النور نورك

[عبدالله الشويمان]

مع التحيه اضع لكم هذه القصيده من ارشيفي..
اتمنى ان تصل الى مسوى إعجابكم..


النور نورك
دكتور جيتك وندري إنه إعلاجـك=ما ينفع اللي مضابه سحر يـا دكتـور
مسحور انا مير يمكن انـي احتاجـك=هل انت عارف عذاب المولع المسحور؟
الشـور قلـي اذا يوجـود بمنهاجـك=هاته وخفف عناي ان جدت لي بالشور
مقهور ومن شافني قال افرد احجاجـك=ما جا على باله اني من الغضي مقهور
شهور اعاني وحبيبي قال وش هاجـك=يسألني الترف وهو معذبني امن شهور
شعور هاوي عذابي قلت مـا عاجـك=اللي عوجني وخلانـي بـدون شعـور
مغرور فـي زينـك الفتـان وبلاجـك=يحق لك تذبح العاشـق بكـل غـرور
الحور منها انت يا المزيون مدراجـك=متجمعٍ فيك وصفٍ من بنـات الحـور
النور نـورك ونـور العيـن وهاجـك=نور القمر يختفي ومنِّك يبيـن النـور
معذور انا لو بسحرك عشت بسياجـك=والا انت منتب بصدك لي ترى معـذور
مجبور انا في علاجك حيـث بعلاجـك=ترد روحي وفي رحمتك انـا مجبـور
معمور لك بالحشـى حـبٍ ومولاجـك=مدخل ضميري بغالي الحب لك معمور
سـرور شوفـك ويشفينـي تغناجـك=يا داعج العين عيني تنتظـر لسـرور
مشكور لو عدت لي يا عذب بمزاجـك=البِسك تاج الغلا وازيـد فـي مشكـور
النور نـورك ونـور العيـن وهاجـك=نور القمر يختفي ومنك يبيـن النـور
عبدالله الشويمان-الرعد 6/5/1426 هــ.