تعددت الأسباب ..والبياخة واحدة !!

[ثار التميميه]

" السلام عليكم ورحمة الله وبركاته "



كيف الحال وش الأخبار وشلون الأهل والوالد والوالده والاخوان والجيران

ومن يعز عليكم <<< أقول لايكثر

عندي سؤال خطير وهو وش وجه الشبه بين هالمماليح ..

http://www.un.org/arabic/aboutun/sgs/sg7a.jpg
&
http://www.movieguide.co.nz/images/pics/Morgan%20Freeman.jpg



هم على فكرة اخوان :D بس الأول يذاكر وشاد حيلة من يومه صغير وشوفوا وين وصل !

والثاني داشر و24 ساعه مدابك مع البزارين بالحارة وياللة جاب المتوسطة بالدف :cool:

ملاحظة مهمة ( تراهم مايقربون لبعض :D المسألة مجرد تشابه أسماء ) ..


على فكره ترى هذي المقدمه <<< كشخه حاطه مقدمه :cool:

الحين اخليكم مع المقتطفات البااااااايخه ..

الأشياء البايخه كثيره .. ومنها ..

...


## أنك تشرب بيبسي حار .. << لو كوكا كولا عادي

## أنك تصوم واذا أذن المغرب ماتلقى فيمتو .. :mad:

## أنك تدخل الماسنجر .. وماتلقى الا اللي ماتبيهم .. والأقوى منها ماتلقى أحد <<< شكلهم

صاكينها بلوك خخخخ

## أنك تشرب شاهي بشفاط << مزاز << ماصوره

## أنك إذا شغلت المكيف برد وان طفيته حر :mad:

## أنك تدخل المنتدى وتلقى موضوعك طايح ..

## أنك تقوم الصبح وتلقى معجون الأسنان مخلص ..<< للبنات فقط لأن الضبان مايعرفون

وشو المعجون :D

## أنك تشرق بالماء .. (( وجه يقول أغدي محد شاف .. :D ))

## أنك تغرز بالبر وأنت معك جيب .. ويمر من جنبك ددسن يمشي بشويش

ويناظرونك ويضحكون .. :mad:

## أنك تكتب رد طوييييل .. وأذا جيت تضيفه يطس .. مدري وين يروح .. << يجيني الصياح

## أنك تغص ولاتلقى أحد يطق ظهرك ..

## أنك تتفرج على اجتماع دول مجلس التعاون الخليجي .. :D

## أنك واقف عند اشاره واللي جنبك يفتح الدريشه وتفتح أنت الدريشه تحسبه يبي يسأل ..

وبالأخير يتفل <<< لاتفتح دريشتك الا إذا شفت خشته ترقل من ورا القزازه ( يعني يحكي :D )

واذا حكمت الظروف ومامسكت نفسك .. اتفل زيّه وصك الدريشه.. :p

## أنك تشوف فـلم .. وواحد غثيث جنبك يقولك القصه .. :mad:

## أنك تدور شغالتكم باندونيسيا .. <<< نعن أبوهم كلهم يشبهون بعض .. :D

## أنك تقرأ موضوع بعنوان ( تعددت الأسباب والبياخة واحده ) ولا ترد عليه << يعني

استح على وجهك ورد ! :mad:



يلااااا عااااااد أطلقوووو العنااااان لبيااااااخات حيااااااتكم .. :cool:

منقووول والحقوق محفوظه لبنت خالتي اللي مألفه الموضوع :)