البشر واجد وفيهم طيبين

[عبدالله الشويمان]

اليكم جديدي اتمنى ان يصل الى مستوى اعجابكم..


البشر واجد وفيهم طيبين
من نظرني بنص عينٍ ما أناظر له أبد=عيني ما تنظر الى من بالردى متمسكين
عزة النفس تعصاني وما أخالفها وعد=أعصي اللي ما تبيه النفس والعاقل فطين
هذا طبعي والطبيعه ربي واهبها بعد=حب من بادلني حبٍ لجل رب العالمين
التواضع من طباعي وما أبي شي من احد=غير وجه مستنيرٍ والبشاشه به تبين
يا كثرمن فاضت الدنيا عليه ولا جحد=للقرايب والرفايق ماشي بعقلٍ رزين
ويا كثر من فاضت الدنيا عليه وزاد صد=كن ما غيره بهذا الكون رجالٍ سمين
وش يبي رجال في انسان يحدى للنكد=بعده ابرك والبشر واجد وفيهم طيبين
لو يكون من القرايب مستعدٍ مستعد=ابتعد عنه ولو عنده من الدنيا الثمين
بس يكفي وكل نفسٍ معها ألله الصمد=ان ارادلها سعاده وافقت عاقل معين
من نظرني بنص عينٍ ما أناظر له أبد=بعده ابرك والبشر واجد وفيهم طيبين
عبدالله الشويمان-الرعد الجمعه 15/8/1427 هـ.

وسلامتكم