الأصل آدم والفخرخمس الركان

[ابو أنس]

بعض العرب لو قال للقول ميـزان=ولا خير في قـول بليـا موازيـن

والرجل في قول المثل قلب ولسان=إلى أنفقد مـا ينستـر بالخلاقيـن

قالو وقالو وأكثـر القـول بهتـان=لو ما يدعّم بالحجـج والبراهيـن

وحنا نعيش بمجتمع أمن وأمـان=أخوه على التوحيد ويضمنا الديـن

حزنا الكرامه بالشهـاده وقـرآن=ودين تعاليمـه تحـدى القوانيـن

وماحد يقسمنـا لحضـر وبـدوان=وهو يعرف أصله ومنشاه من طين

والله نبذ جعل التفاخـر بالألـوان=وما أحد توققى بالنسب لفح سجين

والفخر بالمعروف مع بذل الإحسان=وعند الله التقوى تطيش الموازين

و اصل العرب رحّحل ولا فيه بلدان=واليوم كـلٍ فـي بـلاد مقيميـن

والطيب ما يختص بدوٍ و حضران=لأهل البلد والبر وأهـل البساتيـن

وإما تحوش الطيب يمناك ولسـان=ما ينفعـك والله لبـس النياشيـن

تميم وعتيبـة وحـرب ومطـران=والد وسري والعنقري والقحاطين

واللي بدار الغرب والشرق سكـان=واللي شمال (ن)او جنـوب البلاديـن

الأصل آدم والفخر خمس الأركـان=والمنتهى قبـر قياسـه بمتريـن