك المعاني والعلوم الحسينات=من عد قافي وما ورد ما أكره
مع تجربة عمري أبا سج سجات=أستلهم اللي فيه عزٍ وجره
حكم الغثيث من الامور الغثيثات=ابنصحك يا صاح عن كل شره
ما طاب بالدنيا من الخير له آت=وما ضر جنب عن حلاوه ومره
دور على سلوم الرجال السليمات=في باقي المشوار مع كل جره
سر وكسب العليا بحصد الكرامات=دور عليها بكل وادي وحره
لو كنت تاطا الشوك وشلفٍ وحيات=إن كنت عازم للهدف استمره
يكتب لك بكل الصحف والسجلات=إن صرت حي او ميت مع ولد دره
من يجمع بدنياه للآخره مات=قرير عين وكل خيرٍ يصره
آمن بربك وعبده بالعبادات=واللي به الشبهات إصحى تطره
ناظر عجايب خالق ارض وسموات=المحصي الزلات ماشٍ يغره
أكيد ما جا صح الا الصحيحات=الزين بين للرجال وتقره
للحر عين تازن بكل وزنات=تعرف علوم الطيب وتأتي مقره
شيٍ بعلم الدين اجوره عظيمات=وشيٍ بدنيا الآدمي به مغره
وتبع هوى الأولى على كل حزات=والثانيه كانه فسق لا تمره
ياما بهالدنيا أمورٍ كثيرات=تغري كثير الناس لوهي مضره
مسكين من يتبع بها كل سيات=الحظ للي كل حسنٍ يدره
آبختصرها حب للإختصارات=يكفي ولبيب العقل يرسي لبره
نضمت ابياتي ومني تحيات=للي قراها مرار أو بس مره
عبدالله الشويمان-الرعد