يالله دخيلك وسعن بجوارها

[عمر ال شيبي]

البل هجت والهجوج اديارها = صوب الشرق مشرافها قلبي حليل
يا ونة ٍ ونيتها بسوارها = لا جت بكيفي ولا دريت ابها عليل
يومن تغيب العين قالوا ازوارها= تخفيف علّه من شكايا بالرحيل
وجدي على من صاب يد انوارها = لمس الحنان اكفوفها مد الكحيل
يومن اخلخل شعرها بخيارها = واشم عطره يا دخيل الله دخيل
تلفيْ بْليون اسبالها مشعارها = ظم الشفايف همسة ٍ ابها مخيل
يومن تِفطن للسوالف نارها = جمر ٍ برد برماد ظيق ٍ مع دليل
وين الفرح يا بلوتي مسيارها = كنّه تونى بديرته ساكن خليل
قبرن حفرته من قديم اذكارها = يالله تعين القلب يوم انه يميل
صوب الحبوس اللي عطاش ابيارها = يم ّ الحناين هجرنا وادن يسيل
ابلا سند مجعي خطيف انظارها = ما فارقتني وينَ اْلاقي لا مثيل
تحفظ قلوب الناس حفظ اسرارها = كيّه على اصدير العوازل بالمهيل
واستغفر الله من بيان اغمارها = لا جت ليْ حيله بالهواجس استميل
قلب العذارى والسوالف دارها = تمشي على طوق المناشر والنهيل
حبة صبر مفتاح فرج اجرارها = اليا تِعنّت هقوتي عابر سبيل
بدنيتي قالوا القناعه اشهارها = كنز ن لمن يبغى لشي ٍّ مستحيل
والله ورب الكون شيبي جارها = لا جيتها بالشوق والدرب المحيل
ابكي عليها بليلة ٍ معصارها = قهر الرجال الدمع خبري مو قليل
يم دورين الكيف هيل اطوارها = هاتوا الربابه وسمعوا صوت القبيل
وبكوا على اليتمان حظ اخمارها = تسعة شهور ابطيتها رد الجميل
اليا تقهويت الوجوم احيارها = فوق الوصف ابياتنا حزن العميل
يالله دخيلك وسّعن بجوارها = قلبي معاها والعنايا ما تشيل
حملن حملته بالخِرج لشوارها = حمل العجوز اللي بلاها من عويل
يومن يسافر تاركن منوارها = تدعيله ينجح في حياته الميت ميل
والعمر يمضي والعوين ازهارها = ولد الولد يحليلها مد الطويل
اللي يهلي ما يولي ادبارها = زايد دلاله بالمحبه جيل ِ جيل