الشاعر القدير أبو خالد ضيف عزيز علينا في منتديات الفطاحله رحبو معي بـه

[مهدي الحبابي]

أخواني وخواتي اسرة هذا الصرح الشامخ يسرني ان ازف لكم بشرى وهي تتمثل في انظمام احد الشعراء المميزين على مستوى الساحه الشعبية في شعر النظم وهو الشاعر الجزل المميز بأخلاقه وشعره وأدبه الشاعر الغالي /ابو خــالـد


مـرحــباََ تـرحـيــبــةِِ نـورهـا يـجـلـي الـظـلام
نـورهــــا ســاطـــع أمـام الـضـيـوف اللافـيـه
فـالفـطــاحـل زارنـا ضـيـف لـه قــدر ومـقـام
وافـي ولـه مـع هـل الـجـــود سـمـعـه وافـيــه
شـاعـر يـفـرض على اللي يعـرفـه لآحـتـرام
لـه مـكـانـه عــالـيــه ولـه نـيـــة صـــافـيـــه
قـلبـه ابـيض وجـهه ابـيـض ومـعرفته وسام
وعرف أبو خــالــد فـخــر وانـشـد ألـعرافـيه
رجـل طــيـب رجــل شـعــر ولـه رأي تمــام
ولـو تكـلمــه فـي كـــلامــه لإجـابـــة شـافـيـه
وحـب أبو خـالـد وقــدره مـا يوفيـه الـكـلام
وما يـوفــيـه الـشــعـر والـوزن والـقــافـيـه
فـي محـل الـشـيخ عـثمـان والربع الحشام
الله يــحــيــك وقــلـــط يـا مــال الــعــافــيـة


شاعرنا هو احد الشعراء البارزين وإليكم بعض من نصوصه الراقيه والرايع والجزله


فوق هام السحب رايتنا وعشتـي يابـلادي= من نوالك بالخـراب نطـارده حتـى نمـده
والله ان نهدم ذراه وعزتـه علمـا وكـادي= من يخـل بالامـن والامـان والله مانـوده
الشهاده حق والدعوه مـع رفـع الايـادي= نطلب الله يحفظ آل سعـود ويديـم المـوده
الامن موجود والامـان يقطـن كـل وادي= في رغد عيش وسلام ونهتني نوم المخـده
اتفقنـا واتحدنـا كلنـا حضـر وبــوادي= ومن خرج منا عـن الاسـلام يالله لاتـرده
مانخاف ولا نهاب ونفتخر والامـن سـادي= مانرخي الحبل مـره وان زعلنـا الا نشـده


وكذلك يقول ابو خالد
اســـير الشـــــوق انا يابنت لاشمرت عن كمي = تغيـــــر نظــــرتي للنـــــاس وافتن واقتل الجاني
اســـير الشـــــــوق ماينكر هواك ولا يبي ذمي = ولا انكر حبــــكم يابنت وانتـــــــي سبة احزاني
انا يابنت جاهل بالهـــــــــواء معك اعتبر امي = خذيت الطــــــيب لي منهج وحب الناس عنواني
انا يابنت واحــــزاني تجــــي وتضمني ضمي = تجي الاحــــزان تقصدني ولا تبغـــي معي ثاني
تمنيـت الســـعاده لـــو تجــــي وتلمنـــــي لمي = واحــــس بطعمهـــا لــــو مرةٍ في عمري الفاني



ويقول في مطلع قصيدة أخرى


القلب في واديٍ والروح في وادي = يالله مــن رحمتك ربــــــي تجمعها

من شافنــي تايهٍ يقول ذا غادي = مايدري اني اسير وهاجسـي معها

لاغاب عني تركت الشرب والزادي = والنفــس طمـاعة تتبـــــع مطامعها

الناس تضحك تقول ان وضعنا عادي = ماتدري ان القهر في النفس يوجعها


وكذلك يقوك ابو خالد

السفينه لابحـــرت لاتهدين الشراع= البحر غـــــــــــدار موجــه غدا بالسابحين
الحيــاه أيــام والحـــب للعاشق متاع=اطلــــبي تدللـــي وابشــري باللـــي تبين
الوفاء للحــــب يابنـــــت والله مايباع= والله مرخص حب شــرواك وانتي تعرفين


وكذلك مطلع لأحد روايع ابو خالد

ياهواء البال لو رحتـي وغيبتي = ماتغيبين عندي حاضـره دايم

الغلاء والوفـاء لك يـوم قربتي = ياعلاج القلوب وياشـفاء الهايم

اااه يافرحتي بك يــوم سلمتي = كان يـوم السعد وحظي القايم

تبتسم دنيتـي لا ما تبسمتي = والله مالامنـي في حبكم لايم

لك سـنه ياصغـيره ماتكلمتي = مادريت ان موجك يغرق العايم



اترك لكم المجال للترحيب بشاعرنا الراقي أبو خالد