شبحـــــة عيــــونك

[سهيل الشمري]

يارتوم القاف حثّي للخُطى شِدّي مسير =انحري نيشان قلبي لاتميلين المسار
قولي الضّيقات لمّت والخفا وضعه خطير =والعتام اظْلم سِمايا والعمار اصبح دمار
يارفيق الدرب خِذْها عبرةٍ شلّت نِظِير =إقْتحم معناه واعبر للدّهاليز الصّغار
إفْهم المدفون واظْهِرْ ناتجه خلّك بصير =حِلّ للواجب تِبصّرْ قبل وقت الاختبار
زِدْت في شبْحة عيونك لين صدّقْك الضّرير =واسْرعْ بخطْوات ضُرّه ،قال فيك الاختيار
واسْتثارك في رسوله يوم لوّح بالشّطير =بعْد مارُسْل المودّه كلّ يومٍ لك تُسار
صاحبي هذي رساله وِدّ من قلبٍ فِطير =خذْ بجوهرها وحدّدْ منْه صتْعك للقرار
واعْطني صدق الجواب النار لاهبْها مثير =احْرق ضلوع وعروق ودمّر صروح وعمار
لاتلوم العُووود لو هو جاك في حرفه يزير =جاك من بركان وجْدٍ ماقوى يصبر ، وثار
يقْذف اشواق التّيتّم فيك مقطوع النظير =زلْزلنْ والله اعلم لين ضيّعْت المدار
يامرام الحرف واعْرفْ ماسواك اللي يدير =دِفّة القلب المعنّا لا لطمْ بحره وجار
حِطّها حلْقٍ بسمعك إنت شيخي والأمير =وانت دولة من تشرّد بعد فقده للدّيار
لاتخليني جنوني له صهيل وله هدير =خذْ معانيــّي وترجم ليه مجنونك مُثار؟
سهيل