أبوالعلاء الشرقي !

[الشريف الشرّقي]

غيرُ مُجْدٍ في ملتي واعتقادي=نوحُ باكٍ ولا ترنمُ شادِ
لله ذلك الكفيف البصير ! معجب أنا بصاحب المعرة حتى النخاع الشوكي فهو - رغم ما ينسب إليه !! - من أذكى الشعراء إن لم يكن الأذكى علي الطلاق .. قصدي على الإطلاق :p أما رديء شعره من الناحية العقدية فحسبه الله عالم الغيب والشهادة .
~ ~ ~
هذه القصيدة - إن صح الوصف - من ديوان "السعديات" ذلك الملف المخزن في قرص غير قابل للمسح ، وسوف اتحفكم :rolleyes: بين الفينة وأختها ببعض ماجاء فيه حتى يفتح الله على قلب محبكم ....


ياسعـد والليـل غطـاه البخـور=والمعانـي مـن يمنيـك مترفة
اسقني من " سلافـات " البكـور=أو من الصهباء : نخب المعرفـة 1
عتقوها عـن ضـلالات الأمـور=واستحال الكأس .. هيـا نرشفـه
نـوحُ بـاكٍ أو ترانيـم الحبـور=غير مُجدٍ !! لابو اللـي خلفـه 2
يعني لاتضحـك ولادمـك يثـور=فكـك التعبيـر ولا كفكفـه
وانفجار الحرف أو حرف الفجور=كلهـا سيـان .. نفـس التكلفـة !
نسنس الغربي مع ريـح الدبـور=ودي افهـم بـس منهـو صنفـه ؟!
زي لاقالـوا : تملكـه الغـرور=ليش ماقالوا : مشاعـر مرهفـة ؟
قـدك الميـاس يابـدر الـبـدور=أو بِلَفظٍ : ياحلايـا الزعنـفـة 3
لو أردنا وصف ربـات الخـدور=كان سَمّع الوقت حرفـي شنفـه
الهوى احساس مايبنـي قصـور=لويكـون بشيـك محـدٍ يصرفـه
السواد اغراك يا عمـر الزهـور=والبياض يقول : جتني مصيفة 4
ياغريب الـدار ممنـوع العبـور=دونـك الخـط الحمـر لاتدلفـه
لاتعيـش الوهـم كوكبنـا يـدور=وانتبـه ياصـاح يكفـي فلسفـة
وادفن الاحلام في دنيـا الشعـور=واحتفـظ بالدمـع بالـك تذرفـه
صافي المعنى قبل يـوم النشـور=وزبدة الابيـات .. قصـدي الآنفـة
حظ من رابط على ذيك الثغـور=أو سهر ليلـه يناجـي مصحفـه
1/ السلاف أو السلافة : أفضل الخمر ، والصهباء المعصورة من العنب الأبيض نسأل الله العافية .
2/ كناية عن المدح .. كقولهم : لا أبا لك ، أو منتب صاحي .
3/يقول الدماميون : "روح مع ويهك ياحلايا القِبسة":Dأي ياشبيه السلحفاة ! وقس على ذلك حلايا الزعنفة .
4/ انتي يا الدنيا .