أنــــا انــتـــخـــيــــت للحرف؟

[نوارة شمر]

ارسل لي شاعر يرمز لنفسه باسم(نديم)
قصيده يشكي فيها على نواره والشاعره
شوق المطيري والشاعر برق
انقل لكم هنا قصيدته وردي عليه
اتمنى ترضي اذواقكم

-------------------------
يابرق هوليل الهوى بأوله برق؟؟=والا العذاب السحب..والليل بارق
مدري غرام وعشق والا انها درق=ياويل مدروقي من إجحاف دارق
اشكي عليك الحال ..ضاقت بي الطرق=واشكي على نوارة الشعر حارق
واشكي على شوق المطيري من الحرق=وين الغريبة عن غريبٍ مفارق
اللي سرقني بالهوى ياعرب سرق=عليه بيبان الضماير طوارق
صبّح ولامسّاء.. وجاوبت انا الورق=صرت بزمان غروب عقب المشارق
_________
الشاعر نديم
__________
وهذا رد نواره يانديم
واعتذر عن التقصير
______________
شدن مع التوجيه معناك والطرق=ثم انتخيت الحرف يرضي مفارق
يامن دعاني في بيوتٍ بها فرق=بثه الم لين اصبح بحكم غارق
نديم هذا الحب به لاهب الحرق= واشوف ضوحه فيك يالشيخ بارق
قليل يسلم منه يامجاوب الورق= كم واحدٍ هده من الشوق طارق
برقن وانا مع شوق ينبض بنا عرق= الشوق فينا له رسوم ومطارق
نطلب لك الرحمن يقديك للطرق= ونشوف كونك بعد ظلمات شارق
____________
نوارة شمر