يا بوظبي حنيت

[عمر ال شيبي]

مدينة العين دار الزين
بعد زياره لها


الله على سويحان درب المصاليح = يومن لها بتسير تنسى المصيبي
البارحه بالعين شفت التفاريح = لا قالوا دار الزين عزّ الصحيبي
امشي لها بالروح لجل التراويح = من ظيقة الانفاس لمّت بشيبي
لنّي غريب الدار وسط المسابيح = لكن عرب وهنود وبهم رحيبي
من كل صوب الوان شفناْ المساريح = وسط الجبال تحوم ليل المطيبي
والقلب يطري الخير شمس التصابيح = سبة عيون اللي تراقب غريبي
لا جتنيْ عين الريم لمع المصابيح = قالت هلابك قول وشبك صبيبي
قلت الهلا يا عين جالت مناويح = يا مرحبا وترحاب قلب اللهيبي
آنا اردني الكيف وشرب مرابيح = فنجال بن الزين ما هو بعجيبي
في صحبة الاخيار ربع المواضيح = لامِن لهم بالراس ماضن قريبي
يوم الشباب ايام ولت مجانيح = كنا كما الطوفان ينطح صعيبي
إن كان لك ثلثين خاطر مجاريح = روحيْ بامان الله مالك نوي بي
حنّا بخلود العين ماْحنا مساويح = يا بنت شرق وغرب فهمك لبيبي
نجلس هنا (بِستار ) مقهى المشاويح = يا ويل ويل الويل امْن الرغيبي
لا قلت انا بالشعر شي ٍ مشاريح = قصدي هنوف القلب هيّة النصيبي
من رقة البستان سرنا مطاريح = نكتب لها العنوان كفي النحيبي
يا بوظبي حنيت حن المصاييح= صوب الحنان اللي صفاهاْ الحليبي
لاْذّكرى طيبه والغلايا ملاييح = والشوق نبض الليل يجهد قليبي