اليوم عصر الزيت خلاك في طيش

[منيع]

عن لسان ابائي واجدادي اليكم هذه الابيات وذالك بعد تطور الحضارة المدنية ومسببات الرفاهيه التي لاتحصى سائل من الله العلي القدير ان يديم علينا هذه النعمه
-----

ياهية ياعايش على جو كنديش=مالايعك بالغيض حر السمومي
بالبيت والموترعلى ضغطةسويش=تجيك هبات الذعاذيع تومي
والكرش مشحون بكباب مع الريش=خطر على جسمك يشق الهدومي
ماصلفقك جوع الرجال المداغيش=اللي قضوهابين تمر وعومي
تصبح وتمسي بالرخادون تطنيش=وتقضي المطالب بالعجل ماتسومي
اليوم عصر الزيت خلاك في طيش=وراسك من النعمةبدربه يعومي
ماعشت يامسكين والرزق تنويش=والبطن خاوي والشدادمحزومي
ولاصارمركوبك على ضمر الجيش=وصبحان ماجيتة ونفسك تشومي(1)
هذازمان كل من به مراييش=يضحك احجاجةماعلاة الوجومي
العصر فسحة باالاهل صوب كرنيش=وبالليل ساهر لوتغيب النجومي
برامج التفاز من غيرتشويش=تقضي معاها ليلتك ماتقومي
لااذن التالي غشى العين تغميش=وغطيت في نوم كثير الحلومي
تغيرت دنياك من عقب تهميش=وعليك متفضل كريم رحومي
يعطي عطايا الخير ماهي تناتيش=وانت امتثل شكر وصلاة وتصومي
وصلاةمن ربي على صفوة قريش=والتابعين وتابعيهم عمومي
---
لوجود ملاحظات على بعض الكلمات وشطر الابيات تم تعديلها ليستقيم الوزن شاكر لكل من الاخوه
اخي ابوزياد
ا خي الينوفي
الدكتور/ عثمان العبدالله
على توجيهم لنا والله يرعاكم
(1) صبحان مكان يتجمع في اهل القريه من اجل الحصول على العمل سابقاُ